راجس

106

ظل سلطان يطالع في المكان قبل ما يرجع يطالع جواله .. هو جا بدري .. الساعة دحين ٧:٥٥ .. هو هنا من ٧ ونص .. ايه حماسه خلاه يجي بدري .. او يمكن هربه من التفكير بأخوه ومصايب اخوه

رجع يطالع في المكان حوله .. مو اول مرة يجي بس ليش متوتر ؟ .. يمكن لانو ديت او شبه ديت يطلعه ..

نزل عيونه .. يضحك انو عمره ما اخذ اي شخص بجدية لدرجة انو ما طلع مع اي احد لحالهم .. عمره ما حس انو في احد بيختاره على اخوه وما يبغى يكون في علاقة ما يحس فيها بالامان

رفع عيونه بيطالع البحر بس لفته منظر ثاني .. انس كان داخل من المدخل .. لابس بنطلون جنز اسود .. تيشرت أحمر .. حزامه الفضي كان يلمع .. شعره مسرح على ورى .. ولابس نظارة طبية

اي شخص بيشوفه بيعرف انو كاشخ .. بس ملامحه الباردة كانت معطيته جو مختلف

قرب من الطاولة ورغم انو سلطان وقف عشان يسلم عليه بس انس جلس على الكرسي الا قدام سلطان بدون ما يجاوب على السؤال

سحب انس جواله وهنا لاحظ سلطان شي .. في ميدالية قماش زي الاسورة .. لونها كان كحلي غامق وواضح انها قديمة .. كانت الشي الوحيد الا مو متناسق مع كل شي حول انس

سلطان تأمل ملامح انس .. ايه يشبه رازي .. هنا لما يشوفه على الطبيعة بيقدر يميز الشبه .. بس مو بشكل متطابق .. يعني يمكن بدون النظارة ملامحهم بتبان اقرب .. بس سهل تميز انو الا قدامك مو رازي مثلا .. ثواني ! .. سلطان انت ليش تفكر في رازي وانت قدامك شخص مختلف ؟!

هز راسه بيرتب افكاره وانس رفع عيونه يطالع في المكان واشر للنادي الا قرب وانس نزل جواله وتكلم
- واحد ميكاتو بس دبل شوت و

ألتفت لسلطان الا تفاجئ .. هو للان مو مستوعب الاريحية الا بيتصرف فيها انس .. مو المفروض تتوتر ؟ .. بس يمكن كلامه كان صح .. هو الا صاد سلطان فليش يتوتر ؟
- ا .. ليمون .. لا لا .. مو .. ا

انس رجع يطالع في النادل
- فيه قهوة باردة ؟

هز النادي راسه فتكلم انس
- واحد سبانش بارد

سلطان تعلثم وهو يطالع انس .. كيف يعرف ايش انس يشرب ؟! .. لا لا .. اغلب الناس اصلا تشرب الاسبانش بارد محد يشربه حار فطبيعي يستنتج كذا !

انس حط يده تحت خده
- كيف الشركة بعد كل الدراما ؟

سلطان عقد حواجبه
- انت جاسوس ؟!

انس رفع حاجبه وابتسم
- فكرة حلوة .. للاسف ما تواصلت معاي اي حكومة للان بس لو عندك احد مهتم فانا متفرغ

سلطان بلع ريقه يطالع في انس
- ليش .. ليش تعرف كل ذا ؟

انس هز اكتافه
- لاني فاضي .. حياة الناس انترستنق ( مثيرة للاهتمام ) في عيوني فأحب اتعمق فيها