🥀 ليلى ❤️🥀

الحلقة ٣٣

الحلقة ٣٣
#ليلى
#بوسى_مصطفى
_______________

سليم / طنط اقعدي استريحي
سامية / لما اطمن على ليلى الأول
سليم بيقعد
والتليفون يرن
سليم / ايوه يابابا انا في المستشفى.
لسه في غرفة العمليات
مروان / متقلقش ياابني
بإذن ﷲ... تقوم بالسلامة
سليم / يا رب
مروان / حد معاك
سليم / طنط سامية معايا
كان خيري وعدي جايين بيجروا من بعيد لمحتهم سامية شاورتلهم قربوا منها
خيري / ليلى عامله ايه ياسامية
سامية / لسه جوه ياخيري
خيري وهو مدمع / ربنا... يقومك بالسلامة يابنتي... يا رب
قرب عدي من سليم اللي كان قاعد قلقان
سليم وهو حابس دموعه / اقعد ياعدي
عدي وهو عينه رايحه ناحية غرفة العمليات وقلقان / لا مش قادر
خيري قرب منهم قام سليم وقعد خيري اللي كان تعبان وبياخد نفسه بالعافيه
سليم / هنزل اجيب حاجه لحضرتك تشربها ياعمي (كان سليم بيحاول يهرب من الموقف او بيضيع وقت الانتظار صعب)
خيري / لا اقعد ياابني استريح
سليم وقرب من غرفة العمليات وليلى بتصرخ جوه
ليلى / خلصوني بقى هموت ااااااه
يارتني متهببت ولا اتجوزت
سامية بتطبطب على سليم اللي دموعه غلبته / ادعيلها ياسليم
سليم / بدعيلها ياطنط تقوم بالسلامة انا مش عايز غيرها من الدنيا
سامية / متقولش كده ادعيلها تقوم بالسلامة هي وولادك
سليم / يا رب
______________

كانت رانيا لسه واقعه مكانها لحد م جات عربية عدت من جنبها
الست / ملاحظتش حاجه يامنير
منير / اه في عربيه واقفه في الطريق هو دا اللي تقصديه
هدير / ايوه بس انا مش مستريحه حاسه بحاجه غريبه هناك
منير / بقولك ايه انا الطريق دا مبحبش امشي فيه وانتي عارفه كده كويس وقعدتي تقوليلي مختصر ومش مختصر متخوفنيش بقى
هدير / ممكن تكون عملت حادثة
منير / العربيه كويسه مفيهاش حاجه
هدير / عشان خاطري خلينا نرجع نطمن يمكن حد تعبان نقدر نساعدة
منير / بقولك ايه عايزة تنزلي اتفضلي انا مش راجع
هدير / عشان خاطري ياحبيبي انا حاسه إن في حد تعبان ومحتاج مساعدة
رجع منير بعد إصرار هدير وقفوا جنب العربية نزلت هدير بسرعه
منير / استنى رايحه فين
هدير / تعالى شوف مش قولتلك سندها بقى معايا
منير / استنى متلمسيهاش هنتصل بالاسعاف ليكون في كسور ولا حاجه تتعب اكتر
اتصل منير بالاسعاف اللي جات بعد نصف ساعة وهدير الوقت دا كانت قاعدة جنب رانيا بتحاول تفوقها
جات الإسعاف واخدوها للمستشفى
في المستشفى ضرب جرس الإنذار في حالة في الطوارئ محتاجه مساعدة كان وقتها مروان واقف مع سليم استأذن ونزل تحت
ليلى لسه في غرفة العمليات
عدي / ماما ليلى اتأخرت اوي
سامية / متوترنيش ياعدي واقعد بقى
قام سليم وهو قلقان وقرب من غرفة العمليات
كانت الممرضة خارجه ومعاها التوأم
سامية وخيري جريوا ناحيتها يطمنوا على ليلى
وعدي شال بيبي وسليم شال البيبي التاني
الممرضه / ولد وبنت
اللهم بارك
خيري بلهفه / المهم بنتي... بنتي عامله ايه
الممرضة / متقلقش حضرتك المدام كويسه خمس دقايق وخارجه بعد اذنكوا
سليم بفرحه وهو بيحضن البيبي / ياترى بنت ولا ولد
عدي / ههههههههه انا اللي معايا بنت
سليم / لا ع فكرة البنت معايا انا
عدي / ياابني اللي معايا انا شوف شعرها طويل ازاي وحلو اوي وناعم زي شعر ليلى بالظبط
سامية / قول... ما شاء ﷲ
ليلى خارجه من غرفة العمليات يقرب سليم ويبوس دماغها وينيم الطفل جنبها
يدخلوها الغرفه بتاعتها
وسليم بيساعدهم ينزلوها على السرير يغطيها ويشاور لعدي اللي يجي بالبيبي التاني
ليلى كانت بدأت تفوق وبتفتح عيونها
ليلى / ماما انا خلاص ولدت
سامية / اه ياحبيبي شوفيهم يا ليلى
ماشاء ﷲ... ياحبيبتي زي القمر
اخدت ساميه الولاد وقربتهم من ليلى اللي ابتسمت ليهم وهي بتحاول تقوم عشان تحضنهم اكتر وتبوسهم قربتهم ساميه اكتر عشان متقومش باستهم ليلى ورجعتهم سامية مكانهم مرة تانيه
سليم وهو ماسك ايد ليلى / حمدا لله... على سلامتك ياحبيبتي
ليلى / تعبت اوي جوه ياسليم
سليم / حبيبتي ألف سلامة عليكي... شايفه ولادنا
ليلى هزت راسها وهي فرحانه
خيري واقف بعيد و عينه ناحية ليلى اللي اخدت بالها
ليلى / بابا
قرب منها بسرعه ومسك ايدها / حمداً لله... على سلامتك يالوله ياقلب بابا
ليلى / شوفت آدم ومريم
خيري / شوفتهم ياحبيبتي
ربنا يباركلك فيهم
عدي / انا زعلان بقى دلوقت مين يصالحني
سليم / ليه يابشمهندس
عدي / ليه متسموش الولد عدي هو انا اسمي وحش
سليم / احنا اتفاقنا مفيش أسماء من العيله عشان محدش يزعل ولا ايه يالوله
وبعدين متزعلش ياحبيبي المرة الجايه نبقى نشوف بعد م هنحط اسمك في القايمة بتاعتنا
ليلى / نعم!
مرة ايه اللي جايه  ياحبيبي شطبنا خلاص
سامية / هههههههههه ياحبيبتي عقبال المرة التانيه والتالته والرابعه كمان
سليم / هههههههههههههه انا كده هطفش من البيت
_____________