ما عدت قادر انتظر
سامحني غلطان بعتذر
ما كنت قايل من عتاب تحكم علي ّ
بالوحدة والشوق والعذاب
انت القبيل شلت الصعاب
في دربو عديت ألف باب
نزلت لقيت حسام واقف .. طوالي صريت ليهو وشي طوالي 😠
انا : ضربت لي وما رديت عليك وانت عارف اني قاصده ما ارد عليك يبقي مافي سبب يخليك تجيني 😡
حسام : جيت عشان اعتذر ليك يا مريم عشان الدنيا دي ما بتستاهل زول يشيل في قلبو من زول عشانها .. الدنيا فانية وفي غمضه عين الناس بتتلاشي منها
انا : ما تحاول تستقل الموت الانت عارف تاثيرو علي .. وعلي العموم لو انت مت انا بعفي ليك ما تتعب نفسك من هسي ساي 😅
حسام : وطيب لو انتي الموتي قبلي.. حتعفي لي كيف 😅
انا : كدا انت تعتبر دقست 😂
حسام : شفتي ياهو دا ضحكتي يعني ما زعلانه من جوه قلبك
انا : اجي.. وانت الدخلك جوه قلبي شنو كمان عشان تعرف انا زعلانه ولا لا.. حسام الحسيني اقطع وشك مني
حسام : مريم بطلي حركات عليك الله.. والله مفتقدك عشان كدا جاي اعتذر منك
انا : اعرف احترمني اول حتي افتقدني
حسام : انتي عارفه انا بحترمك قدر شنو يا مريم والحصل دا انا ماعندي فيهو اي ذنب ف رجاءا خلينا نقعد نتفاهم
طلعنا قعدنا في حديقة الداخليه..
حسام : انا اسف يا مريم وجاي اعتذر ليك بالرغم من اني ما غلطت في حقك وغلطي الوحيد اني كنت سبب في معرفتك بواحده ذي ربا
انا : غلطت فيني لما سكت وانت بتسمع في اساءت ربا لي و ما قلت حاجه
حسام: هو انتي انتظرتي عشان تسمعي حاجه.. عشان اسكت ربا في لحظتها يا كان اعلي صوتي عشان يبقي اعلي من صوتها عشان تسمعني وتسكت والمستشفي ما مكان مناسب للجوطه ، يا كان اديها كف عشان تسكت .. شوفي يامريم لو انتي كنتي متخيله اني كان ممكن امد يدي علي ربا عشان اسكتها تبقي غلطانه لاني مستحيل اعمل كدا ، انا ما بمد يدي علي مراه لكن ممكن اسمعها كلام حار كان اخير منو الضرب .. ودا الحصل مع ربا قعدتها و وريتها غلطها وسمعتها كلام كان اخير ليها منو الكف ونهيت علاقتي بيها وما عشانك انتي وبس ، عشان ربا استنفذت كل الفرص الممكن اديها لي عشان تصلح
انا : وانا ماقلت ليك مد يدك عليها .. والانا مستغربه فيهو شنو المخليك مصاحب واحده ذي ربا
حسام : عشان ربا كانت حبيبه رامي
انا : انت جادي 😭
حسام : اكيد احمد حكي ليك 😉 انها بت دفعتنا وانها كانت صحبته.. ربا بعدما هي واحمد اتشاكلو جات لصقت فينا انا و رامي وصاحبتنا بالقوه ونحن الخلانا نخليها قريبه مننا لانو للاسف ربا نوع البنات الخفاف جدا الممكن تعمل اي شي عشان تخليك تحبها ولو ما كنا انا ورامي اولاد ناس وبنخاف ربنا كان ربا ضاعت زمان عشان كدا خليناها قريبه مننا وبقينا نوعي فيها شويه شويه وهي في البدايه كانت بتميل لي انا اكتر من رامي لكن بعدما انا خطبت ريم وهي عرفت مدي حبي لريم ، بقت مركزه مع رامي ، ربا فهمها للارتباط والحب انو تلقي زول من نفس مستواها او احسن وما كان ممكن تلقي احسن من رامي في الوقت داك.. وفعلا رامي رغم حركات ربا لكن حباها و ذي ما بقولوا القلب وما يريد ، وما اعترف ليها بحبوا لحدي ما مات لانو كان داير يغيرها في الاول واجتهد معها شديد وربا فعلا بدت تتغير لكن ماعشان هي حابه تتغير ، اتغيرت بس عشان تعجب رامي بدليل انها رجعت للبتعمل فيهو بعد وفاة رامي .. وانا ذي ما عارفه بعد الحادث والحصل لي قطعتوا مع ربا وبقي مافي بينا غير السلام لحدي ما اتخرجنا وتاني ماشفتها الا لما مشيت باركت ليها عرسها.. ولما جات نزلت معانا المستشفي طوالي جات حكت لي بقصة طلاقها وندمها لانها فهمت القروش ما كل شي.. وانها عايزه تعوض السنين البعدت عنها من الشغل وطلبت مني اساعدها .. وانا ماكان عندي مانع اساعدها في حدود الشغل لا هي ولا غيرها.. اما طريقه لبسها دي انا ورامي اتكلمنا معها فيها زمان وغيرتها عشان رامي و اهو دا تاني رجعت ليها ،فيبقي مافي سبب يخليني اتكلم فيها معها تاني عشان تغيرها عشاني وانا ماعندي حاجه اتجاهها ربنا يهديها من عندو .. واكيد برضو احمد حكي ليك عن الحصل في المؤتمر 😉 وحصل الانا متوقعوا لما غلطتها بسبب لبسها بعد يومين جات تبكي وقالت انها نفسها تتغير وتغير طريقه لبسها والا نمشي هسي اشتري معها لبس جديد ومع اني فاهمه كويس قلت و مالو علي الاقل ابقي سبب في احتشامها ودي كل القصة
