راجس

91

المكان كام ظلام .. في ملبات ديسكو فعليا .. الاغاني صوتها عالي .. دخان معسلات وضحكات عالية تخليك تعرف انو في شي غلط بالمكان ..

راجس بلع ريقه .. يمكن كان غلط يجي هنا عشان يكلم سياف .. بس سياف هو إلا قاله يجوا هنا سوا ..

ألتفت بين الموجودين وعقد حواجبه لما انتبه لنواف .. ايش بيسوي هنا ؟!

تحرك ناحيته بس شافه يمشي ناحيت غرفة بعيدة .. طالع حوله .. مو شايف انس وغالبا اصلا انس بياخذ كم دقيقة الين يدخل وسياف ما بيوصل قبل الوقت .. فتحرك ورى نواف ناحيت الغرفة

دخل نواف ممر بعيد عن الاغاني فالصوت كان اخف هناك وتحرك لوحدة من الغرف الا ورى .. راجس بلع ريقه .. الغرف ابوابها سودة وواضح انها غرف للحبايب .. او لأي احد يبغى علاقة عابرة مع احد من الا برة فليش نواف هنا

وقف لما سمع باب ينفتح وألتفت يتأكد محد لحقه بس الصوت كان من قدام وفجأة سمع صوت نواف فألتفت بس كويس انو نواف مو في وجهه وما شافه

- انا بطلع

سامي عقد حواجبه
- ليش ؟! .. المتعة لسه ما بدت !

نواف كشر
- المكان مستفز وانا اكره ذي الاماكن من زمان

سامي قلب عيونه
- أجلس إلين اتدخل بعدين روح

نواف
- ما اعرف ايش بتسوي فيه .. الا يهمني يشيل رازي من دماغه وبس ..

سامي أبتسم
- دخل الغرفة ولا باقي ؟

نواف عقد حواجبه
- ايش عرف أبوي ! .. ماني ساحبه لأي غرفة انا اصلا عندي حبيب وما بفكر اقرب من شخض غيره !

سامي كشر
- قلتلك انت قاتل المتعة .. يعني صدقني حبيبك ما درى عنك الليلة بس انت كذا من يومك .. مخلص اكثر من اللازم

نواف
- انا بطلع .. سوي الا تبغاه براحتك بس انا خارج دحين .. ولا تفكر تدق علي

سامي هز راسه
- ما فكر فيك اصلا .. عندي ليلة حلوة اقضيها

نواف ألتفت وراجس ألتفت يطالع الغرف .. لازم يتخبى .. طالع في الابواب بتوتر قبل ما يتحرك يمسك الباب الاول ويغمض عيونه بالقوة ويتركه ويتحرك لباب الخروج .. عادي نواف يشوفه .. بس هو ما بيخاطر ولا واحد بالمية انو يدخل احد ذي الغرف .. مو لوحده .. ومو بدون ما يقول لأحد انو هنا .. والاهم من كل ذاك .. ما بيقدر يأذي سياف لهذي الدرجة .. ما بينفع يحطمه حتى لو بالغلط بأنو يشوفه خارج من وحدة من ذي الغرف ..

تحرك لبرة واختفى بوسط زحمة الناس ووقف بالركن وراقب الباب وشاف نواف يطلع من ذاك الممر ويتحرك لبرة المبنى

حط يده على صدره بهدوء عشان يرتاح بس هو قلقان .. ايش الا كان بيقوله نواف .. ومين الا جالس يضايق رازي !

حس بيد على كتفه ففز وطالع وكان أنس الا كلمه بهدوء
- ليش كنت تجري ؟

راجس رفه راسه يحاول يعدل انفاسه وهو يطالع في انس
- و .. ولا شي ..