فتح باب البيت وطالع في سند الا ابتسم اول ما شافه ورفع يدينه يحضنه
ابتسم وطبطب على ظهر سند
- وحشتني
سند ضحك وهو يسحب نفسه
- وانت وحشتني بس تراني جايك في مصلحة
ابتسم هتان بسخرية
- اقسم بالله انا داري انو كل اصحابي عيال كلب
سند ميل راسه
- اسف بس حقيقي نحتاجك تطلع مكان شخص
هتان تنهد
- ادخل طيب خلينا نتكلم جوة
جولان طالع بالبيت وشاف الصور الا على الجدران .. في ناس كثير بس اغلبهم عيال .. في صور لعدة اطفال معلقة في جدار في ايطار بشكل شجرة وعليها اسماء اطفال مختلفة تحت كل صورة ..
التفت لما سمع صوت من الدرج وشاف طفل بعمر ال٤ سنين نازل من الدرج وهو ساحب بطانية في يده وواضح توه صاحي
كان جولان بيتكلم بس سمع صوت هتان
- صحيت يا قلبي انت ؟
هز الولد راسه بشويش وهتان تحرك وشاله بين يدينه
- جيعان ؟ .. ولا جاك كابوس ؟
حط الصغير راسه على كتف هتان وتمسك فيه بدون ما يتكلم بتنهد هتان والتفت لسند
- امشي الغرفة نخلص بسرعة
سند عقد حواجبه
- ذا مو أمين ولد شاهين.. فمين ذا ؟!
هتان باس راس الولد
- ولد كادي ..
سند صفق بيده بحماس
- تبنى !
هتان ابتسم
- من زمان ! .. غريبة ما شفته كاتب في تويتر ؟!
سند ميل راسه
- بطلت ادخل تويتر من زمان بس اعطيني اشوف الحلو ذا الا طالع بحلاوة ابوه !
هتان كشر
- بعد يدك لا ادق على غيث !
قلب سند عيونه بانزعاج
- ياخي انتم اشرار وانا غلطان اني محتاجكم للاسف !
هتان تحرك للغرفة وجلس على الكرسي والولد الصغير للان بحضنه ودافن وجهه في رقبة هتان بدون ما يقول شي
هتان طالع بجولان
- جواله مقفل ؟!
جولان هز راسه
- يدق عادي بس ما يرد
هتان هز راسه
- اعطيني رقم الجوال
جولان اعطاه الرقم وبعدها ظل ينتظر بينما هتان يخلص الا بيسويه وسند يحاول يجذب انتباه الطفل الا ما كان بيعبر احد
⚜️⚜️⚜️⚜️⚜️
راشد مسح وجهه وهو يطالع بالجوال .. الكل بيدور بس محد عارف فين راجس
هو السبب .. لو ما كلم راجس وزعق عليه ما كان بيشرد امس .. هو غلطان .. رغم انو جزء منه وده يضرب راجس عشان حركات المراهقين ذي .. بس دحين يحتاج يشوفه ويلقاه
هو كلم الكل .. ورازي جالس يدوره في اي مستشفى عشان لو احد اذاه بعد اخر مرة .. قلبه قلقان ومو عارف يتصرف
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
