اصبح صباح جديد بعد ليله صلح جميله اتدلعت فيها تمام مخكم ما يمشي لبعيد 😏 طبعا اكيد لا ما عملت الجاء في بالكم ، ما خفيفه قدر دا عشان يغروني بسفره 😉 بعدين فرصه وجات لحدي عندي لازم استغلها لسه 😅 يعني لما يغلطوا عليك ويعتذروا منك وتقبلي الاعتذار ، ما طوالي تبقي خفيفه وتعملي ليهو النفسو فيهو اتدلعي لسه عشان لما يتذكر انك انتي حرمتي منك يحرم يقل ادبو عليك تاني 😎 والرجال بمختلف انواعهم من اكتر الحاجات البتضايقهم لما يكون دايرك وانت تقولي ليهو نفسيا ما قادره ويكون عارف انو هو السبب في كدا😎 تختلف المشاكل وطرق الاعتذار لكن تظل طريقه التاديب واحده 😉
صحيت لقيتو مافي جنبي قلت بكون مشي ناس امو دخلت استحميت وغيرت لما طلعت الصاله سامعه صوت موسيقي ، طوالي مشيت علي غرفة التيمان لقيت الباب فاتح ودخلت لقيتو شايل الجيتار وبعزف
انا : صباح الخير 😘
حسام : صباح النور 😘
انا : ايه الروقان المن الصباح دا
حسام : تعالي اقعدي خليني اغني ليك عشان نفسياتك تصلح كلو ولا القطع ذي القطعتي معاي امبارح 😬 جابت ليها كمان نفسيا بقيت ماقادره اعمل معاك حاجه 🙉
انا : اكذب عليك يعني ما دي الحقيقه انت الوصلتني لي كدا 😔 ( مش قلت ليكم ☝اتعلموا 😎 حتي لو انتي خفيفه مثلي ياخ 😉)
حسام :
انا فيك عشقته الروعه ما احلاه فى الدل والدلال
والمعانى الراسمه نور اشراقة فى عينك ظلال
وابتسامتك لما تأسر قلبى وتحكى عن المحال
تحكى عن شوقك اليا تحكى عن بعد الوصال
يا ربيع الدنيا فى عينيا يا نور قلبى يا معنى الجمال
يا اخت روحى يا معانى هوايا عشته فى دنيا الخيال 😘
انا : 😊😊😊
حسام : اتدلعي فيني كويس يابت النصري عشان عارفاني بحبك وما بستحمل رفضك لي 😔
انا : خليك من بت النصري نانا لو عرفتنا مسافرين الاسبوع الجاي ح تزعل لاننا قلنا ليها حنقعد شهر حتي نسافر ، انا شايفه انك تاجل السفر وبالمره عشان نسافر من هناك لندن طوالي
حسام : انتي وانا .. من حقنا
نفرح نطير زي الفراش لمكان
بعيد ما زارو زولا قبلنا
انتي و انا نبقى عشاق للابد
نشيل الغرام في دمنا
لا انتي تنسيو و لا انا و لا انا ولا انا
انا : 😘😘😘 بس غناك دا برضو ما بحلك من نانا
حسام : نانا علي عيني و راسي بس دي حياتنا الخاصه وما من حق زول تاني يتدخل فيها ، حياتنا من حقنا انتي وانا 😍 ونحن البنقرر المناسب معانا
