😅تعلن الخطوط الجوية الإماراتية عن قيام رحلتها رقم 565 المتوجهه الي مدينة الخرطوم علي جميع المسافرين التوجه الي الطائرة عبر البوابه رقم 5 😜
توجهت مع المتوجهين دخلت الطياره ما كان معاي في الكابينه غير راجل وزوجته خليجين ظاهر عليهم من لبسهم ابتسمنا لبعض واي زول بقي في حالو
لو مشتاق لي كان رضيت تسافر معاي في اثبات اكتر من كدا يابت النصري
انا : 😲😲😲 حسااااااام
بكواريكي المضيفه جات والمراه وراجلها قاموا
حسام : سوري يا جماعه مافي حاجه دي صديقتي مجنونه 😉ولينا زمن ما اتلاقينا.. ضحكوا وقعدوا 😂 والمضيفه هزت راسها ب ابتسامه ومشت 😀
انا: قول اقسم بالله انت جادي😀 ماقادره استوعب الكلام دا لسه
حسام : ههههه هو انا ذاتي ما قادر استوعب الله يسامحك بس يامريم
انا: ليه ما كلمتني انك حتسافري معاي 😃
حسام: لاني ذاتي ما كنت عارف اني ح اسافر بس في بت كلبه كدا جرستني، وما مستعد اخسرها 😍 اول ما صحيت الصباح طوالي حجزت التذكره وجري علي السوق ، والصباح لما كنت برسل ليك كنت عايز اكلمك ف لما قعدتي تساقلي علي قلت اجي افاجئك هنا 😊
انا : بالغت مافي زول حيصدق اني ما كنت عارفه 😅 لانو احمد و مهند اتكلموا معاي قبل شويه وحلفت ليهم انك ابيت تجي
حسام : خليهم يتفاجؤا ما انا ذاتي متفاجئ 😅
انا : حتكون احلي مفاجأة خصوصا ل احمد طبعا جايني هو ومهند في المطار عمو عمر مسافر
حسام : دقيقه دقيقه عشان نكون واضحين.. انا سافرت عشان ارضيك انتي وما اخسرك لكن ماعشان العرس احمد واهلي حتي لو ما جيت ما كنت ح اخسرهم ولا كانوا مسكوني من يدي البتوجعني
انا : ☺☺☺
حسام : بطلي حنك اتذكري اني عملت حاجه عشانك انتي بس ، وحيجي وقت اطلب منك حاجه حتعمليها عشاني انا بس
انا : الفيلم دا ، ذي الحضرتو قبل كدا 😂 دي حركاتي البعملها انا لمهند
حسام : ههههه. اتفقنا يابت النصري
انا : اتفقنا يا ود الحسيني
حسام : الحاجه التانيه في السودان ما حتخليني براي ،الحجل بالرجل
انا : براك في عينك انت ماشي في وسط اهلك احمد ربك ياخ .. لو في زول حيكون براهو يبقي انا
حسام : مريم ماتحولي المواضيع انتي فاهمه انا قصدي شنو
انا: انا شايفه اول ما نصل الإمارات ترجع لندن تاني ،سفرتك معاي بالخساره انا ماشه اغير الوجوه مش القي نفس الوجوه
