راجس

46

دق تلفون سياف بالمكتب فابتسم وطالع ناحيت الاستقبال وما شاف احد قدام راجس فعقد حواجبه ورفع الخط
- اشتقت لصوتي ؟!

راجس ابتسم وهو يقلب عيونه
- لا بس قلت اخذ رايك .. تونة ولا بيض ؟

سياف ابتسم
- اكره التونة فحفضل البيض

راجس ابتسم زيادة
- اوك خلاص بطلب التونة شكرا يلا باي !

وقفل الخط

سياف طالع بالتلفون بيده .. هل راجس صاحي ؟! .. هل قواه العقلية طبيعية ؟! .. لانو بدأ يشك !

قفل السماعة وسحب جواله لما وصله تنبيه .. راشد اعطاه خبر انو وصل المحكمة وانو الجلسة بتبدأ كمان شوي

فتنهد وسحب الايباد عشان يحضر معاه اون لاين في حالة احتاج اي مساعدة او اي شي

⚜️⚜️⚜️⚜️⚜️⚜️

رازي رفع جسمه من فوق السرير .. حاسس بألم في بطنه .. ما اكل شي من امس فالألم طبيعي .. هو متعود عليه .. بس هو قلقان بطنه تطلع صوت ونواف يسمعها ويرغمه ياكل ..

ألتفت وطالع في الصينية الا غطاها نواف .. كان الكروفلكس والفرولة .. عشان غرفة رازي باردة من المكيف الفرولة ما اتعدمت بس فقدت برودتها ..

مد يده بشويش ومسكها .. لو اكلها الان هل بيكرهها بعدين ؟ .. هز راسه ورجعها .. ما يبغى يخاطر بأنو يكره شي هو يحبه

سحب صحن الكرون فلكس .. هو ما ياكله بالحليب .. هو يحبه ناشف وعادة يحط الحليب اول بعدين القطع عشان لا تصير لينة .. يكره ملمسها وهيا لينة بفمه ..

سحب الملعقة وبدأ ياكل بشويش .. غمض عيونه توقع يسمع صوت مرهف زي العادة بس عقله كان صامت تماما .. وذا الشي كان مريح

كمل ياكل بهدوء بدون ما يطالع في احد او في اي شي .. لدرجة انو ما انتبه لنواف الا كان واقف ورى الباب يراقبه .. هو كان بيدخل لما شاف رازي ماسك الصحن وقف نفسه .. ما يبغى رازي يتراجع عن قرار انو ياكل او يحس بالاحراج بسبب نواف .. هو يبغاه ياكل حتى لو اضطر يخليه ياكل لوحده .. اي شي ولا انو يشوفه تعبان

ابتسم نواف بهدوء وهو واقف يراقب رازي بهدوء

⚜️⚜️⚜️⚜️⚜️

راجس سحب الملف وتحرك لمكتب طلال .. دق الباب قبل ما يسمع صوت طلال ويدخل

شافه واقف عند الطاقة يتكلم بالجوال وأشرله طلال يسيب الاوراق فوق المكتب

فتحرك راجس بشويش وتركها هناك بعدها تحرك بيخرج بس لفته كلام طلال
- يعني كل شي جاهز للمشاركة ؟ .. حلو كم عدد الناس الا بنقدر نرسلهم ؟ .. اممم من ٢ الى ٣ اشخاص ؟ .. تمام ومين الشركات الا بتكون هناك ؟ تمام تمام .. ايوة ارسلي باقي التفاصيل على الايميل وبرسلك اسماء المشاركين من طرفنا .. لالا انا ما حقدر اجي بسبب الشغل بس غالبا برسلكم سياف .. ايوة هو اخوي الصغير .. خلاص تمام برجع اكلمك بس يوصلني الايميل واناقشه .. تمام