"إننا نحاول دوماً تفسير الأمور وفق ما نريد، لا وفق ما هي عليه" باولو كايلو
ابتدت السنه الثالثه في الجامعه لكن ممكن نقول دي هي السنه الاولي فعليا في مشوارنا الطبي ، لانو الموضوع اختلف كليا من السنتين الفاتو
ابتدا يومنا الدراسي الاول بدخول المشرفه الأكاديمية علينا في القاعه واخبارنا انو انتهت الدراسه التمهيدية او النظرية ومن الليله حنبدا الدراسه السريرية او العملية وحتنتقل الدراسة من الجامعة الي المستشفي ، وانو تم تقسيم الدفعة علي 3 مجموعات..وعلي اي طالب دخول موقع الجامعه لمعرفة مجموعتو 👭 واتمنت لينا سنه دراسية سعيدة وطلعت 😊
في البريك واثناء ما نحن بنفطر ايليف دخلت الموقع عشان تشوف المجموعات وبعد داك بدات تصرخ 🙆
ايليف : نووووو مستحيل 🤷😲 نحن ماعايزين نتقسم
انا : ايليف قصدك شنو نحن مافي قروب واحد 😱 يابت انطقي يا جيبي التاب خليني اشوف براي
ايليف : مريم قروب A .. ايليف ونميش قروب B.. راني واحمد قروب C
انا : بتهظري 😱وشلت منها التاب وفعلا كلامها صح 😔
مهند : كدي روقوا وكويس انكم حتقروا في نفس المستشفي وجدولكم واحد بس نظام شفتات يعني لما تكوني انتي الصباح في قسم الرئه هم حيكونوا في قسم القلب.. وهم الظهر حيكونوا في الرئه انتي حتكوني في قسم القلب وهكذا ... ماتكبروا الموضوع حتي نحن ناس هندسه بعملو لينا كدا
انا : وليه انا اصلا انزل مع مجموعه جديده ما بعرفها وما اكون مع اصحابي البعرفهم وقسمونا علي ياتو اساس؟ التقسيم دا لا بالترتيب الابجدي لا بالمعدلات اووووف خلاص بدينا القرف.. انا طايره ماشه للمشرفه الاكاديميه افهم منها وقمت طرت فعلا 😃 لانو وصلتها في ثواني
انا : مرحبا مس جاكلين 😀
مس جاكلين: مرحبا.. تفضلي يامريم المشاغبه😉 كيف لي ان اساعدك؟
انا : اريد ان اعرف علي اي اساس تم تقسيم المجموعات وهل يمكنني تحويل من مجموعه الي اخري 😊
مس جاكلين : تقسيم المجموعات ليست من اختصاصي، انا فقط ارفق اسماء الطلاب مع معدلاتهم ونبذه عن حياتهم الاجتماعية في الجامعة، التي اعرفها من خلال المشرفه الاجتماعية للجامعه وايضا عن سلوكهم في الداخلية من خلال مشرفة الداخلية..اما التقسيم يتم بواسطه العميد والدكتور المشرف علي دراستكم في المستشفي 👨🏻🔬
انا : وما دخل حياتنا الاجتماعيه في الجامعه ،بدراستنا؟؟؟
مس جاكلين : عاده في تقسيم الطلاب لمجموعات لايضعون الاصدقاء مع بعضهم البعض لكي لا يشتتوا تركيز بعضهم البعض ، ولذلك يطلبون نبذه عن حياتهم الاجتماعيه داخل الجامعه .. وانا لا ادري هل يمكنك التحويل من مجموعه الي الاخري اما لا ! عليك بالرجوع الي المشرف غدا في المستشفي 🏨
