لسه مستمتعين ب أجواء الرحله خليت مهند وتدويره وقعدت اتونس مع حلا
حلا : بالمناسبه يامريم لو في زول مفروض يشكرك علي العملتي انتي وشلتك مع حسام مفروض اكون انا .. انا اكتر زول حسام فرق معاي ، لانو هو اكتر زول كان مدلعني وكنت متعلقه بيهو جدا وما كنت بعرف اعمل اي حاجه من غيرو .. حاجه صعبه تشوفي اخوك البحب الضحك والفرفشه فجاءه بقي كئيب و ماعندو رغبه في الحياة .. اي نعم لسه ما رجع مفرفش و مجنون ذي الاول 😅لكن برضو دا تغير ملحوظ جدا
انا : نعم نعم يختي يعني هو كان مجنون اكتر من كدا 🙉
حلا : ههههه هو ذي نانا لكن علي اجن شويه كدا 😅 علي قول بابا ، نانا رضعت الولد دا بكل صدق ، هو ونانا كان معذبننا كل مره عاملين فينا مقلب لما جننوا حنين وبقت ذيهم .. لكن انا الحمدلله جينات بابا الرايقه انقذتني منهم 😂
انا : ماتخافي عليهو طيب العافيه درجات شويه شويه برجع.. وفي سري طبعا ،الله يطمنك ياحلا هو انا ناقصه جن ، الجن الفيني يكفي بلد، يلا يا مريم ربنا يعوضك مافي زول كامل تقول خلاص الولد اتقدم لي 🙊
اها ياجماعه بعد كلام اختو دا اتحبس واحجز قسمه ولا ما استعجل 🙈🙊🙈
بعد شويه ابتدا الغداء 😋😋 😋 أنا غايتو اكلت لما نفسي كتم 😷 وجاني هنودي طاير شكلو عندو شمار
انا : اها الشمار شنو؟؟؟
مهند: شمار في عينك .. انتي نسيتي اننا مسافرين خلاص ومفروض اتكلم مع عمو عمر ومع انك قلتي ماعايزه تعرفي اي حاجه من البحصل بيني وبين سمر لكن لازم تعرفي الكلام الحصل بينا والحمدلله ح اطلع من الموضوع من غير اي احراج ☺
انا : عوضنا الله احكي
مهند: الحصل انو حتي بعدما سمر اعتذرت من ابوي انا اديتها درس في الأخلاق وهي سكتت طبعا عشان ماكان في حاجه ممكن تقولها لي .. وبعد داك بقيت ما شغال بيها الا تضرب هي حتي انا ارد عليها .. امبارح قلت ليها اننا يا سمر ما ينفع نكمل مع بعض لانو حاجز الاحترام البينا اتكسر خلاص غير اني خلاص قررت اسافر اقرا الماجستير ، وبكره ولا بعدو ح اجي اتكلم مع ابوك
انا : ااااها
مهند: هاجت ليك فيني هيجه 😅 انت قايل نفسك شنو وانا غلطانه الضيعت زمني مع واحد ذيك ونزلت من وضعي الاجتماعي، انا ألف من يتمنوني بدل ما انا الاقول ما دايراك تجي انت التقول .. انا الهسي ح امشي اقول لي بابا انا الما دايراك قبل ما انت تجي تقول ليهو .. انا ما بترفض يامهند انا البرفض فهمت
مهند : ياخ قدر ما انها قلة ادبها ، قدر ما اني كنت مبسوط من انها براها الحتقول ما عايزاني.. وقبل شويه رسلت لي مسج قالت لي : انا اتكلمت مع بابا وقلت ليهو انا ومهند ما متفقين في حاجات كتيره وقررنا ننفصل بهدوء.. وقالت لي انا كلمتو انك الليله حتجي تقابلوا طوالي اصلا العايزني كتار 😅
