مريم وهوس الحمل والاستعدادات 👫
قبل عيد زواجنا بشهر حسام شغل اسطوانه السفر تاني وانو خلاص مفروض نسافر .. انا طبعا مركزه مع البلان حقتي تركيز ما عادي ال 5 اليوم بتاعت التخصيب كل مره براجعها 😅 عملتها اسبوع احتياطي وتاني بقيتها عشره يوم كيف ما تسالوني 😅 المهم انا عندي 10 ايام لازم احمل فيها ولي شهرين ببلع في الفوليك اسيد والشهر دا بديت ابلع حسام ذاتو معاي 😅 هو مفيد يا اخوانا ما للحمل بس 😉 وباقي التجهيزات بتشوفها من خلال ونستنا انا وحسام
حسام : مريومتي انا صبرت عليك اكتر من اللازم بعد دا يا تجي نتفاهم في موضوع السفر يا والله افاجئك واقطع التذاكر
انا: تفاجئ مين المره دي انا عندي هدف من السفره دي يعني حوامتك الكتيره دي ما بتنفع معاي انا مراه علي وش حمل 😍
حسام: مافي شي مخوفني منك غير موضوع الحمل دا بقيتي مهوسه قبل ما تحملي .. لو حملتي حتروح علي بعد الشايفو دا ، ولو ما حملتي حاسي بيك حتجني بعد تخطيطك دا 😅
انا : ح اجن عديل ؟ 😂 انا ثقتي في ربنا ما ليها حد وان شاءالله حيرزقني بالنفسي فيهو 😍 المهم اني اسعي وانفذ البلان والله كريم .. اها قول سفرة احلامك الفلقتني بيها
حسام : مريومتي يا قلبي 😍 هم سفرتين ما واحده لكن ما طوال الاولي القطب الجنوبي والتانية...
انا: دقيقه دقيقه قطب جنوبي شنو البنسافروا عايزنا نسافر بلد البطريق والحيتان عشان يخلعونا ونقطع الخلف ولا الجليد والتزلج عشان نتكسر لا نلم في حمل ولا غيرو بتخيل ليك يا ود الحسيني 😡
حسام: 😂😂😂 والله انتي حقاره انتي ما تزلجي ياخ انا البتزلج
انا : وانت كان اتكسرت لي البيبي دا ححمل بيهو بالبلوتوث 😅 انسي يا حسام قول سفرتك التانية
حسام: محبطه انتي يا مريومتي .. وجدا لكن ح ناجلها لقدام ما ح اجليها نهائي. اذا الي جزر الكاريبي ومن غير اي نقاش
انا: جدا لكن عندك 20 يوم فقط وباقي ال 10 ايام حقتي ودايراها هنا في لندن نمشي اي مكان قريب تتقفل بس لحدي ما تنجز الموضوع 😅
حسام : لااااا لندن ما معانا والمشكله شنو انك تحملي في جزيره البيبي ح يغرق يعني 😂 الهواء النقي يشعرني بالطاقة 💪🏻 و كمان قفله 10 يوم 🙉 دا اسمو اغتصاب عديل 😊 بمعدل كم في اليوم 😂
انا: هههه خلاص خلاص 9 ايام 4 ايام احتياطي بالمعدل الطبيعي اما ال 5 ايام اجباري بالمعدل القياسي بالفل انيرجي 🙈 اعتبر روحك في ماتش كوره ولازم تجيب قووون 😂
حسام : اشعر بالحماس 💪🏻 الحمدلله بصحتي وعافيتي وما محتاج لي اي حاجه من بره لكن الفل انيرجي دايره ليها مساعدات طبيعية كمان يا مريومتي
