SUBDIVISION SCANDAL IV 💚❤️💙💜

The 60th Shopa

DENNIS POV

Namulat ang aking mga mata sa isang pamilyar na lugar, pamilyar na ayos, gamit, kulay at lalo na ang amoy ng kwartong ito.

Dali akong bumangon sa aking kinasasadlakan na katre. Alalang alala ko pa ang nangyare.. ang kademonyohang ginawa nanaman sa akin ng baklang yun!

Nakakadalawa na talaga siya.

Agad kong kinapa ang likod ko at pansin kong may nakatapal dun. Parang pain reliever ata yun, parang salonpas.

Parang nawala yung sakit sa aking likuran, pati yung mga sampal ng malditang yun. Alam kong siya yun kahit nakamaskara pa siya. Dahil amoy na amoy ko ang baho ng ugali niyang sobrang sama!

Pero teka? Nasaan si Maulee.

Parang gusto kong sapukin ang sarili ko dahil pinabayaan kong paghahampasin ng mga yun si Maulee. Naiyak nanaman ako ng bahagya ng maalala ko yung pangingisay niya.

Pero asan siya?

Agad akong lumabas dito sa kwarto ng School Clinic. Bumungad naman sa akin si Kuya Mond at Ate Grace.

Naka-upo sila sa lamesa sa sala ng clinic habang pinagmamasdan si Maulee na parang ang lungkot ng mukha.

Napangiti ako ng makitang buhay siya, buhay si Maulee! Patakbo agad akong lumapit sa kanila na kinagulat ng dalawa.

"Oh gising ka na pala" bungad sa akin ni Ate Grace.

"Maulee??" agad akong lumapit sa pusa na malungkot ang mukha. May tapal din ito ng benda sa bandang ulo. Humanda talaga sila sa akin!

"Meow..." sabi nito sabay lapit na sa akin. Agad ko siyang kinuha at inakap. "Meowwww.." sabi nito na nagsusumiksik sa dibdib ko.

"Ate Grace kumusta po siya?" nag-aalalang tanong ko.

"Okay naman siya.." sabi ni Ate Grace. "Palakad lakad na nga siya kanina dun sa kama sa tabi mo.."

"Pero kinuha muna namin para lagyan ng benda yung konting sugat niya" dugtong naman ni Kuya Mond.

"Meow.. Meow.."

"Gusto mo na umuwi?" tanong ko kay Maulee.

"Meow.. Meow.." malambing na may pagkamalungkot ang itsura niyang sagot.

"Buti naman okay na siya.." sabay buntong hininga ko. Kundi lagot ako kay Lucario pag may nangyaring masama dito kay Maulee.

"Ano nanaman pala yang nangyari sayo.." nakangiting tanong sa akin ni Ate Grace.

"Dating gawi.." sagot ko.

"May nang-away nanaman sayo noh?" tanong agad ni Ate Grace. "Tsaka bat may pusa kang kasama at.. ano ba talaga nangyari?"

"Basta may sumugod sa amin ate grace.. tapos kinuha nila yung bag ko kung nasaan si Maulee.. tapos pinaghahampas na nila siya" pag-iba ko sa totoong nangyare.

"Pero paano nila nalaman na may pusa kang dala? Buti nalang Cat lover din ako kaya alam ko kung paano bigyan ng first aid ang pusa.."

"Tsaka di basta basta yang pusa mo aa.." sabi naman ni Kuya Mond.

"Parang Kabreed niya yung sikat na pusa ngayon sa Instagram.. si Coby.. Yeah.. I think tulad ni Coby.. British Shorthair Cat yang pusa mo" nakangiting sabi ni Ate Grace sabay lapit at himas kay Maulee.

"Sino nagbigay?" nakangiting tanong ni Kuya Mond. Ganun din si Ate Grace na parang kinikilig.

ALAM NA KASE NILA KUNG ANO AKO..