🥀 ليلى ❤️🥀

الحلقة ٤٥

الحلقة ٤٥
#ليلى
#بوسى_مصطفى
______________

فوق قدام اوضة دعاء اللي فوق السطوح تخبط عواطف على الباب
كانت دعاء لسه هتنام قامت تشوف مين اللي بيخبط
دعاء بخوف وصوت مهزوز / مين
عواطف / انا يابنتي... ايه لحقتي تنامي
تفتح دعاء الباب
عواطف / مالك يا دعاء مكونتيش عايزة تفتحي ولا ايه
دعاء / لا ابدا ياخالتي
عواطف / عايزة تمشي وتسبينا ليه يا دعاء
انتي مش عارفه إننا اخدنا عليكي واتعودنا إنك معانا مونسانا وعمك غريب بيعتبرك بنته اللي مخلفهاش
هو ضايقك في حاجه قوليلي يابنتي
دعاء /" انتي معملتوش معايا حاجه وحشه بالعكس أنا عيشت وسطيكم كإنكم اهلي
عواطف / امال في ايه بقى
دعاء / مفيش
عواطف / لا يا دعاء في
متكدبيش عليه عشان انا مش صغيرة يابنتي
انا افهم اللي قدامي من غير م يتكلم
انتي امبارح كنتي كويسه وماسكه الكتب دي اللي ادهالك الأستاذ كمال وقاعده بتقري فيها وتقوليلي انا فرحانه اوي وحاسه اني بقيت واحده تانيه غير دعاء بتاعت زمان فرحتلك ودعيتلك إنك تفضلي سعيدة كده ع طول
ايه اللي جرا بقى صحيتي من النوم فجأة كده مش عايزة تقعدي معانا وعايزة تسبينا وتمشي يا دعاء
دعاء / معلش ياخالتي خروجي من هنا هيريحني اوي انا عايزة استريح معلش متزعليش مني
عواطف / وهزعل منك ليه يابنتي انا قلقانه عليكي وعايزة اطمن إنك كويسه ع العموم براحتك
انا نازله تصبحي على خير
وابقى خلي بالك من نفسك وطمنينا عليكي
حضنتها عواطف وهي حابسه دموعها لكن دعاء مقدرتش تخبي دموعها وانهار وبكت
نزلت عواطف قبل م تبكي هي كمان
قعدت دعاء ع السطوح وهي ناظره للقمر
دعاء / ياترى ايه اللي لسه هيحصلك يا دعاء
ليه الناس بقت وحشه كده
كمال وهو واقف وراها
"انا عارف اني كنت وحش اوي معاكي يا دعاء"
تتلفت دعاء بغضب ولسه هتدخل جوه يمسك كمال ايدها
دعاء تصرخ فيه
كمال / انا جاي اعتذرلك واقولك إنك اشرف بنت عرفتها انا معرفش ازاي فكرت فيكي كده
دعاء / فكرت اني بنت سهله مش كده
مكونتش تعرف إن دعاء لحمها مر صح؟؟؟؟
ياترى دماغك عامله ايه دلوقت
مكانتش تتفتح والناس تستريح من شرك
كمال / انا مش وحش اوي كده يا دعاء
دعاء / انت لسه هتمثل عليه
م خلاص يااستاذ الماسك اللي حضرتك كنت لابسه وقع خلاص
وعرفتك ع حقيقتك انت وربيع متفرقوش حاجه عن بعض
انت وهو واحد يااستاذ يامثقف يامتعلم
ياللي مفروض بتعلم بنات زيي
ياترى بتعلمهم ايه
انا كرهتكم ومش عايزة اتعامل معاكم نهائي
كمال / انا عارف اني غلطت بس انتي كمان يا دعاء
دعاء تقاطعه / ايه هتجيب اللوم عليه
انا اللي خليتك تبصلي بالشكل دا
كمال / انتي اللي جايه لواحد عازب الساعة حداشر ونص بالليل تفتكري هفكر فيكي ازاي
انتي اللي قبلتي تدخلي الشقة مع إنك عارفه اني لوحدي والوقت متأخر
انتي اللي وقفتي تتكلمي معايا وترغي عادي وكأن مفيش اي حواجز بينا
إنتي اللي قبلتي تقعدي عندي والباب يتقفل علينا عادي جداً ومفيش اي اعتراض منك
كل دا كان لازم يوصلني اني افكر فيكي بالشكل دا
بس مقاومتك ليه ودفاعك عن نفسك فوقني ع اخر لحظه
لو واحد غيري كان كمل عادي وايه المشكلة واحده وجايه لواحد شقته وبرضاها تفتكري ممكن يعمل ايه
يقفل باب الشيطان دا ازاي
دعاء / عندك حق انا اللي غلطانه اني وثقت في حضرتك واديتك الأمان
انزل يااستاذ انا دلوقت مش عندك في الشقة انت اللي جايلي برجلك
امشي بقى مش عايزة المحك في اي مكان بعد النهاردة
ودخلت وقفلت الباب
كمال / دعاء افتحي وقوليلي إنك سامحتيني
دعاء / ودا عشان ضميرك يستريح ولا عشان تنفذ الخطه اللي في دماغك
كمال / صدقيني مبقاش في حاجه في دماغي خلاص
سامحيني عشان اعرف انام
و لازم تاخدي بالك من نفسك انا خايف عليكي
دعاء / ياسلام... بقى حضرتك خايف عليه
اتفضل يااستاذ من هنا بدل م أفرج عليك العمارة كلها
ووقتها شكلك هيبقى وحش اوي
لإن كل الناس مخدوعه فيك وفاكره حضرتك راجل محترم
كمال مكانش ينفع يكمل حوار مع دعاء لانها هددته فخاف على نفسه من إن صورته تتهز قدام سكان العمارة اللي يعرفوا عنه إنه شاب محترم أخلاقه عاليه
نزل بسرعه وقفل على نفسه الباب بيستخبي من الناس
لكن ربنا شايفه
دخل يتوضأ ويصلي ويستغفر ربنا
اما دعاء قاعده فوق منهاره يمكن عشان صورة كمال االي كونتها في دماغها اتحطمت خلاص
الإنسان اللي كانت معجبه بيه طلع زي ربيع
غمضت عينها بعد م عزمت أمرها خلاص إنها هتمشي بكره
حاولت تنام لكن معرفتش من القلق وإنها عماله تفكر هتخرج من هنا تروح فين
يعني خايفه من كمال وهي رايحه ترمي نفسها في الشارع بره
اخدت التليفون اللي لسه يدوب اشترته من اسبوع بس بعد م حوشت تمنه
ياترى هتتصل ب مين؟؟؟ 🤔
______________