🥀 ليلى ❤️🥀

الحلقة التاسعة

الحلقة ٩
#ليلي
#بوسي_مصطفي
____________

ليلى / سليم ابقى اتصل من هناك طمنا
سليم بهمس / حاضر ياحبيبتي
بس انا راجع تاني متغيريش هدومك
ليلى / يااخي احنا في ايه ولا في ايه دلوقت
سليم / ولا اقولك غيري براحتك يعني هو انا غريب ههههههههههههههه
ليلى / تصدق معندكش دم
سليم / بقى كده يالولا وانا بفرفشك
ليلى / كل حاجه ليها وقتها ياحبيبي... انزل معاهم بقى
سليم / حاضر ياجميل
ليلى / يااخي انت كمان... هتنقطني ب اسلوبك ده
سليم / اوكيه هروح وابقى اوافيكي بالاخبار
ليلى / يلا سلام عشان هقفل الباب
سليم / انا بقول يروحوا هما القسم  وانا اقعد مع القمر دا اواسيه شويه
ليلى زقته وقفلت الباب/ امشي بقى
سليم وهو بيظبط البدله / بقى كده ماشي بس لما ارجع ها
انا ليه حق عليكي دلوقت
ليلى بغيط وهي مضايقه / امشي بقى العمارة كلها هتصحي وهتودينا في داهيه
واقفه ليلى في البلكونه وهي متوتره
سامية / ياترى عايزين شريف في القسم ليه
ليلى / اكيد عشان خناقة اول امبارح ياماما
سامية / انا قلبي مش مطمن
____________

في القسم
الضابط لعم جمعه ورانيا / اخرجوا اقعدوا بره دلوقت
عم جمعه / طيب ياباشا مش هنعمل المحضر
الضابط / انت ياراجل انت هتفهمني شغلي ولا ايه
رانيا / يلا يابابا
الضابط / اتفضل يادكتور استريح
مروان / احنا بس كنا جايين نعرف عايزين شريف ابننا في ايه
الضابط / معقوله هو شريف يبقى ابن حضرتك
خيري / لا هو ابني انا حضرتك
الضابط / طب اتفضلوا استريحوا اقعد ياشريف متقلقش دي كلمتين بس في السريع كده عشان نقفل المحضر
خارج المكتب
ورانيا وعم جمعه خارجين وبيقعدوا ع أقرب كرسي قريب مكتب الضابط
ريان كان واقف وهو سليم بعيد شويه
سليم / ثواني ياريان هرد بس ع ليلى لانها قلقانه ع شريف
ريان / اوكيه اتفضل
بعد سليم شويه عشان يعرف يتكلم
وريان نظر لعم جمعه ورانيا
لمحته رانيا وهو عينه رايحه ناحيتهم التفتت الناحيه التانيه بخجل
قرب ريان من عم جمعه يسأله عن سبب وجوده هنا قام عم جمعه يسلم عليه ببتسامة كأن مفيش اي حاجه
عم جمعه / ازيك يادكتور عامل ايه
ريان / الحمد لله
هو انت بتعمل ايه هنا ياعم جمعه
عم جمعه / جاي اعمل محضر ياابني
ريان / خير ليه
نظرت رانيا ليه ومتكلمتش
عم جمعه / فلوس اتسرقت  من البيت عندي
ريان / طيب متمشيش انا هوصل حضرتك
نظر ل رانيا اللي لسه ساكته
عم جمعه / كتر خيرك ياابني
شوف انت مصالحك احنا هنستني بس لما اللي جوه يخرجوا وندخل نعمل المحضر ونشوف هيعملوا ايه معانا يعني لسه قدامنا كتير مش عايزين نعطلك.
ريان / مفيش عطله ولا حاجه ياعم جمعه انا مستني هنا لما تخلص
رانيا / بابا قالك شوف مصلحتك يبقى لو سمحت سيبنا في حالنا
نظر ليها عم جمعه بغضب
ريان بخجل / طيب بعد اذنكم
وراح ريان يوقف مع سليم
عم جمعه / ايه قلة الذوق بتاعتك دي الراجل حابب يساعدنا
رانيا / واحنا مش محتاجين مساعدة يابابا
عم جمعه / انتي مالك يابنتي في ايه
رانيا / مالي اتسرق وحضرتك عارف
عم جمعه / هيرجع يابنتي متقلقيش
رانيا / هيرجع!
هو اللي بيروح بيرجع؟!
عم جمعه / بإذن ﷲ... يرجع
رانيا / ولو كان اللي اخد الفلوس واحد من اخواتي هترجعهوملي يابابا
عم جمعه / انتي بتقولي ايه
رانيا / اعتبرني مقولتش حاجه ماهي كملت اتطرد من المصنع وارجع الاقي شقا عمري كله اتسرق
مش عارفه في ايه
هي فلوسي حرام يابابا
عم جمعه / ليه يابنتي بتقولي كده
انتي جايباهم بشغلك وتعبك طول النهار
رانيا / ما انا بقول كده
دا انا بوفر حق التاكسي عشان احوش الفلوس دي بوفر لقمتي طول النهار واشتري اي حاجه تسد جوعي واقول مش مشكله لما نسدد ديونا ومحدش بعد كده يخبط على بابنا يطالبنا في حاجه وقتها هنبقى مستورين وشبعانين
اللي اخد الفلوس دا معندوش رحمه... ومش هيرجعوا يابابا انا عارفه انهم مش هيرجعوا
عم جمعه / اتفائلي خير يابنتي