الحلقة ٥٣
#ليلى
#بوسى_مصطفى
_________
في الجامعه الصبح
شاهندة / اقعدي بقى يارهف
رهف / مجاش ياشاهي ولا بيرد على التليفون
تفتكري مش عايز يكلمني ولا هو تعبان ومش قادر يتكلم
شاهندة / معرفش واهمدي بقى
اهو اللي ميتسماش جه
نادر / ازيكو يابنانيت
شاهندة / احسن منك
نادر / ههههههههه ودي حاجه تفرحني
ازيك ياروفه اخبارك ايه
رهف / ممكن تمشي من هنا عشان انا العفاريت بتتنطط قدامي دلوقت وممكن اقتلك
نادر/ ههههههههه وهتقتليني بايه ياروفه بالقلم دا
يابنتي حسي بقلبي بقى دا مبيبطلش دق بينادي اسمك حتى وانا نايم
رهف / ابقى فوقوا بشويه مياة
دا لو كان عندك قلب اصلا
شاهي انا ماشيه
نادر / ايه مش هتستني البشمهندس ولا مش جاي النهاردة
جريت رهف اول م لمحت عبدالرحمن
رهف / ازيك ياعبد الرحمن
عبد الرحمن / الحمد لله
نعم عايزة ايه
رهف / عاوزه اطمن على عدي هو كويس
عبد الرحمن / معرفش انا وصلته لحد بيت اخته ومن وقتها معرفش عنه أي حاجه
رهف / طب ممكن العنوان
عبد الرحمن بضيق / ليه
رهف / عايزة اطمن عليه قافل تليفونه ومبيردش
عبدالرحمن / انا ممكن اعطيكي رقم تليفونها اما العنوان دا صعب شويه
رهف / طيب قول الرقم اسيفه عندي
________
في شقة خيري
سامية بتصحي عدي من النوم / قوم ياابني بقى انت مقضيها نوم طول اليوم امبارح ودلوقت برضو مغلبني
عدي / هقوم اعمل ايه ياماما
سامية / معندكش جامعة ياعدي ولا خلاص اخدت اجازة
عدي / هو النهاردة كام في الشهر ياماما
سامية / اتناشر ليه
عدي / عندي امتحان بكره
سامية / ونايم!
ياابني قوم انزل الجامعة ولا ذاكر شويه
اعمل اي حاجه بدل الكسل اللي ملازمك ده
انا هقول لباباك ياخدك يكشف عليك يشوف مالك
وايه اللي مدهولك بالشكل دا
خيري يخبط ع الباب
خيري / روحي شوفي الاكل ياسامية وسبيني مع عدي شوية
قام عدي وقعد ع السرير وهو مرتبك وخايف
سامية / حاضر
بس شوف ماله ياخيري لو كان تعبان ناخده للدكتور
عدي / لا ياماما انا كويس
خيري / هشوف دلوقت
روحي انتي ياسامية
سامية / حاضر
وخرجت سامية من الغرفة وقفلت الباب
نظر خيري لعدي عشان يقرأ كل اللي جواه ومخبيه عنه
عدي / في حاجه يابابا
خيري / السؤال دا اللي انا جاي اسألهولك ياابني
مالك ياعدي
ايه اللي مشقلب حالك بالشكل ده
عدي / مفيش يابابا انا كويس
خيري / ياريت ياابني تكون كويس
بس قلبي مش حاسس بكده
اتكلم معايا ياعدي
متخافش لو في حاجه مضايقاك قولي عليها ياابني
عندك أي مشكلة هحلهالك... بإذن ﷲ
بس اتكلم معايا قولي كل حاجه
عدي / مفيش حاجه اقولها لحضرتك يابابا
خيري / طب قولي كنت بايت فين امبارح
ومتكدبش وتقولي كنت عند واحد صاحبي
عدي / وهكذب ليه بابا
خيري / عشان تداري ع حاجه انت عملها او متورط فيها
ملهاش تفسير تاني
عدي / صدقني يابابا مفيش حاجه
(وطبعاً عدي كان عابر يحكي لباباه على كل حاجه بس خاف من رد فعل باباه اما يتعامل معاه بطريقة وحشه او يطب ساكت لما يعرف إن ابنه بقى مدمن وقاعد حيران ومش لاقي كلام بقوله عشان يخرج من الموقف ده)
بابا بعد اذن حضرتك هخرج اغسل وشي عشان انزل الجامعه
خيري / طيب ياابني
وخرج خيري قعد جنب سامية اللي كانت بتطبق الهدوم
سامية / ها قالك ايه
خيري / ولا حاجه
بس انا قلبي حاسس إن في حاجه ومخبيها علينا
سامية / يعني معرفتش تاخد منه أي معلومة
ولا حتى اسم صاحبه اللي كان بايت عنده ياخيري
خيري / مقالش اي حاجه هو محضر الإجابة من قبل م اسأله عشان يجاوب على طول
سامية / عدي
عدي / نعم ياماما
سامية / يلا ياحبيبي عشان تلحق تفطر قبل م تنزل
عدي / حاضر ياماما
_____________
أنت تقرأ
🥀 ليلى ❤️🥀
Literatura Femininaليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
