🥀 ليلى ❤️🥀

الحلقة ٥٨

الحلقة ٥٨
#ليلى
#بوسى_مصطفى
____________

وقفنا الحلقة اللي فاتت لما رجع فريد والد رهف ومامتها من السفر
واليوم اللي قبله كانت صافي اتفقت مع باباها إن سليم ووالده جايين بكره الساعة تسعه مساءً اللي هو النهارده
وكمان لين وريان كانوا بيحهزوا نفسهم للسفر للغردقة اللي هو النهاردة برضو
وليلى طبعا عرفنا إنها رجعت شقة باباها بعد م اعترف ليها سليم بكل حاجه وقالها إنه مضطر يتجوز صافي
دا مخلص الحلقة اللي فاتت عشان اللي نسي الأحداث نفكره

يلا بينا نكمل بقى

احنا لسه الصبح...في شقة خيري... وتحديدا في غرفة ليلى
ليلي قاعدة ع السرير وقدامها صنية اكل صغيرة
مامتها من شوية دخلت بالأكل
وبعد شويه دخلت سامية مرة تانية عشان تشوف ليلى أكلت ولا لأ
سامية / برضو يابنتي مش عايزة تاكلي
ليلى / مليش نفس ياماما
شريف كان قاعد جنب ليلى ع السرير
شريف / ويعني لما تعملي إضراب عن الأكل بسلامته هتصعبي عليه بقى وميتجوزش
ليلى / شريف لو سمحت تتفضل وتسيبني في حالي
شريف / م يغور يابنتي في ستين داهيه عامله في نفسك كده ليه مش فاهم
"شريف تعبان عشان اخته لكن بيحاول يقلل من الموقف ويهديها ويقولها ايه يعني ميتجوز سبيه هو اللي خسران لكن ليلى تصرخ في وجهه"
ليلى / شريف اخرج وسيبني في حالي
شريف / طيب خلاص بس اهدي
ياليلي وكل حاجه هتبقى تمام
سامية / تعالى ياشريف وسيب اختك في حالي ياابني
وخرجت سامية
شريف / انا خارج ياليلي
بس عايز اقولك إن هو اللي خسران فمتبكيش على حاجه متستاهلش
ليلى / لا ياشريف تستاهل
وتستاهل اوي كمان
ست سنين من عمر يستاهلوا اني ابكي عليهم
خطوبه وحب وجواز واحلام ورديه عشتها معاه وانا م امناله
ومش حاسبه حساب لليوم ده
اليوم اللي كسر فيه قلبي
دمر كل حاجه جوايا
كل الحب اللي حبتهوله اتحول لكره وانتقام
عايزة انتقم لكرامتي اللي ضاعت
وهو بيدوس عليه وبيعرف واحده غيري
ومين صاحبتي ياشريف
شريف / طب م تقوليش بس صاحبتك
عارفه ياليلي انا من زمان اوي
وانا عارف اني دي متنفعش صاحبه ليكي
بس قولت اهو هتخلصوا جامعة وكل واحد يروح لحاله
لكن معرفش انكو لسه بتتقابلوا
وبتجيلك البيت كمان
ليلى / يمكن اتعاملت معاها بحسن نيه... بسذاجه... بهبل... بعبط... بغباء
بس عمري م توقعت ان جوزى يحبها أو يفكر في واحده غيري
سليم ياشريف
عارف سليم دا كان بالنسبالي ايه
حبه ليه كان مخليني مصدقه إن لو كل الرجالة اللي في
الدنيا خانت زوجاتهم فجوزي لأ
سليم مبيحبش غيري..
عشان اللي بينا كان كبير اوي
اوي ياشريف
أخدها في حضنه وهو بيطبطب عليها
شريف / ولسه ياما هنتصدم ياليلي
ليلى / لا مبقتش قادره اتحمل
اللي انا فيه صعب عليه اوي ياشريف
شريف / محنه وهتعدي...
بإذن ﷲ... تعدي ياليلي
ليلى / معلش ممكن تسيبني لوحدي
شريف / حاضر... بس بطلي عياط... عينك وجعتك ياليلي
ليلى / وجع عيني دا ميجيش حاجه  في الوجع اللي في قلبي
خرج شريف وهو بيقفل الباب وحابس دموعه قدامها
لكن اول م قفل الباب واتأكد إنه لوحده بقى يبكي على حالها