مريم

الجزء 43

وصلنا المستشفي ودعنا بعض واي زول ركب في البص المخصص ليهو.. نحن اخر ناس حنتحرك بسبب حسام العايش دور المشرف علينا في المستشفي ..كان واقف مع الدكتورين المشرفين علي القروبين التانين وانتظر لحدي ما كل قروب اكتمل واتحرك.. في الاثناء دي جاني احمد صلاح طاير بتبسم من يتبسم كدا بعرفوا جاي يكاويني قلت اصلو ما حاشتغل بمكاواتو انا خلاص دخلت في دور فترة النقاهة من الصباح

احمد : مريم مريومه مالك قاعده هادية كدا ليك حق ياخ 😉

انا : اهلا يا ابو حميد ، اصلي من يومي هادية 😊

احمد : ههههه مريم انتي علي سفر ما تكذبي ياخ 😉قال هاديه قال.. لكن ليك حق ، انا لو في محلك ذاتو بقعد كدا😐 زول يوزعو في قروب كل اولاد شينين ما يزعل 😠وين ناس العيون الزرق وين ناس العضلات المفتوله وين و وين يشيل ويوصف 😂

انا : انجز داير تقول شنو ؟😬

احمد : داير اقول ليك حسام حقار فرقك من اصحابك و اختار قروبك بكل عناية وماحرمك من الناس الشينين ماشفتي القروبات التانية الاولاد فيها عاملين كيف ايليف و راني ما اتغزلوا ليك فيهم؟ 😉

انا : ههههه والله انت ولد عواليق دا من صحبك البتدافع عنو 😂 بعدين انا شامه القروب دا لله في الله وماعندي ليهم حاجه وماحصل ركزت في اشكالهم عشان كدا شوف ليك موضوع تاني

احمد : شفتي عشان كلامك دا ح اقول ليك الكلام الكنت ما داير اقول ليك عميد الكلية هو الحدد لحسام المستشفيات الانتو ماشينها.. وحسام اختار لي قروبك اسوأ مستشفي فيهم، والعجب مكانها فظيع و بائس بؤس ماعادي ، ومما تركبي القطر وتمشوا شويه ما حتلقي شي تتفرجي فيهو مناظر تجيب الإكتئاب 😉

انا : افتكر انا ماشه رحلة علمية ما رحلة سياحية 🙊 فعشان كدا كلامك دا ما بفرق معاي 😜 و انا بعرفك كويس انت داير تشعلل النيران لكن انا ماعندي ليك حاجه لا انت ولا صحبك 😛

احمد : ههههه شفته لقيتك.. كنت داير اكاويك وبعدين اياك ثم اياك تقوم عليك نفسياتك وتشاكلي صحبي 👌 لكن غايتو لو شاكلتي اعتذري ليهو طوالي 😂😂😂

انا : ههههه احمد اقطع وشك مني😠 انا اقول ليك في فتره نقاهه ما بتفهم انت 😬

انتهت نقت احمد ونحن اتحركنا علي محطة القطر ..

وصلنا والناس بدت تركب انتظرت لحدي ما كل القروب ركب ولما جيت اركب كشفت ليهم الله يجازيك يا احمد كلو منك اصلو ما كضب فيهم 😂 لكن كضب في المناظر الكئيبه القالها حقيقه مناظر طبيعية ترد الروح بطول الطريق حاجه بتخليك تسترخي وما بتمل مع انو الرحلة 4 ساعات متواصله

وصلنا.. ريف ذي الريف.. وطبيعه مبالغه نزلنا طوالي في الفندق الليله ما حنشتغل وفعلا المستشفي قصاد الفندق طوالي