إختاري رجلآ حين تسندين رأسك علی كتفه تشعرين أن لا شيء في هذه الدنيا قادر علی إيذائك
تشعرين أنك رميتي همك ، وأرحتي قلبك بمجرد اقترابه منك .
اختاري رجلآ يبكي عليك ولا يبكيك
ويراك الأجمل حتی حين تكونين في أسوأ حالاتك ..
إختاري رجلآ لا يقدر علی رؤيتك تتألمين أو تركك حزينة
اختاري رجلآ يحبك كأن لا نساء في الدنيا سواك ..
يخاف عليك من السهر وحيدة ، وحين تقولين له ابتعد يقترب أكثر وأكثر!
رجل يفهمك أكثر من نفسك ، يحتمل عصبيتك لمعرفته أن ورائها قلب يعشقه ويغار عليه بجنون ،
رجل غير سطحي ، يتقن حل شيفراتك واجتياز متاهاتك ..
إختاري رجلآ
يصلح أن يكون أبا
تتفاخر به ابنتك ..
إختاري رجلآ يليق بك 😘
بعدما رجعنا لندن باسبوعين فجاءه كدا حسام جاتو سفرية تبع الشغل 10 ايام .. الموضوع دا جديد علي طبعا وكمان عشان من عرسنا ما حصل بعد مني .. وماقادره اتخيل شكل البيت من غيرو حيكون كيف .. بيتنا ما قعد يصن الا نكون نايمين او بنسمع في قران غير كدا بنكون جايطين و اصلا ماممكن تصدقوا الجوطه دي عاملينها نفرين بس 😅
بنخلق لينا برنامج من مافي وعلي أسوأ الفروض لو مالقينا شي بنشغل شريط عرسنا وبنرقص اول ايامات انا كنت بلبس فستان زفافي 🙈 البسيط يا اخوانا ما المنفوش لكن الحمدلله هسي ربنا هداني وخليت الحركه دي وبقيت بلبس فساتين الصبحية 🙊 الحركه دي بتخليك تحافظي علي جسمك واقل زياده بتعرفيها طوالي، شفتو جننا وبرامجنا دي هي الكاسره لينا جو الملل وخلانا قراب من بعض😍
عشان كدا لازم اي واحده متزوجه فيكم تخلق ليها برنامج مشترك مع راجلها عشان تخلق تواصل معاهو وتبقي قريبه منو وقربك منو دا حيسهل ليكم حاجات كتيره في حياتكم وحتخلي يشاركك معاهو حتي في برامجو البره و بكده حتعرفي مجتمعو الخارجي .. والسناقل عليكم الله لما تجوا تختاروا شريك حياتكم بعد الاخلاق والاساسيات دي اختوا الراجل الدمو تقيل وعامل فيها سي سيد يامرك ويتحكم فيكم ويكرهكم حياتكم اختاري زول مجنون عشان تستمتعي بحياتك .. في راجلين ما بتقدري تغيريهم البخيل و الصعلوق ودا مش البشاغل وبحب واحده تانيه الانا قاصداهو الراجل الشهواني البحب قله الادب وبصاحب البنات المانافعات وعلاقته بيهم السرير ،النوع دا والبخيل لو عملتي ليهم السبعه وذمتها ما بتغيروا ودي من تجارب ناس انا بعرفهم وربنا يديكم كلكم الزوج الصالح يارب ويبعد عنكم اولاد الحرام
المهم سفر حسام دا جرسني جدا لما جرستوا هو معاي لكن لقاها فرصه فيني طبعا وما بفوتها
