في المستشفى :
دخل نواف وهو يجري .. جاله الخبر وهو توه خارج للدوام فما مداه يكلم احد او يقول اي شي لرازي
كلم الاستقبال واعطاهم اسم جدته واعطته رقم الغرفة وجري ناحيتها وهو يحس بألف شي بداخل قلبه .. جدته جزء مهم من عيلته .. هما كبروا قدامها وهيا الحامية لهم كلهم .. هيا الا دايما بصفهم ضد ابائهم وهيا الا دايما تحن عليهم لما يسوا شي غلط .. مهما تغيرت او قالت .. بتبقى الشخص الوحيد الا سهل تروحله لما ما تلقى مكان ثاني
فتح باب الغرفة وقلبه يدق .. ووقف لحظة وهو يشوفها تضحك مع سند
حط يده على قلبه وهو يترك جسمه ينزل على الارض من التعب
سند ضحك
- قلتلك بتجيبليه أزمة قلبية
جدته طالعت بنواف
- يا قلبي انت قلتلهم لا يكلموك بس ..
نواف هز راسه وهو يرجعه لورى ياخذ نفسه
- لا .. لا كان .. كان لازم اجي اصلا ..
سند ابتسم
- اناديلك الممرضة ؟!
نواف قلب عيونه
- اسكت لا اتوطاك هنا والله !
جولان كان داخل الغرفة لما ابتسم وهو يشوف نواف
- اوه اهلا ! .. مين قالك اننا هنا ؟!
نواف أشر على سند الا ابتسم وهو يضحك
- انا !
جولان هز راسه بشويش وهو يدخل الغرفة
- قلتلك لا تفجعه !
سند كشر شوي
- ياخي هو حيوان ساحب علينا عشان حبيب ..
قاطعه جولان الا حط يده على فم سند عشان جدتهم .. بس الا صار انو جدتهم كانت تطالع في الكيس الا جابه جولان وكأنها مو منتبه او مهي معاهم
سند بعد يد جولان عنه
- عشان الصاحب الحبيب الجديد !
نواف طالع حوله .. ليش مافي احجار يرجم بيها سند حاليا ؟! .. ليش المستشفى ما تبدأ توفر احجار في ارضيتها للحالات الطارئية زي ذي ؟!
تنهد ووقف وهو ينفض ثوبه
- بنتقم منك في يوم صدقني
سند ابتسم
- اممممم ما بتقدر !
نواف رفع حاجبه
- وليش ما بقدر ؟!
سند ميل نفسه ناحيت جولان وتمسك بيده
- عشان في من يحميني منك دحين ( وغمز )
نواف جلس ثواني يطالعهم قبل ما يشهق
- لأ !
جولان هز راسه
- لا تصدقه هو بس بيقهرك
سند ضرب كتف جولان
- يا زفت ! .. خلاص اجل بروح اشوف سلطان !
نواف ضحك
- سلطان شماعة عندك ؟ .. تعلق فيه كل شي وكل شخص ؟!
جدته تكلمت
- يا عيني عليه سلطان ذا .. مدري ياخذها من ابوه ولا من عيشته
جولان طالع فيها
- ليش ؟ .. احس انو حياته عادية
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
