امـنـت بـه وبـقـدرتـه على تـبـديـل الامـور من حـال الى حـال
امـنت بـ (ولسوف يعطيك ربك فـترضى)
امـنـت بـ(اصبر لحكم ربك فأنك بأعيننآ)
امـنـت بـ(ونحن اقرب اليه من حبل الوريد)
سورة الضحي اقرب سورة لي قلبي (ولسوف يعطيك ربك فترضي ) لما اقرا السوره دي و اصل الاية دي برتاح مهما كنت متضايقة 💗
انا مريم النصري الصبرت علي فراغ عيلتي بأكملها في يوم واحد بالرغم من كمية الوجع والالم الجواي
انامريم النصري الصبرت علي الدنيا من غير ما اتذمر بالرغم من احساسي بالوحده والانكسار و اليتم
انا مريم النصري الصبرت علي تصرفات و كلام سمر لي بالرغم من انها وجعتني و قطعت لي قلبي من جوه
وصبرت علي كتير من الحاجات لاني مؤمنه انو ربنا ما بيبتلي انسان الا ليرضيه في الآخر💗
كنت متخيله عطاء ربنا لي كان في وقفة عمو عمر وعيلته جنبي .. عطائه بظهور مهند في حياتي و شهامته وقفته معاي في حاجات حصلت لي حكيت عن جزء بسيط منها والما اتحكي هو الكان سبب ولاده خوتنا الحقيقة .. عطائه في أصدقائي الملوا علي حياتي في الغربة وبقينا سند لبعض في حياتنا الشخصية قبل الاكاديمية .. عطائه بظهور الزول الرائع الاسمو حسام 💗 احلي قسمة ونصيب شريك حياتي الانا لحدي الان مقتنعه انو ربنا خلقوا عشان يسعدني .. عطائه في عائلة الحسيني الرائعين ذي روعه ولدهم الحبوني محبة صادقة واعتبروني بنتهم .. عطائه في انو يرزقني بتؤام الامنية الاتمنيتها من صغري .. لكن كون ربنا يرزقني بثلاثه تؤام بدل اتنين دا العطاء حتي الرضا و الرضا حتي الاكتفاء 😍
اللهم لك الحمد في اليسر والعسر اللهم لك الحمد على نعمك التي لا يحصيها غيرك. 💗
لما كنا بنعمل في الموجات وحسيت باستغراب د.ايمي و ركزنا انا وحسا في الشاشه وشفنا بيبي واحد بدل اتنين اتصدمنا اتخيلنا انو في واحد حصلت ليهو حاجه لكن د.ايمي كان مندهشه من وجود طفل ثالث ما ظهر ليها ابدا في المرتين الفاتو وقالت اي نعم انها المره الفاتت لمحت ظهور كيس تاني لكن ما كان واضح انو بيبي بسبب انو كان وراء الكيس الفيهو التؤامين وطوالي مشت عملت لي موجات رباعية الابعاد عشان تتاكد من نمو الثلاث تؤام
كالعادة انا بكيييييت 😭 وحسام البصبرني وهو ذاتو ببكي معاي 😭 د.ايمي ذاتها مبسوطه معانا وبتضحك فينا ولما لقت الموضوع طول وانا وحسام حاضنين بعض و لسه مواصلين اختصرتنا 😅وقالت لينا خلونا في الجد بعد دا
د. ايمي : دي حاله نادره يامريم بالنسبه في حالتك لانو حملك طبيعي وما اخدتي اي منشطات و الحمل بي اكتر من تؤامين بحصل دايما للناس البتعالجوا او اخدو منشطات او اتعمل ليهم تخصيب خارجي بس كمان لازم تعرفي في خطر علي ال3 توام وكتير بتحصل حالات اجهاض لواحد او موت واحد منهم والاخطر حدوث الولاده المبكره .. تاني حنتابع كل اسبوعين و لازم ترتاحي وما تبذلي اي مجهود ممكن يتعبك وعاينت لحسام وكمان تقللي من العلاقه الجنسية ولو حسيتي ب الم زايد من الطبيعي في اسفل ظهرك وبطنك او انقباضات زياده تجي المستشفي طوالي وكميه من النصائح
