سلام من القلب الي القلب 💕لكل التابعوا ولسه متابعين رواية مريم دا توضيح حبيت اكتبوا بعد نقد جاني من زوج واحده بأني حرشت النسوان علي رجالهم وواحده منهم زوجته 😱 ما قادره افهم كيف الكلام دا 😲وحبيت اوضح ليكم تاني انا كتبت مريم ليه واي كلمه مكتوبه انا كتبتها قاصده وكان من وراءها قاصده الاستفاده و مرات التوعيه ☺ وليس المقارنه 😏
🔴مريم ظروفها المادية ممتازه جدا ومافي سبب واحد يخلي واحده تخلي كل العبر الفي الرواية وتقارن حياتها بحياة مريم فشنو عليك الله خليك ايجابية واستفيدي من الانا كتبتوا وماتكوني سطحية و زي ما بتقارني حياتك بالاحسن منك قارنيها بالاقل منك عشان تحمدي ربنا علي النعمه الانتي فيها 👐 والكلام دا للبنات السطحيات ما لكل البنات لانو ماشاءالله في بنات كتار واعيات واستفادوا من الجانب الإيجابي في القصة 😘
🔴بديت الرواية عن اهلي ووضعهم الاجتماعي عشان اوري الناس التربية ماعندها علاقه بالوضع الاجتماعي و اوعي الناس علي التربية الصحيحة وثمارها وخصوصا ناس الطبقة البرجوازية لانهم اكتر ناس بطلعوا جيل فاسد للاسف 😏 حبيت اوري الناس كيف اهلي رغم ظروفهم كانوا بتتعاملوا ببساطه ومن خلال تربيتهم الصحيحه علموني الثقه بالنفس والتواضع وحب مساعده الناس و دا الخلاني مريم النصري الانتو حبيتوها وهي زاتها بتحب نفسها ومتصالحة معها جدا وفخوره بتربيتها الدامت ليها بعد وفاة اهلها وخلتها تبقي قوية وتتحدي الدنيا وتحقق أحلامها 💪
🔴لما اتكلمت عن علاقتي انا ومهند عشان اقول للبنات استكينوا ما اي ولد يخش حياتك تقولي بحبني في علاقات حلوه بنقاءها وبتفضل طول العمر نقيه لو الناس من البداية وضعت ليها حدود ، ورب اخ لك لم تلده امك ، كتير بنحتاج للعلاقات الاخويه في حياتنا اكتر من علاقات الحب ، ما كل الازواج بتفهموا علاقه الصداقه والخوه البين زوجته والطرف الاخر انا الساعدني انو حسام كان عايش معانا في نفس البيئة وشاف علاقتي انا ومهند من قبل ما يرتبط بي، لو عايزه راجلك يتفهم علاقاتك ب أصدقائك خلي يشوف ويشاركك حياتك قبل الزواج وعرفي علي مجتمعك عشان يعرف مستوي شخصيات الناس واحترامهم ويفهم شكل علاقتك بيهم وبرضو ممكن يتفهم وممكن لا دا بعتمد علي شخصية شريكك ، ومن البدايه بتحسموا الموضوع دا وبتحددي شكل علاقتك بالاخرين برضا شريكك عشان مايبقي سبب مشكله ليك بعد الزواج ، و زي ما حسام كان متفهم علاقتي بشلتي وبمهند كان عندو اعتراض علي علاقتي بي ناس تانين لماني بيهم مجتمع الشغل وانا بنقاشي معاهو فهمت وجهة نظروا وفي ناس قطعت علاقتي بيهم وفي ناس علاقتي بيهم كان حدها باب المستشفي يعني مهما كان زوجك متفهم بكون عندو حد وانتي مفروض تحترمي حددوا وما تتجاوزيها 😘
🔴لما اتكلمت عن أصدقائي وسفرنا ما كان قصدي اوري الناس اننا عندنا قروش 😡 كان قصدي اوري كيف الناس بقلوبهم النظيفه علاقتهم اتوطدت لدرجه انهم بقوا عائلة وبتشاركوا في فرحهم وحزنهم وكيف اي زول فينا كان بحب يعكس ثقافه بلدوا واي نعم الوضع المادي هو الساعد علي الحاجه دي لكن برضو في ناس عايشين نفس قصه صداقتنا دي و احسن زي ناس الاقاليم البتجي تلمهم الجامعه في الخرطوم ، انت تمتلك صديق اذا انت غني .. وباختلاف الطبقات تفضل الصداقه من اجمل العلاقات 💗
