بريدك والريدة ظاهرة في عينيا
بريدك والشوق غمرني وفاض بيا
ما انت شبه البترادو تصلح الكانوا اتعادوا
قول لي بس كيفن القاك قول ليا قول ليا
بعدما نزلني حسام في الداخلية طوالي ضربت لمهند صحيتو وقلت ليهو انزل لي ومشيت ليهو .. كنت طايره من الفرحة ولازم اشارك فرحتي مع هنودي
مهند : في شنو من صباح الرحمن الزول ما ينوم حتي في الاجازه 😡 مريومتي انتي شاربه حاجة بتتبسمي وانا بشاكل فيك مالك 😂
انا : مبسوطه ياخ 😍 اترزع اقعد ماشفت الحصل 😍 .. وحكيت ليهو
مهند: ههههه انا كنت قايل حسام عاقل لكن طلع اجن منك .. والله عجبتني الحركه ح اشفها منو 😉
زول بحبك وبخاف ربنا فيك مافي احلي من كدا .. وانتي يا سجمانه ان شاءالله ما اتساقلتي عليهو
انا : هو انا فضيت من البكاء ما كنت قايلاهو كان مركز معاي من بدري كدا والزمن دا كلو بحب فيني ، و لخبط لي كل كياني بكلامو ، عمري ما اتخيلت في زول ممكن يحبني بالطريقة دي
مهند: (وعلي نياتكم ترزقون) انتي تستاهلي يا مريومتي عشان نيتك البيضاء ، حسام دا رزق ربنا ليك ، والمعاناه الانتو الاتنين العانيتوها في حياتكم حتخليكم تقدروا بعض اكتر
انا: حسام عازمني للعشاء عشان افتح ليهو قلبي ، ماعارفه ح اقول ليهو شنو ، بالرغم من انو ما غريب علي وانا متعوده عليهو لكن ما تتخيل قبيل خجلت منو كيف
مهند : ههههه احلي حاجه في الانثي الحياء فمن الطبيعي انك تخجلي في موقف ذي دا حتي لو متعوده عليهو .. خليك علي طبيعتك والكلام بجي براهو
اتكلمنا انا وهنودي كتير .. وبعدو مشيت الداخليه لقيت إيليف واقفه بتدق لي في باب الغرفه .. اتخلعت لما لقتني جايا من بره 😂 قلت ليها جيبي رنو وتعالي .. وحكيت ليهم الحصل .. ههههه ياخ ضحكوني ضحك كل ما احكي بحاجه يقوموا ويقعدوا وفي النهايه الكواريك والمباركه تقول الولد عقد علي 😂
اما موضوع العشاء دا استلموا هم ، نزلوا لي كل الدولاب ، اي واحده بتختار علي مزاجها ، مع اني قررت ح البس شنو لكن خليتهم يعيشوا معاي اللحظات دي ذي ما هم عايزين لاني عارفاهم فرحانين لي قدر شنو .. عندي فستان اوف وايت عجيب من اشتريتو خاتاهو في الشنطه ومستخسره البسوا كل ما اكون طالعه اقول البسوا، تاني اقول المشوار دا ما مستاهل مع انو بسيط جدا لكني عاجبني شديد وخلاص جاء وقتو 😍 طلعتوا من الشنطه راني وايليف عجبهم وطوالي خليتهم رتبوا الدولاب ذى ما جاطوا 😀
وطبعا ايليف لقت ليها موضوع خلاص طوالي مشت عملت ليها ماسك ولطخت وشوشنا نحن الثلاثه ، ذي الهم ماشين معاي 😂 ايليف بطبعها بتحب الاهتمام اي نعم بيضاء لكن فعلا الاهتمام ماعندو علاقه باللون وبخليك نضره مهما كان لونك.. قالت الا نمشي الكوافير .. حسمتها طوالي انا أساسا تسريحتي المفضله الكيرلي ومعلمه في عملوا .. تعالوا اوريكم للناس البحبوا (بغسل شعري وبنشفوا بالبشكير.. وهو لسه مرطب بقسم شعري علي 4 او 5 بالطول .. في اسبراي او موس بتاع لوريال و ما الا لوريال في ماركات تانيه برضو كويسه الموس عباره عن فوم يعني رغوه لو ما عندك ممكن بديل الزيت برضو بمشي الحال .. بمسك قسم قسم امسحوا بالموس واضفروا من قدام للوراء وبلف الصفيره ذاتها كعكعه وبخلي ينشف علي راحته و لو مستعجله ممكن تنشفي بالاستشوار لكن لازم تخلي برضو مسافه عشان الشكل يضبط ولو دايراهو كيرلي دقاق قسمي ذي البوب لكن علي اكبر وقع ليكم 😍
