تلعن الخطوط الجوية الاماراتية عن قيام رحلتها رقم 555 المتوجهه الي مدينة لندن علي جميع المسافرين التوجهه الي الطائره عبر البوابه رقم 5 😜
مشينا علي الطياره ومن هنا بدت الجوطه انا وراني قعدنا جنب بعض وايليف وحنين جنب بعض
احمد: ايليف قومي اترزعي جنب اي زول تاني عايز اتونس مع مرتي 😏
حسام: انا ذاتي عايز اتونس مع مرتي 😍 قومي يا راني 😏
ايليف : مافي حاجه اسمها اقعد جنب مرتي، مرتك دي في البيت مافي الطياره لما تصلوا بيتكم اتونسوا 😛
انا : رنو ما تقومي خليك قاعده بلا مرتي عرفت من متين كمان
المهم جوز اللوز نقنقوا ولا في زول اشتغل بيهم وبعد مسافه رنو بدلت ايليف وايليف جاتني ب افكارها الشيطانيه 😅
ايليف: مريم حسام دا ماممكن يكون يكون بالطريقه دي اصلو دا حب شنو لحدي الان ما لقينا ليهو غلطة ملحوظه الموضوع دا ما طبيعي 😂 كدي بالجد من غير ما تغشيني عشان اتاكد انو راجل طبيعي 😅 بعد العقد ما ساقك حته كدا ولا كدا وما علمتوا اي حركه من الحركات اياها 😉
انا : ههههه كدي استغفري يا تافه انتي. ماحصل الفي بالك مشينا مطعم اكلنا اتونسنا وعبر عنو فرحتو بإني بقيت زوجتو بكلام رومانسي وبس
ايليف: اممممم طيب في العربيه وانتو راجعين ما حاول يعمل اي شي 😉
انا : ايليف بطلي قلة ادب والله غير ما انو كان ماسك يدي وهو سايق ما عمل حاجه وبعدين نحن ماعقدنا عشان الكلام دا ومتفقين علي كدا قبل العقد ف اخرصي احسن 😡
ايليف : بس خلاص عرفت عيبو شنو سجمك يا مريم حسام حيكون بتاع ....
انا : هههههه لالالا انتي جنيتي يا ايليف لو هو هناي البخلي يحبني ويصرف دم قلبو شنو عشان يعرسني
ايليف: بعرسوا كواجهه اجتماعية نسيتي الحاله الدرسناها الشهر الفات 😅
انا : ايليف مالك ياخ ما تخوفيني 😭 قومي يلا من جنبي .. طردتها وناديت حسام
حسام : كدا يا مريومتي تقطعي معاي وانا داير اتونس معاك ونعلق علي شريط العقد
انا : عشان تشتاق لي ☺
حسام : ما تحنكيني 😉 .. عارفه يا مريومتي الجاء العقد منو عم محمود ابو رامي وريم الراجل دا حضني وبارك لي لما قلبي وجعني .. لو كنت في مكانو كنت ح تخيل دا عقد بتي و ولدي واقف في عقد اختو بالجد حاجه صعبه 😢
انا: ربنا يرحمهم أن شاءالله. . و هم هسي ممكن يكونوا في مكان احسن من انو يكونوا معاك ولا مع ابوهم ، وعم محمود بالجد راجل ايمانه قوي وربنا حيجزيه علي صبرو دا خير ان شاءالله و يهدي امهم
