صباح الخير والهمه والنشاط .. صحيت استحميت ولبست وانا طالعه ضرب لي مهند.
مهند : صباح الخير .انزلي انا جنب باب الداخليه
انا : صباح النور دقيقتين بتلقاني معاك
مهند : اوووه ظاهر عليك برلومه
انا : شكرا شكرا من زوقك..ومشينا علي الجامعه
مهند : شوفي يامريم بما انك زوله بتاعت علم ح اديك نصيحه اول محاضره حتكون تعريفيه فقط ،اي زول فيكم بعرف نفسو، ومن ياتو بلد ،وديانته، والطريقه القبلوا بيها للجامعه الهي يا جينيس يامنحه يا قبول عام.. دايرك تركزي علي ناس المنحه اللي هم ديل الناس النسبتهم من 90 لحدي 95 الجامعه كل سنه بتدي منحه كامله المصاريف ل 5 اشخاص في كل كلية.. ناس المنح ديل اكتر ناس بكونوا مجتهدين عشان يحافظو علي منحتهم لانو الجامعه محدده ليهم معدل معين لو نقصو منو المنحه بتضيع عليهم وقع ليك كدا
انا : وقع لي تماما
مهند : خلاص الله معاك انا ماشي كليتي الهي في اقصي الشمال وانتو في اقصي اليمين بينا مسجات وفي البريك بضرب ليك نتلاقي في الكافي الفي نص الجامعه
انا : اوووكي ... مشيت القاعه فعلا لقيت الناس قاعده قلت ليهم هاااي مع ابتسامه كدا.. بعد شويه جاء عميد الطلاب والمشرفه الاكاديميه ومعاهم كم دكتور.. عرفوا بنفسهم وطلبو من اي زول يعرف نفسو ياهو كلام مهند زاتووو.. الناس بدت تعرف نفسها ركزت تمام عشان القط ناس المنح، ح اقول ليكم ناس المنح طبعا لازم تركزوا معاي ذي ماقال هنودي واحلي شي انو اربعه منهم مسلمين ♡♡♡ يابت المحظوظه يامريم ههههه
راني هنديه مسلمه، وكمان في نميش برضو هندي مسلم ،وفي احمد عراقي وفي مايكل اسباني والمفاجاءه ايليف تركيه مسلمه ياخ لما عرفت نفسها انا لما قلبي عمل شح .. وانا لما عرفت نفسي وقلت جينيس الناس دي كلها قبلت علي احم احم الشطاره سمحه والله، عميد الطلاب قال ليهم مريم نسبتها 96.6 اعلي نسبه علي مستوي الكليات السنه دي ياريت يامريم تستمري بنفس المستوي وتكوني قدوه لزملاءك.. راسي كبر امسكوا سريع.. شرحوا لينا نظام الدراسه كيف، واتمنوا لينا سنه دراسيه سعيده تاني ماكان في حاجه باقي اليوم، من بكره حتبدا الدراسه جاده.. رسلت لي مهند اني خلصت ضرب لي بقي معاي في الخط لحدي وماوصلت الكافي
انا : السلام عليكم معاك الطالبه النجيبه
مهند : الطالبه نجيبه من فيلم الثلاثه يشتغلونها ههههههه. اقعدي مصطفي في الطريق جاي مخصوص يسلم عليك
انا : انتو خلصتو خلاص
مهند : ايوا حنفطر كلنا مع بعض وحنمشي نرتاح حبه ومن هناك علي الدوام حنشتغل كل سبت واثنين واربعاء .. مصطفي وصل حلاة الدنيا عليهو لكن ما احلي من هنودي.. مهند وجيه جدا واحلي من وجاهتو اخلاقو العاليه، شخصية مريحه ومحترمه لابعد حد.
