تعلن الخطوط التركية عن قيام رحلتها رقم 681 المتوجهه الي مدينة اسطنبول علي جميع المسافرين الذهاب عبر البوابه رقم5 😂 (عارفاكم كرهتو الجملة دي لكن ذي ما قلنا دي من طقوس السفر 😅 ساره ما كضبت لما قالت علينا صايعات 🙊 ).
ودعنا راني ونميش هم مسافرين بالاماراتيه واتحركنا انا وايليف ، ايليف برضو ذي مهند بتعترض علي اننا نسافر بزنس كلاس لكن بتجي تستلم الموضوع واكتر زول بتستمع بيهو 😂
ركبنا الطياره مافي زول في البزنس غيرنا انا وايليف وراجلين اتراك في الكرسين الوراء الورانا
ايليف : ماكان في داعي للبزنس كلاس دا يامريم لكن مادام اصريتي اخير الزول استمتع بكل الخدمات 🙈
انا : ايليف اياك تعملي ذي ما عملتي ونحن جاين من لندن، المره الفاتت كنا شله ومافي زول غريب المره دي في راجلين بوراك 😡 ايليف المره الفاتت ماخلت ولا واحده من المضيفات يرتاحوا كل ما تشوف واحده تطلب حاجه حتي لو ما عايزاها
ايليف : شوفي يا مريم لازم نحلل قروش التذكره 😎 وانا جايا مستعده و ما اكلت مخصوص 😋 لو خجلانه مني ممكن تعملي نفسك ما معاي وامشي الكرسي القصادي
انا : اساسا ح اقوم لانك ما حتخليني اشتغل عايزه اترجم ايميلات وقمت خليتها وقعدت في الكرسي القصادها
ايليف : انت بتبيعيني عشان حسام 😎
انا : ايوه ببيعك، ماعشان حسام عشان الجمعيه ☺
بعد شويه قامت جات قعدت جنبي تاني لايوقه خلاص ، جابو المنيو بتاعت الاكل ولا اجدع منيو في فندق 5 ستار بالاضافه لوجبه تركية ، ايليف غايتو طلبت حاجات بالكوم 😂 ساعه كامله بتنق وبتاكل وكل مره تنادي المضيفه بتطلب شنو ما بعرفها خلصنا من الاكل والتحليه ، جابو لينا قهوه تركيه معها حلاوه لكوم مابحب القهوه لكن الطريقه الجابوها بيها تفتح النفس ،شربناها ذي الما حصل شي .. بعد الكلام دا كلو لقينا مره من الزمن ساعتين لسه فضل ساعتين وربع 🕔
ايليف قالت لي شوفي المضيفه دي ناعمه كيف واشرت ليها غايتو عملت معاها تحقيق وتشيل وتكتب في اسامي كريمات وخلطات ومحل تجميل كتبت ليها كم صفحه حتي فكت المضيفه 😂 غايتو مرت 4 ساعات وربع ووصلنا وايليف لسه بتطلب الا اختصروها 😅
وصلنا اسطنبول المدينه الجميله لقينا في استقبالنا زوزو الهي السيده نازلي ام ايليف ، و اصلي اختها الصغيره .. زوزو واصلي بشبهو بعض ايليف ما بتشبهم نهائي بتشبه ابوها .. سلموا علي كانهم بعرفوني من زمان.. طلعنا استغربت في العربية موديل السنه الفاخره السايقاها ام ايليف ، اول ما ركبنا قالت لي ايليف تمشوا الشقه ولا الحي ، ايليف قالت ليها طبعا الحي ، مشتاقه لصحباتي بعدين هم مجهزين عايزين يستقبلو مريم
