🥀 ليلى ❤️🥀

الحلقة ١٤

الحلقة ١٤
#ليلي
#بوسي_مصطفي
_______________

في القسم
عبودة / استعجلتي اوي يااستاذة
ليلى / ليه يا عبودة
عبودة / انا خايف يعملوا حاجه في الوله عاطف الراجل دا مفتري وأيده طايله وخايف عليكي انتي كمان
ليلى / لا متخافش المهم عاطف يرجع بالسلامة
عبودة بيشاور ل ليلى / اهوه الوله عاطف اهوه يااستاذة
قامت ليلى وهي مندهشه
كان عاطف جاي ومعاه صاحب الكافتيريا كمان
ليلى واقفه مش فاهمه
دخلوا جوه لمكتب الضابط
الضابط لصاحب الكافتيريا / اتفضل اقعد
صاحب الكافيتريا( عصمت) / ممكن اعرف انا هنا ليه ياباشا
الضابط لعاطف / انت بقى عاطف
عاطف / ايوه ياباشا في حاجه.
الضابط / انت كنت فين ياله اليومين اللي فاتوا
عاطف / كنت بقلب عيشي ياباشا
نظرت ليلى لعاطف بدهشه
ليلى / يعني الراجل دا مكانش خاطفك
عصمت / نعم!
انا اخطفه!
طب ليه... هو انا بيني وبينه ايه عدم اللامؤاخذه؟!
الضابط / سمعتي يااستاذة ليلى
اهو الواد دا كان بيدور ع اكل عيشه زي م بيقول يعني متخطفش ولا حاجه.
عارفه حضرتك الإجراء القانوني اللي ممكن يتعمل دلوقت؟!
عصمت نظر ل ليلى / انا مسامحها ياباشا وعشان خاطري خليها تروح ل أهلها زمانهم قلقانين اوي عليها
ليلى / لا حنين اوي حضرتك
الضابط / خلاص بقى ولا عايزة تتحبسي بتهمه البلاغ الكاذب وازعاج السلطات
عصمت / لا ياباشا بلاش هي متقصدش اكيد
وخرجت ليلى من القسم مع عاطف وعبوده
عبودة / انت ياله بتكدب دفعلك كام عشان تقول الكلام دا
عاطف / ياابني افهم انا قولت الحقيقه انا فعلا كنت بسعي على أكل عيشي ومتخطفتش ودا لو كان خاطفني فعلا كان زمانه م خلص عليه
عبودة / مش دي المشكلة
المشكلة دلوقت ان الراجل دا هيحط الأستاذة في دماغه ميغركوش ابتسامته الصفرا دي لااا
دي وراها حاجات كتير اوي
ليلى / انا ماشيه
عاطف / استنى اما نوصلك.
ليلى سابتهم وركبت تاكسي عشان تروح وطبعا سليم بيتصل وهي بتكنسل
عاطف / تفتكر زعلت مني
عبودة / بصراحه انت ب اللي عملته دا متستحقش اللي عملته  عشانك
لو تشوفها نزلت من الجورنال جرى ازاي وجات لحد هنا وقعدت تتصل ب ناس كتير عشان يهتموا في القسم ويروحوا يجيبوا الراجل دا من قفاه كنت
عرفت هي زعلت ولا لأ
عاطف / وانت محموق اوي كده ليه
عبودة / صعبانه عليه يااخي
عاطف / ليلى صاحبتي انا وانا هعرف اصالحها ازاي
عبودة / يعني ايه صاحبتك انت بس
ليلى صاحبتنا كلنا ومش بس صاحبتنا.
ليلى دي حبيبتي انا
عاطف شعر بالغيره/ نعم!
حبيبتك يعني ايه
ليلى دي انا اول واحد فيكو اعرفها واتكلم معاها
عبودة / وانت زعلت ليه لما قولتلك حبيبتي
عاطف / عشان انت قليل الادب
عبودة / وله متغلطتش بدل م اقطعك انا بدال عصمت ده
عاطف / قرب لو تقدر
ايه خايف اضربك َ
عبودة / مين دا ياله اللي يخاف
تعالي بقى
اتخانقوا  وطحنوا بعض ضرب
___________

في شقة سمير
ثناء / تعالوا ياعيال عشان تاكلوا
قعدوا كلهم ع السفرة وبياكلوا
ورانيا قاعدة بعيد عنهم
مدحت / ايه يا رانيا مش هتيجي تاكلي
رانيا / لا مليش نفس
امينه / تعالى يااختي كلي انا والبت ثناء واقفين من الصبح على رجلنا عشان نعمل الاكل دا قولنا عشان العريس ياكل بس شكله بقى مشغول
سمير / عنده شغل كتير هو اصلا مشغول كده ع طول
دا قعد معايا بس خمس دقايق التليفون مبطلش رن يقفل مع ده ويكلم ده ولا اللي شغال في السنترال هههههههههه
ثناء / بس جايب معاه شيء وشويات م تفتحي كده يا رانيا ورينا جايبلك ايه
غمزلها سمير عشان تسكت
ثناء / يااخويه عشان مش عارف يجيب للعيال حاجه يفرحهم بيها
سمير / ماهو هيجي تاني هو قالي الجيه دي مش محسوبه
المرة الجايه هيجي بقى عشان يقعد مع عروسته
نظرت ليه رانيا بدهشه
سمير / ايه مالك اوعي تكوني مش موافقه قول حاجه يامدحت
مدحت / لا مش موافقه ايه؟!
ايه يارانيا احنا مش خلاص اتفاقنا
رانيا / لسه مفكرتش كويس
مدحت / ييييييه تفكري ايه بس
هي دي حاجه محتاجه تفكير
الراجل هيموت عليكي انتي مشوفتهوش كان بيبصلك ازاي
رانيا / ولما انت اخدت بالك مقولتلوش ليه يلم نفسه
سمير / جرا ايه يارانيا مالك م احنا كنا كويسين
رانيا / انت مش سامع اخوك بيقول ايه
هي دي النخوة والرجولة يلا ياحسن ولا هتبات هنا
حسن / لا جاي معاكي
سمير يمسك ايدها / استنى بس يا رانيا رايحه فين دلوقت
باتي الليلة والصبح ابقى روحي
رانيا / لا معلش عشان تاخدوا راحتكوا الشقة يدوب سيعاكو
يلا ياحسن
ونزلت رانيا مع حسن
سمير / انت ايه يااخي مش عارف تمسك لسانك
اهي اتقمصت والجوازة هتبوظ
مدحت / هو انا قولت ايه يعني
قامت ثناء تفتح الهدايه
سمير / عندك سيبي كل حاجه زي ماهي متفتحهاش خلي الجوازة تمشي
مدحت ابقى عدي عليها بالحاجات دي يمكن لما تشوفهم تلين شويه
مدحت / حاضر... قايم اهوه ماشي
_________