راجس

108

كان متمدد فوق السرير .. طالع ناحية نور الحمام وشافه واقف هناك .. سند ابتسم ورفع راسه من فوق المخدة بس ابتسامته اختفت لما شاف ملامح الطرف الثاني

عيونه الحادة وصدره الا يتحرك كأنه كان يجري ..

بلع سند ريقه .. جولان .. ابوه .. هيرو .. اخوه الصغير الا ما يعرفه باقي .. هل كل ذاك حلم ؟ .. هل ذا هو الواقع الا عمره ما بيقدر يتخلص منه ؟!

قرب منه خالد ومع نور الطاقة شاف قطرات دم في خده .. هو قتل احد ؟! .. هو ما شاف الدم في خد خالد الا مرة وحدة .. ولا يمكن هو عمره ما انتبه لخالد بسبب الظلام ؟

قرب خالد من السرير وتكلم بصوته الا خلا قلب سند يرجف
- قدرك ليا سند ..

قرب خالد وحط يده على خد سند وحس سند ببرودة اصابع خالد الا قرب وجهه من وجه سند وتكلم وعيونهم قدام بعض
- انت .. ليا انا .. لوحدي

بعدها حس سند بيدين خالد تلتف على رقبته .. بأنفاسه جالسة تضيق .. وبأن كل شي حوله جالس يصير اسود

سند فتح عيونه وهو يحس بأنفاسه ثقيلة .. حط يده على رقبته .. مافي احد ماسكه .. ألتفت يطالع حوله بالظلام .. بس الغرفة مو ظلام .. رفع راسه للسقف .. متى حط نجوم تنور في الظلام ؟ .. هو ما يتذكر انو اشتراها

ألتفت وطالع جنبه في جولان النايم وللحظة تذكر .. جولان سأله ليش يفز بالنوم كثير .. وهو قاله انو الظلام يخليه يكوبس احيانا ..

رجع يطالع السقف .. هل جولان علقهم امس ؟ .. لما كان سند بدوامه ؟ ..

سند ضرب المخدة بيده ورجع حط راسه عليها وغمض عيونه .. مو قادر ينام .. مو بعد الكابوس الا جاله

ألتفت يطالع في جولان الا كان نايم جنبه وبشويش سند مد يده لصدر جولان وحطها فوق قلبه .. انفاس جولان هادية .. واضح انو غارق في احلام حلوة

جولان بحركة عفوية لف يده حولين جسم سند وسحبه ناحيته وسند ضحك وغمض عيونه .. وهو يدفن وجهه في صدر جولان

همس بشويش
- أحبك

قبل ما يغمض عيونه ويحس بنفسه جالس يغرق في النوم

⚜️⚜️⚜️⚜️⚜️

اليوم الا بعده :

نواف فتح باب المصعد
- اوك يعني سينما بعد الدوام ؟

رازي هز راسه
- بعد ما نروح لذاك المطعم ! .. ليا فترة اشوفله اعلانات وتحمست اجربه !

نواف ضحك وهو يمشي جنب رازي
- دحين مو لك اسبوع تقول شكل اكلهم خايس عشان كذا مكثرين اعلانات ؟!

رازي كشر
- بروح مع راجس خلاص !

نواف ضحك وهو يمسك يد رازي
- اوك امزح لا تزعل !

رازي ابتسم
- يلا .. لمكتبك استاذ نواف

نواف ضحك وهو يطالع المكاتب الفاضية
- المشكلة انو كلمة استاذ حلوة منك ..