🥀 ليلى ❤️🥀

الحلقة ٣٧

الحلقة ٣٧
#ليلى
#بوسى_مصطفى
_____________

في شقة عبودة
ربيع / نعم ياحبيبي
يعني ايه متعرفش مكانها
والدة عبودة /  هي مكانتش عندك مفروض انت اللي تعرف
ربيع / بنتك الظاهر تعرف واحد واكيد هربت معاه
عبودة ومسك ربيع من لياقة القميص وهو متعصب /  قطع لسانك اختي اشرف منك
ربيع / انت جبت اخرك معايا خلاص
والدة عبودة تنزل ايد ابنها / حقك عليه ياابني معلش هو بس من قلقه على دعاء مش عارف هو بيعمل ايه
اعتذر لجوز اختك ياابني
عبودة / اعتذر لمين ياماما هو اللي ينزل دلوقت يدور عليها ويشوفها هي هربت منه ليه بدل ماهو عمال يتهمها بالباطل وهو عارف أخلاقها كويس
اختي لو زي م بيقول كان زمانها طفشت من زمان لكن صبرت لحد م فاض بيها
ربيع / ومتنزلش انت زي الشاطر كده وتدور ع اختك ليه
ولا بؤ بس ع الفاضي
عبودة / عندك حق انا اللي مفروض انزل ادور ع اختي وارجعها هنا ووقتها مش هتشوفوها ولا هترجعلك يا ربيع
ربيع / بكره اندمك ع كل اللي قولته وعملته الليلة ياعبودة
هتتمني الموت مش هطوله من اللي هعمله فيك
وخرج وهو بيقفل الباب بكل قوته
والدة عبودة / عملت كده ليه ياابني هو احنا قد الراجل دا وعمايله
عبودة / هنخاف من ايه م خلاص مبقاش في حاجه هترعبنا
انا نازل ادور ع اختي ووقت م الاقيها هبعتلك تجيلنا في المكان اللي هنبقى فيه وقتها
عشان هنمشي خالص من هنا ياريت لو في فرصة كمان نهرب خالص من مصر ونشوف بلد تانيه نعيش فيها بعيد عن ربيع وكل اللي زيه
وخرج عبودة بسرعة يدور ع دعاء

كانت دعاء واقفه ع الرصيف بعد م وصل القطر المحطه
رفعت عينها لليفطه اللي موجوده ع الرصيف مكتوب عليها (طنطا)
تتلفت يمين وشمال مش عارفه هتنزل تروح فين وهي متعرفش حد هنا ولا عارفه اي مكان تروحه
خرجت من المحطه اول حاجه فكرت فيها تبيع الخاتم اللي معاها بس ياترى هتلاقي جواهرجي يشتري الخاتم ولا هيطلب الفاتوره
لاقيت مطعم قدامها جعانه ومعهاش فلوس
ياترى هتعمل ايه دا السؤال اللي سألته لنفسها
قعدت ع الرصيف عينها غمضت شويه قامت تبص تلاقي فلوس قدامها
دعاء / فلوس مين دي
ياترى واقعه من حد ولا ايه اللي جابها عندي
ست معديه ومعاها ابنها الصغير تقرب منها وتحط فلوس في ايدها
دعاء / لا مش عايزة انا مبشحتش ياحاجه
الست سابت الفلوس واخدت ابنها ومشيت
دعاء عرفت إن كل الفلوس اللي معاها دي من ناس صعب عليهم حالها
اخدت الفلوس ودخلت المطعم تشتري أكل
اخدت الاكل وقعدت في جنينه تاكل
بعد شوية خلصت اكل فتحت ازازة المياة تشرب
جه شابين يرخموا عليها
قامت ومعاها كيس الاكل
نظر شاب منهم ليها وقال للتاني / يلا ياابني نمشي
تقومي بالسلامة ياقطه
نظرت ليهم بغضب وكملت طريقها مش عارفه تروح فين
لاقت عمارة في وشها فكرت تنام في بير السلم
دعاء / كويس إن مفيش حد هنا
كان معاها مفرش الاكل فرشته وخلعت اللي في رجلها وقعدت شويه وبعدها راحت في النوم وهي ماسكه كيس الاكل
_____________