في عز الليل
ساعة النسمة ترتاح
على هدب الدغش و تنوم
أنا مساهر..
وانا مساهره وبتقلب في سريري وما قادره انوم 😴 جواي كمية من الطاقه السلبيه لازم اتخلص منها .. الطاقه السلبية دي سببها جو التوتر الكنت عايشه فيهو من الصباح ، بطبعي ما بحب اعيش في جو بتاع توتر ولا حصل طول فتره حياتي العشتها مع اهلي عشنا في جو ذي دا ، حتي عيله عمي الكانت بتسبب في الاجواء دي بابا وماما كان بتفادوهم، وانا برضو اتفاديتهم وقطعت علاقتي بيهم بعد العملوا معاي بعد وفاة اهلي عشان ما عايزه اعيش في مشاكل وتوتر
🙄 واتذكرت نقاشي انا وحسام بتاع الصباح، وزعلت من نفسي علي اسلوب نقاشي معاهو 😔 لانو هو فعلا كان بتناقش معاي كطالبة عندو وبس
لكن انا الكنت ماخده الموضوع شخصي بسبب زعلي من فصلنا انا وشلتي
انا لي سنتين في الجامعه ما حصل بيني وبين اي واحد من دكاترتي اي نقاش بالطريقة دي، بالعكس انا زوله محبوبه من كل دكاترتي ما بسبب شطارتي وبس لكن بسبب احترامي ليهم 😊 ،اقوم اول يوم اجي فيهو المستشفي ادخل في نقاش ذي دا ، هل لو كان مشرفي زول غير حسام انا كنت حاتناقش معاهو كدا ؟؟؟ اكيد لا ..
كل الناس متوقعه مني اني ح اشن الحرب علي حسام بسبب فصلنا انا واصحابي لكن انا ما ح اعمل كدا لانو حسام عندو حق واي زول في محلو كان حيقسمنا كدا . وقررت من الليله اني ح اتعامل مع حسام ذيو و ذي باقي دكاترتي الكنت بحترمهم في الجامعه و ما ح اغلط عليهو طول ماهو ما حيغلط علي..
اما بالنسبه لتقريري المشرف 🙈 انا مبسوطه منو لانو اي حاجه اتكتبت في التقرير دا 📝 انا عملتها عن قصد عشان اغير حياة اصحابي للاحسن ما عشان اضرهم.. والثلاثه كانت بتجمعهم صفه واحده وهي الخجل
اولا : نميش 😍 نميش زول طيب جدا و عسل بطريقه ما حتتخيلوها 😁 عندو اسره كبيره ومترابطه جدا، وعلاقتو مع البشر كان بتتمثل في علاقتو ب اسرتو وبس ،وما متعود يتعامل مع غرباء ودا كان سبب خجلو 😊
انا عندي قناعه تامه انو ممارسه النشاطات بتدي الزول ثقه في نفسو، وبثقتو دي بقدر يكسر حواجز كتيره...ومن خلال علاقتي بيهو عرفت انو هو بحب التنس 🎾 وانا زمان كنت بعلب تنس من ضمن نشاطات المدرسه ،اي نعم ماخطيره لكن كنت ممشيه حالي. فبقيت اسوق نميش ونمشي نادي الجامعه العب معاهو ، والمدرب لما شاف قدرات نميش في لعب التنس طلب منو يشارك في بطوله الجامعه 🏆 وانا شجعتو جدا وكنت بمشي احضر معاهو التدريب لحدي ما جاء وقت البطوله وكنت بلم المشجعين بمساعده هنودي 😂 مع انو مهند ماكان في البدايه بعرف شلتي كويس كان بلاقيهم معاي بس في وقت البريك ومعظم وقت البريك بضيع في الاكل 🍜 لكن لما وريتو القرض من الموضوع انو اكسر خجل نميش لمه لي اولاد دفعتو وماقصر ، ونميش لما لقي مشجعنو كتار اجتهد لما فاز بالبطوله 🏓🏆 وبقي عندو شعبية في ملعب التنس وبكدا بقي بتعامل مع كميه من الناس لحدي ما فكا الفكه الياها 😘 وعلي قول هنودي الله يجازي الكان السبب 🙊
