شادي فتح عيونه بشويش وطالع جنبه .. راشد كان نايم فوق السرير ويديه اليسار تحت راس شادي بينما يده اليمين فوق شادي
ابتسم شادي وحط يده فوق خد راشد الا عقد حواجبه وهو نايم
ضحك شادي قبل ما يقرب اكثر من راشد ويهمس
- أحبك
ويرجع يغمض عيونه بشويش
⚜️⚜️⚜️⚜️⚜️⚜️
في الصباح
رازي مد الكيس لنواف
- سويتلك فطور .. يعني عشانك مداوم من دوني و .. وكذا يعني
نواف ابتسم وسحب الكيس وبعدها يد نواف وباسها
- تسلم يدك
رازي ضحك
- بتحسسني اني زوجتك الا مسويتلك لانش بوكس ؟!
نواف عض شفايفه وغمض عيونه
- لا تعطي افكار لخيالي لاني سريع الاشتعال !
رازي ضحك وهو يدف نواف
- اجل يلا قدامي على دوامك !
نواف تحرك
- طيب ثواني .. ثواني ما اخذت بوستي !
رازي عض شفايفه
- مالك بوسة .. إلين ترجع !
نواف ألتفت يطالع رازي
- لا بليز ! .. يومي ما بيكون كامل بدونها !
رازي ابتسم وغمض عيونه
- اوك
نواف مسك رازي ونزل راسه يبوس شفايفه بشويش قبل ما يفصل بوستهم
- لو صار اي شي كلمني طيب ؟
رازي ابتسم
- انا الا اقول كذا مو العكس ! .. ترى انا الا بجلس فاضي بالبيت
نواف ضحك
- خلاص بقول لسلطان يعطيني شغل القسم كله عشان اشغلك !
رازي طالع بنواف
- لأ ! .. ابغاك تشغلني .. بس بشي ثاني
نواف عقد حواجبه
- شي .. ثاني ؟!
رازي هز راسه وهو يضحك
- انسى انسى .. يلا قبل ما تتأخر
تحرك نواف وهو مو مستوعب قصد رازي إلين دخل السيارة وشغلها عشان يحرك ولحظتها زعق
- ثواني !
نزل من السيارة بدون ما يقفلها وترك اغراضه برة ورجع يدق الجرس بالقوة وهو يحس بقلبه ينبض بالقوة
رازي فتح الباب مستغرب لانو نواف توه خارج فليش في احد يدق كذا بالقوة !
لمجرد ما فتح رازي الباب واستغرب من نواف الا ما اعطاه فرصة يسأل وبسرعة دخل الحوش وقام يبوس رازي الا فز مو فاهم ليش نواف يبوسه كذا !
فصل رازي البوسة وحط يدينه على صدر نواف
- ايش صار ؟!
نواف دفن وجهه في رقبة رازي وتكلم بأحراج
- ما .. ما استوعبت قصدك .. الا وانا بالسيارة و .. و..
رازي ضحك وهو يطبطب على ظهر نواف .. هو كيف قادر يكون لطيف كذا بردود فعله ؟ .. بس بنفس الوقت هو جالس يخلي رازي يخق عليه اكثر واكثر بسبب ذي الحركات !
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
