مريم

الجزء 66

خطواتها وهي بتعدي ونظراتها فيهم تحدي..

وكلماتها أنا حافظاها عندي شعار وهوية..

هي جميلة لكن قوية هي بسيطة هي دغرية

هي عظيمة هي حربية سودانية..

يا ناس الله عليها توبها لايق عليها والحنة الفي ايديها سودانية..

قارية الدنيا بعينيها ماشة وواثقة فمشيها بتزيد الهمة فيها والحنية ..

تحت الشمس الشديدة واقفة ووقفتها عنيدة..

حامدة الله البريدها صادقة ونقية..

شاقة طريقها بايديها مالية العالم بريدها

ودماها الفي وريدها سودانية..

نادوا الطير البغني يمشي ويحكيلها عني

أنا بهواها لأني أنا هيا سودانية 😍

انا مريم ابنة د محمد النصري الذي علمني كيف اكون ملكه باخلاقي وان لا خوف لي سوي من الله 😘

انا مريم ابنة د.فرح اوغلو التي علمتني ان الصبر بئر كلما شربت منه قويت على الم الشدائد و الحياه 😘

انا مريم اخت م.مهند الشريف ذلك الرجل الذي امدني بالقوة كل ما ضعفت ، مهند كنت دائما وستبقي اخي الذي علمني معني النقا ومعني العطاء 😘

مهند: اخوان للابد 🔗 ♻

انا مريم زوجة د.حسام الحسيني ذلك الرجل العظيم الذي وثق بي و احبني اكثر مما احببت نفسي ، زوجي و شريك حياتي ورفيق دربي ونصفي الاخر وسندي الذي كان وراء هذا النجاح ف وراء كل امرأه متزوجة ناجحة زوج متفهم ..الحياة ارزاق وفيك الله رزقني 😘

حسام: بحبك.. مريم و كفي 💓

انا د.مريم محمد النصري سودانية وافتخر ✋🏻

دي ☝ الكلمات القلتها لما طلبوا مني اتكلم عن نفسي لما تم تكريمي ك افضل طالبه علي المستوي الاكاديمي ماكان عندي كلام اقولوا و ما كنت شايفة قدامي غير صوره ماما وبابا وببكي، مر علي شريط حياتي معاهم وكيف هم اجتهدوا معاي عشان اصل للمستوي دا 😭 طلعت المسرح في وسط دموعي بتشجيع من حسام ومهند و عشان استقوي كنت بعاين كل مره في عين واحد منهم وبتكلم.. كانوا واقفين في اول صف وبشاغلوا فيني وبصفقوا لي ولما جيت اتكلمت عنهم دموعهم كان قبل دموعي.. ولما نزلت من المسرح طوالي جوا علي وفي اللحظه دي التقطوا لينا اجمل صوره في الصور التخريج الفيها حسام بسلم علي وحاضني وانا كنت ماسكه يد مهند بيدي التانيه، الصوره الظاهر فيها حبي ل اروع راجلين في حياتي وكانوا و ما زالوا رائعين 😍

بعدها تم تسليم الشهادات لكل الطلاب في وسط كواريكنا وصفافيرنا ل اسم اي واحد بيزعوا من افراد الشله