راجس

100

رازي طالع في جواله وضحك ونواف رفع راسه من جهازه
- ايش في ؟

رازي هز راسه
- شادي يقول ما تبغى تجي تزورني مع نواف

نواف ميل راسه
- طيب ؟

رازي طالع في نواف
- شادي يقول عنك حبيبي .. محد يقول اسمك غير راشد .. فهو الا قال لشادي يكتبلي الرسالة لانو غالبا يبغى يشوفني انا وراجس بس كرامته أعلى من انو يقول اننا وحشناه !

نواف ابتسم
- يستحي يكملك عن مشاعره .. يمكن لانو لازم يكون القوي دايما

رازي عقد حواجبه
- امممم ممكن

نواف هز راسه ورجع يطالع في الجهاز بس رازي تكلم
- انت صرت الكبير بعده صح ؟

نواف هز راسه بهدوء ورازي تحرك من فوق الكنبة وهو مامسك بالبطانية الا حول اكتافه وقرب من نواف
- واختك الصغيرة .. صرتوا وحيدين

نواف ألتفت لرازي وتكلم بهدوء
- مو بشكل كامل .. لا تنسى عندي اخت كبيرة تكرهنا لاننا المفروض نوقف بصف الزفت خالد حتى لو كان قاتل لاننا اهله .. ذا منظورها للامر يعني ..

رازي حط يدينه على اكتاف نواف
- فأنتم لوحدكم

نواف حط يده فوق يد رازي وابتسم
- لا .. امي رضعت كل عيال العيلة حرفيا .. ف .. كلهم اخواننا .. وسلطان وسند حقيقي .. موجودين ديما

رازي ابتسم
- يعني ذول الاثنين زي سياف وطلال بالنسبة لنا

نواف هز راسه
- ايوة .. تعرف اني مبسوط .. انو الحياة دخلتنا ناس كويسة .. شوف يعني مو مرة مرة كويسة لانو سلطان له حركات من تحت لتحت بس محد صادها لسه

رازي ابتسم وضغط على كتف نواف بشويش وبدأ يمرخه
- وانت ؟ .. ما سويت حركات وانت مراهق ؟

نواف ضحك وهو يفتح يدينه لرازي عشان يجلس في حضنه
- لا .. شكلي كان Geek ( نيرد - غريب اطوار مدري كيف اوضحها اكثر )

رازي رفع حواجبه
- اهااا يعني انا طحت في حب نيرد ؟

نواف هز راسه ومسك يدين رازي عشان يلفها حولين رقبته
- يب .. شفت يعني سويت شخصية المدير الكول عشان تقع بحبي بعدين تكتشف الحقيقة المرة

رازي ضحك
- طيب يمكن انا كمان كنت بحاول اصيدك بذي الشخصية

نواف باش خد رازي
- انت زي القمر .. كل جوانبك حلوة

رازي ابتسم وهو يبوس نواف قبل ما يقاطع بوستهم
- بتجي معاي طبعا لشادي وما بتقدر تناقشني بالموضوع !

نواف رجع يبوس رازي
- بدون ما تقول حبيبي

⚜️⚜️⚜️⚜️⚜️⚜️

سياف كان يجري بدون ما يجري .. يعني كان يسرع بالسيارة بس فعليا مو لدرجة انو ساهر يصيده .. عقله فيه ألف فكرة وكلها بتصير اوضح لمجرد ما يشوف الايميل .. هو رفض يقراه في الدوام .. يبغى ياخذ الصدمة لوحده بدون اي مقاطعه