مريم

الجزء 46

مهند: لمّا لا ترحال يحلك

لا البعاد يقدر يحلك

لا القرب يقدر يدوم

الكلام بصبح مفرّق

الدنيا تشبه لون بعاد

وأبقي أحوج ما أكون

أنا لي حضورك بالجد بدورك

فجأة يشع فيني نورك

والقاك نبتّي من تراب السكه

سديتي الأُفق

انا : يامهند اوووف منك انت مقعدني عشان تغني لي في الوقت دا وانا تعبانه كدا 😠

مهند : لحاك حلمي الملوّن بهمومي

لما يومك بلقى يومي

وفصل همومك من همومي

نضحك من الواقع سوا

نحن القدرنا علي التعب

حرقتنا ألسنة اللهب

ولسه ماسكين الدّرب

يا صاحبه في الزمن الصعب

مهند: ايوه بغني ليك يامريومتي عشان ضميرك يأنبك

انا: وضميري يانبني ليه يا سي مهند عامله مصيبه ولا ايه 😅

مهند : عامله أكبر من مصيبة يا اختي وصحبتي في الزمن الصعب 😍

انا : اصلو ما معقول 😲 زمان كان ممكن افكر لاني عامله مصايب كتيره لكن هسي مستحيل ربنا هداني ☺ والحمدلله يا اخ الاسلام

مهند : مرررريم 😡 عايني لي واتكلمي معاي وبطلي امورك بتاعت الزوغان دي ، انتي نسيتي انك بتتكلمي مع منو 😡 انا مهند البعرفك ذي جوع بطنك يابت النصري ، وماتفتكري اني مافاهم حركاتك البتعمليها لي كل ما اجي أحاول اتناقش معاك

انا : مهند انت جنيت ليه بتكورك فيني كدا 😢 وامور شنو وحركات شنو البتتكلم عنها دي

مهند : من يوم ما سمر سافرت انا بحاول اتكلم معاك وانتي بتزوغي مني 😡

انا: وازوغ منك ليه والدخل سمر شنو في نقاشنا هسي انت عبيط ولا اهبل

مهند : بالضبط كدا انا لا عبيط ولا اهبل عشان ما الاحظ لطريقة تعاملك انتي وسمر الاختلفت، قبل ما سمر تجي كنتي قاعده تخططي في البرامج ،وبعدما جات انتي ما طلعتي معانا انا وسمر برانا ولا مره ، وحتي لو عامله الموضوع ظرافه منك عشان تخلينا براحتنا ،كان ممكن تطلعي معانا مره مره لانك انتي عارفه انك ما ذي باقي الناس التانين ونحن ما ممكن نتحسس منك ، لانك انتي اختنا نحن الاتنين ، حتي يوم ما سمر نادتك يوم ما كنا متناقشين جيتي اختصرتينا واتحججتي بقرايتك ومشيتي ، وحتي لما نكون ملمومين مع الشله ضحكم وهظاركم انتي وسمر ومشاغلاتكم للناس بقت مافي ، بقيتي بتتعاملي معاي بصوره جاده ورسمية وما متذكر اخر مره قلت لي هنودي متين ، سمر كانت بتصر اني امشي اشتري معها حاجات فيما انو المفروض انتي التمشي معها ولما اسالها بتقول لي مريم مزنوقه في القرايه وما داير اضغط عليها، وما اكذب عليك انا صدقتها لكن يوم ما شفتكم متفاجين بانكم ماعارفينها اشترت فستان خطوبتها وانتي بقيتي محروجه قدام ناس ايليف عرفت انو سمر كذابه، وهي الما عايزاك تمشي تشتري حاجاتها معها... لسه يا مريم عندي كمية من التعاليق لكن كدي انتي اول وضحي لي الحصل بينك انتي وسمر شنو و خلاك غيرتي طريقة تعاملك معاي بالطريقة دي 😡