الحلقة ٦٠
#ليلى
#بوسى_مصطفى
________________
في الشقة الجديدة اللي اخدها سليم لصافي
عزت / مش بطاله بس مش شايف إن المكان هنا مقطوع
دي حتى العمارة مفيهاش غير ساكن واحد
سليم / دا اللي لاقيته حضرتك
صافي / مفيش مشكلة يابابا انا عجباني الشقة اوي
وبعدين حضرتك عارف بنتك مبتخافش دي لو ليلى كان زمانها
اخدت ديلها في أسنانها وهربت
هههههههههههههههههه
سليم بهمس / بطلي تحشري ليلى في اي حوار
عشان النار اللي جواكي من ناحيتها دي هتحرقك ياشاطرة
صافي / الشاطر اللي يضحك في الآخر يااستاذ سليم
سليم / انتي عارفه اني قبل م اجي ع هنا شربت اتنين ليمون عشان يروق اعصابي واستحمل برودك ده
صافي / معلش خليها عليك شويه
مسيرك تحبني اصل مفيش حد عرفني ومحبنيش
سليم / لا دا حلم جميل ياريت تفوقي منه
عقبال م افوق من الكابوس اللي انا فيه
صافي / على قلبك برضو
عزت / في حاجه ياصافي
صافي / لا يابابا مفيش
سليم / نكتب العقد ياعمي ولا نشوف غيرها
صافي / حلوه وعجباني اوي يابابا
عزت / خلاص ياحبيبتي طالما عجباكي يبقى تنزل حالا ياسليم تكتب عقد الشقة بأسم صافي
صافي نظرت لباباها بدهشه
سليم / شقة ايه اللي تتكتب بأسمها
صافي / هههههههههه بابا بس بيحب يهزر ياسليم
عزت / بس انا مبهزرش
سليم / ولا انا كمان عمي
ومفيش شقة هتتكتب بأسم حد غيري
عزت / انت بتتحداني ياسليم
سليم / حضرتك عايزني اعيش في شقة بأسم البنت اللي هتتجوزها
ازاي دا بس ياعمي
صافي / سليم عنده حق يابابا
"طبعاً صافي خايفه سليم يعند وميتجوزهاش بسبب طلبات باباها الغريبه دي"
عزت اخدها ع جنب
عزت / يابنتي انا ب امنك دا ملوش أمان ممكن يبيعك في أي لحظه
صافي / لا سليم بيحبني ومش معنى إنه مش موافق ع طلب حضرتك يبقى هيبيعني بس هو راجل وانا كمان مقبلش إن الشقة تتكتب بأسمي
لو عن طيب خاطر اوكيه لكن غصب ولوي دراع يابابا انا مش عايزاها خالص
مع تصميم سليم وكمان رفض صافي باباها اتنازل عن فكرة إن الشقة تتكتب بإسم صافي ونزلوا تحت يكتبوا العقد مع صاحب العمارة
____________
في شقة خيري
خيري وليلى قاعدين منتظرين أي اخبار
عن مداهمة الشقة والقبض على نادر وعطية صاحب الشقة
وفعلاً خيري جاله إتصال إن تم القبض على نادر وعطية وشله من اللي كانوا سهرانين في احد الشقة اللي كان م أجرها عطية
خيري وليلى وكمان سامية اللي عرفت الموضوع كله
كانوا فرحانين إن الناس دي اتقبض عليهم
عشان اللي اتعمل في عدي وكمان خوفهم على شباب زي عدي هما كمان ممكن يتضروا ويمشوا في الطريق ده
شوية وجالهم إتصال
والمرادي كان ل ليلى
اتقالها إن دعاء في المستشفى بعد م لاقوا ورقه محتفظه بيها في هدومها وفيها رقم التليفون دا
ليلى بتبكي خايفه ع دعاء وحاسه بالذنب لسه متعرفش اي اخبار عن عبودة ولا ايه اللي حصل هناك
سامية / هتروحي فين دلوقت ياليلي
خيري / ادخلي ألبسي يابنتي وانا جاي معاكي
وفي خمس دقايق كانوا تحت
وخيري بيسوق على اقصي سرعة
عايز ليلى تروح بسرعة وتقابل دعاء
ليلى / انا خايفه اوي يابابا يحصلها حاجه
واشيل انا ذنبها
خيري / وانتي ذنبك ايه يابنتي
بالعكس انتي عملتي كل اللي قدرتي عليه
وصلوا المستشفى... سألوا في الإستقبال
طبعاً الشرطة هناك وبيحققوا في اللي اصيب في عملية ال مداهمه دي
وفي اللي اتقتل زي باسم وعبودة وواحد تاني من رجالة ربيع
دعاء لسه خارجه من غرفة العمليات وضعوها في غرفة الرعاية
ممنوع الزيارة لكن ليلى شايفاها من الازاز بره
خيري قرب منها وطبطب على كتفها
خيري / متحمليش نفسك اكتر من طاقتها ياليلي انتي عملتي اللي عليكي يابنتي
ليلى / عبودة اتقتل يابابا
خيري / ياريتهم كانوا قبضوا ع الراجل ده
ليلى / مش عارفه الراجل دا ايه
كل م خلاص نقرب نستريح منه ومن شره.. يهرب
خيري / اطمني نهايته قربت البوليس مش هيسيبوا هيفضلوا ورا لحد م يتقبض عليه
ليلى / ياريت يابابا
عشان عبودة و دعاء وكل اللي ظلمهم ربيع حقهم يرجع
خيري / طب يابنتي تعالي قولي الكلمتين اللي تعرفيهم لحضرة الظابط في التحقيق عشان نروح وابقى تعالي بكره اطمني عليها
_____________
أنت تقرأ
🥀 ليلى ❤️🥀
ChickLitليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
