🥀 ليلى ❤️🥀

الحلقة ٥٩

الحلقة ٥٩
#ليلى
#بوسى_مصطفى

_____________

في شقة والد صافي
صافي / البيه عمال يزعق ومتنرفز اوي عشان مراته شافت البوست
روان / بصراحه معاه حق ياصافي
انتي زودتها اوي
هو بيعمل كل اللي انت عايزاه بلاش تعانديه وتضايقي ليلى
هي كمان تعبانه ومش حمل كل اللي بيحصل دا
وكويس انه قدر يواجهها وياخد قرار زي دا ياصافي
الموضوع مش سهل زي م انتي فاهمه
دا بيت احتمال يتهد ياحبيبتي
صافي / م يتهد فوق دماغها وانا مالي
هي اللي غبيه وعامله فيها انها بتفهم في كل حاجه
خليها تشرب بقى
روان / انتي بتكرهيها ياصافي
يعني كل اللي بتعمليه دا قاصده تضايقيها
صافي / ليلى شافت اني منفعش ابقى صاحبتها
عشان بس استايل لبسي بقى اشيك منها
وبقيت انجح منها وبقي عندي برامج في قناة كبيرة
وهي لسه حتة صحفيه في جورنال محدش بيقرا ليه
الغيره والحقد اللي جواها خلاها تبعد عني
لانها كل اما تشوف نجاحي تاكل في نفسها
انا بقى كان لازم اعرفها اني احلى منها وجوزها اللي فرحانه بيه دا
حبني انا وهيتجوزني عليها
ويقهرها
انا نفسي اشوفها دلوقت وهي حالتها النفسيه صفر
بيقولوا انها راحت الجورنال النهارده
بتكابر وبتفهمني إن مش في دماغي بس انا عارفه انها هموت دلوقت
والنار اللي جواها تولع في بلد بحالها
روان / انا بدأت اخاف منك ياصافي
انتي مكونتيش كده ابدا
ايه اللي جرالك
صافي / خلينا في اللي احنا فيه دلوقت
ايه رأيك في الدريس ده
روان / هو سليم مش قالك إن الخطوبة هتبقى ع الضيق
صافي / وهو يعني عشان ع الضيق ملبسش فستان؟؟؟
_______

سليم واقف قدام العمارة اللي فيها شقة باباه
بيتصل ب ليلى
اللي قافله تليفونها ونايمه
التليفون يرن... يفرح اوي
افتكر انها ليلى.. لكل المتصل كان ريان
سليم بحزن /  الو... سلام عليكم
ريان / وعليكم السلام
ايه ياسليم اللي انا سمعته من ماما ده
سليم / سمعت ايه
ريان / انت فعلا هتتجوز ع ليلى
سليم / ريان لما ترجع نبقى نتكلم
ريان / لما ارجع!
سليم انا متعكنن من وقت م سمعت الخبر دا من ماما وانت تليفونك من الصبح وهو مشغول
قولي في ايه
الكلام اللي قالته ماما دا حقيقي
سليم / ايوه حقيقي
ريان / يبقى بتهزر معانا صح
سليم / لما ترجع نبقى نتكلم ياريان
ريان / انت اتجننت صح؟!
سليم / اوكيه اتجننت
عايز مني ايه بقى دلوقت
ريان / ياابني فوق لنفسك
جواز ايه بس اللي هتتجوزه م انت متجوز
ولا ليلى اللي طالبة الطلاق ومش عايزة تكمل فأنت بتغيظها يعني ولا ايه
ماهو انا هتجنن ومش فاهم في ايه
بقى تتجوز ع ليلى ياسليم بعد كل الحب اللي كان بينكم دا
سليم / ظروف
ريان / ظروف ايه قولي
مجبر ع الجوازه دي يعني ولا ايه
مش فاهم
ياابني اتكلم بقى اعصابي تعبانه
ومش ناقصك
سليم / استمتع بوقتك ياريان
وسيبك مني خالص
معلش هقفل معاك معاك دلوقت وهبقي اكلمك بعدين
ريان / سليم طمني انا قلقان من الصبح
ومعرفتش اكل ولا انام و بالي مشغول مستني تكلمني تفهمني في ايه
سليم / ريان انا تعبان ارجوك متزودش تعبي... مع السلامة
وقفل سليم التليفون وطلع فوق بسرعه
قابلته مامته عند باب الشقة
فريال / رايح فين ياسليم
سليم / ماما!
فريال / طالع ل ليلى؟؟
سليم / طالع اتكلم معاها
فريال / تعالى ياسليم ادخل
يدخل ويوقف قريب من الباب
فريال / اقعد ياسليم
متطلعش ل ليلى
سيبها في حالها ياابني
سليم / حالها هو حالي ياماما
فريال / متطلعش عشان خاطري
سليم / في ايه ياماما
فريال / مش حابه انكو تتخانقوا ياابني
باباك مصمم اني احضر الخطوبة
وانا مش هقدر.. مش هقدر ياسليم
سليم / براحتك ياماما
فريال / لو رحت هوجع سامية وانا مش عايزة ابيع عشرة خمسه وعشرين سنه ياابني
سليم / ولا انا
فريال / طب اقعد نتكلم
سليم / معلش ياماما هنتكلم بس مش دلوقت
فريال / مصمم تطلع ل ليلى برضو
___________