مهند : انتي يا مريم
انا : انا!!! 😱 انت جنيت ولا شنو يا مهند في زول بحب اختو
مهند : اولا انتي ما اختي نسبا 😳 وتانيا البمنع شنو ؟ زمان كنت مرتبط وهسي لا ، وانتي ماعندك زول في حياتك 😅
انا : انت اكيد شارب حاجه ، ماممكن تكون واعي وبتقول في الكلام دا ، يا بتهظر وهظارك بايخ ذي وشك 😡
مهند : اها رايك شنو يابت النصري 😀
انا : اقسم بالله يا مهند ما تقوم من قدامي هسي اقوم افرج فيك الفندق دا كلو 😖
مهند : ههههههههه يا حيوانه يا كلبه قايله نفسك براك بتعرفي تعملي مغالب في الناس 😂 انا كدا اتسديت حقي ، من ما جينا عامله فيني مغلبين ذي السم ، وهسي مغلبي دا بمية مغلب من بتاعنك 😆 خلاص كدي اهدي واقعدي
انا : عارف يامهند لو فتحت خشمك معاي تاني بكلمه واحده ما تلوم الا نفسك 👌🏻
مهند : 😂😂😂 خلاص والله اسف بس كدا انا اتفشيت فيك ، اقعدي المره دي بالجد دايرك في موضوع جادي
مشيت ولا اشتغلت بيهو ماشي مباريني لحدي الغرفه وبتكلم معاي ، حلفت ما افتح خشمي معاهو ، قفلت باب الغرفه في وشو ودخلت.. يشيل ويضرب في التلفون بقفل في وشو ❌
بعد شويه رسل لي في الواتس متذكره يا مريم
لما كتبت ليك ( رب اخ لك لم تلده امك )
وانتي رديتي لي ( اجمل قدر في دنيتي انك اخي )
فعلا اجمل قدر اننا بقينا اخوان 😍 وخوتنا اجمل ما يكون، واصدق من اي علاقه تانية 😘 دي العلاقه الممكن اخسر اي زول عشانها وانا مغمض عيوني 😍 مريومتي اختي حبيبتي الما بتزعل مني مهما حصل ، انا لسه واقف جنب الباب ومستحيل امشي انوم وانتي زعلانه مني يلا تعالي منتظرك..قريت المسج وبكيت 😭
طلعت لقيتو واقف ، اول ما شاف دموعي اتخلع 😱
مهند: انتي بالجد زعلانه مني قدر دا
انا : لا
مهند : طيب ليه بتبكي
انا : مديت ليهو تلفوني لقاني فاتحه المسج حقتو
مهند : 😂 وحياة ربنا يا مريم الكلام الفي المسج دا كلو من جوه قلبي ، وانتي عارفه كدا ، اخوان للابد 😍
انا : مهند
مهند : يا روح مهند
انا : عايزه ايس كريم 🍦 🍨
مهند : ما دام طلبتي ايس كريم معناتو الزعله راحت 😅
نزلنا المطعم طلبنا ايس كريم
مهند : خلينا نتكلم جد
انا : اها اقول يا عواليق انت
مهند : انتي بتاكلي في ايس كريم من حر مالي وبتنبذي فيني 😡
