اعترافااااات حسام 😍
في حب يااخوانا اكتر من كدا
وفي كلمه غير احبك ارددها
خلاص انا حبي فات اخر مدى
وليه ما احب واغرق في النعيم؟
كفايه الضاعو مننا الف يوم
احب والله واتحدا الهموم
واقول لي الدنيا شوفي ..اشهدها
في حب يا اخوانا اكتر من كدا 😍
بعدما فارقت مهند بليل طوالي رقدت نمت وصحيت علي صوت تلفوني بضرب من الدغش لا هو ما الدغش هو الدغش جدا جدا مع الفجر الساعة اربعه الا ربع صباحا ، يعني 6 الا ربع في السودان لقيت دا حسام 😳
حسام : صباح الخير
انا : صباح النور 😲 مالك؟ ان شاءالله خير
حسام : مافي حاجه قولي بسم الله.. انا واقف تحت عندك 5 دقايق اتوضي والبسي اسدال الصلاه وتعالي
انا : ههههه انت شايفني في الحلم ولا شنو، البخليني اباريك شنو من دغش الرحمن
حسام: رجاءا يا مريم لو بتثقي فيني اعملي البقولوا ليك الليله من غير نقاش يلا منتظرك
جابت ليها ثقه كمان قمت اتسوكت واتوضيت ولبست اسدالي ونزلت ليهو
حسام : عايز اكسب فيك اجر واخليك تصلي الصبح في الجامع مفروض تفرحي
انا : حاجه بتفرح فعلا بس بتخليني استغرب برضو
مشينا جامع ريجنت بارك الهو اكبر جامع في لندن ما جامع وبس هو مركز ثقافي إسلامي متكامل .. وصلنا الجامع مع اقامه صلاه الصبح ، حسام قال لي بعد تصلي خليك قاعده لما امسكل ليك حتي تطلعي ، و ما حنطلع الا لما تجي الساعه 5 .. سكت طبعا علي الاقل اكسب حسنات زياده واقعد اقرا لي قران لحدي ماتجي الساعه 5
فعلا لما جات الساعه 5 وكم دقيقه مسكل لي ، طلعت لقيتو منتظرني
حسام : انا قلت ليك نقعد لحدي 5 عشان عايز ندخل الحديقه وهي بتفتح من الساعة 5
انا : يا سلام حندخل ريجنت بارك ياخ انا بحب الحديقه دي (ريجنت بارك هي مش حديقه واحده عباره عن مجموعه من الحدايق زهور حيوانات ..الخ . و انا اكتر حاجه بحبها فيها البحيرات بتاعتها وكمان حديقة الزهور بس حديقه زهور احلي في الصيف لانو الزهور بتكون متفتحه ومنظرها خرافي)
حسام : ما انا عارف عشان كدا جبتك وكمان منظر الشروق فيها روعه
انا : يا سلام اشعر بالحماس 😍
حسام : خلاص مدام متحمسه خلينا نمشي برجلينا لحدي البوابه ونخلي العربية هنا . فعلا اتمشينا لحدي ما دخلنا الحديقه وقعدنا قدام واحده من البحيرات الهدوء مع الجو والطبيعة حاجه كدا ترد الروح
