تعلن الخطوط البريطانية عن قيام رحلتها رقم 676 المتوجهه الي لندن علي جميع المسافرين الذهاب عبر البوابه رقم 5 😜
مرت الرحله سريع مع ونسه ايليف وعذابها للمضيفات ، ربنا حلاهم الرحله كانت ماطويله ذي ساعتين وربع 😅 ، طلعنا سريع سريع متين نصل الداخليه مشتاقين للشله ونحن اخر ناس وصلنا كلهم وصلوا امبارح المساء ✈
اشتقت ليك
بـالـلهـفـة جـاي
الـلـوعــة تـحــرق فــى حـشـــاي
أشــواقـي بـتـســابـق خطاي
قبالـــي تـوصـــل يـامـــنــاي
تـجـري و تـشـيــل كــل الـفــرح
تـرقــص تــنـاغــم فـى رؤاي
وتـجـيــب بـشــايـر قـوس قـزح
يـا بـهــجــة الـدنـيــا و هــنـاي
ما براي ما براي ما بـــــراي
و انـا مــا بــراي 😍
وصلنا الداخلية لقيناهم كلهم منتظرننا تحت.. السلام 🙌 والكواريك والجوطه اشتقلت تاني 🔊
مصطفي : يا بت يا مريم ايه الاشقر دا دلوقتي بقيتي ذي ايليف تركيه بجد 😍
مهند : مريم اوغلو يا 😂
راني : زعلانه منكم عايزه لون شعري زيكم 😯
ايليف : شفتي ليك هنديه شعرها اشقر 😅
انا : ايليف ياحاقده عشان شعرها اطول من شعرك 😆 طوالي يا رنو بكره نوديك تعمليهو..
بعد خلصنا من التعاليق بتاعت النيولوك و التريقه علي بعض
انا : يلا يا شباب خلونا نمشي نطلع شنطنا ونتلاقي بكره ،اصلا الاحد نبرمج قبل ما نبدا الدرش
مهند : بتخيل ليك يا مريم امشوا انتي وايليف دخلوا شنطكم وانزلوا طوالي سفريتكم ماكان طويله عشان تتعبوا ونحن مشتاقين ليكم الليله الونسه صباحي
انا : خلاص جينا لوجع الراس 😜
مهند : دا الكنت خايف منو😬 لمتكم انتو وايليف براكم، طلعت كل الشر الجواكم 👽
ايليف : عشان كلامك دا حتطلب لينا العشاء علي حسابك
مهند : كدا بس من عيوني انت تامري بس 😍
انا : انت تامر ونقول سمح عشان جميل عشان سمح 👏🏻
مهند : ههههه انتي متاكده انك جايا من تركيا 😉
طلعنا انا وايليف لحدي ما دخلوا لينا الشنط وغيرنا هدومنا ونزلنا.. والونسه دورت ..عايزه اعرف شمارات السودان العامه احمد ما واصف لكن مصطفي بمتعني
