وتَبقى إبتسآمتُنا عِندما يخذِلُنا أقربُ الناسِ إلينا هِي الحاجِز الذِي يختَبئُ خلفهُ الكَثير مِن الألم ..!
قاعده منتظره سمر ترجع عشان اشوف فرحتها 😊 لاني عارفها معجبه بمهند .. وتحكي لي كيف مهند قال ليها بحبك 😍 ونقعد نضحك سوا علي كبكبه مهند 😄
سمر رجعت وفي وشها مافي اي تعبير لا فرح ولا حزن 😐 انا استغربت طبعا 😲
انا : سمورتي 😍 اها العشاء كان كيف؟؟
سمر : يعني انتي ماعارفاهو كان كيف؟ ما اكيد كنتي عارفه انو مهند عزمني عشان اعترف لي بحبو لي
انا : طيب المشكله وين يا سمر ما انا اخت مهند ومن الطبيعي لما يحس انو بحب واحده يقول لي
سمر : ما المشكلة انك ما اختو بالجد 😏
انا : سمر في شنو 😲 ؟؟؟ انا ما فاهماك 😮 الدخل خوتنا انا ومهند شنو !! بحب مهند ليك ؟؟؟ وممكن اعرف انتي مالك جيتي و وشك عامل كدا؟ مش مفروض تكوني جايا مبسوطه بحب مهند ليك لانك انتي ذاتك بتحبيهو
سمر : عايزه تعرفي الحصل شنو؟؟؟ طيب يا مريم مهند اعترف لي انو بحبني ، وانا ذاتي بحبو لكن ما رديت عليهو
انا : وطيب ما دام انتي ذاتك بتحبيهو ليه مارديتي عليهو؟؟؟
سمر : بسببك يا مريم ، انا اي نعم بحب مهند لكن مامستعده ارتبط بواحد عندو واحده في حياتو اقرب ليهو من اي زول تاني في الدنيا ، ما مستعده ارتبط بزول وانا عارفه مهما اعمل ليهو حتظل في واحده اقرب ليهو مني انا ،ما مستعده ارتبط بزول وفي واحده حتكون مشاركاني فيهو .. عرفتي ليه ما رديت عليهو..!! بسببك يا مريم
انا : مرت علي لحظه صمت كنت مخلوعه اني بسمع الكلام دا من سمر .. سمر اكيد انتي جنيتي.. انا ماقادره اصدق اني بسمع الكلام دا منك انتي بالذات، انتي بتقارني بينا ليه؟؟مافي سبب يخليك تقارني بيني وبينك؟؟؟ انتي حبيبتو وان شاءالله حتبقي شريكة حياتو وام اولادوا ، لكن انا ذي اختو مهما علاقتنا قوة لكن عندنا حدود.. انا هسي فرقي شنو من موده اخت مهند؟؟؟
سمر : فرق شاسع موده اختو من دمو لكن انتي اختو من وين ؟ وريني رابط الدم البينكم شنو يا مريم؟؟؟
انا : يعني انتي يا سمر كنتي شايفانا انا ومهند اخوان قبل ما تعملي معاهو علاقه لكن بعدما عملتي معاهو علاقه وقال ليك بحبك بقيتي شايفه غير كدا؟؟؟
سمر : ايوه يامريم بقيت شايفه غير كدا ، لاني كل ما اقرب من مهند كل ما بشوف قربو منك اكتر ، لدرجه اني ماعارفه هو لي ما حباك و ارتبط بيك انتي
انا : بس ياهو الكلام يا سمر ، لو انا ومهند فعلا ماشايفين نفسنا اخوان شنو الكان بمنعنا نرتبط ببعض؟ وكل الظروف مهيأ لينا.. وريني سبب واحد يخلينا ما نتربط ببعض لو نحن بينا في اي مشاعر تانية غير مشاعر الخوه
