🥀 ليلى ❤️🥀

الحلقة ٥٢

الحلقة ٥٢
#ليلى
#بوسى_مصطفى
__________

في منزل جدة رهف
رهف بتتكلم مع شاهندة في التليفون
شاهندة / ياخبر وبعدين عمل ايه لما نادر قاله الكلام ده
رهف / جه صاحبه واخده ومشى
شاهندة / طب كلميه... تليفونه مقفول
شاهي انا خايفه اوي ع عدي
شاهندة / متقلقيش يارهف تلاقيه بس مصدوم من الكلام اللي قاله اللي ميتسماش 
رهف / قلبي وجعني اوي ياشاهي

___________

شاهندة / انتي لما تقابليه بكره قوليله الحقيقه
فهميه إنك مش وحشه زي م قاله نادر
رهف / انا مبيهمنيش كل دا دلوقت
انا كل اللي يهمني إن عدي يبقى كويس
نادر أذى عدي بسببي ياشاهي
انا هموت خلاص
شاهندة / بعد الشر عليكي ياحبيبتي
اكيد لسه في الأول يارهف يقدر يتعالج بسهولة
رهف / لا ياشاهي الحالة اللي هو كان فيها بتقول إنه اخد جرعات كبيره لدرجة إنه مش قادر يتحمل
انا شوفته بيصرخ وبيخبط دماغه في ازاز العربية
عدي بيضيع ياشاهي
انا السبب
اطمن عليه ازاي قوليلي
شاهندة / تنامي وتستريحي والصبح تنزلي الجامعة اكيد هتلاقيه هناك هو مبيغبش خالص
رهف / تصبحي على خير
شاهندة / وانتي من اهل الخير
خبطت وصال على الباب
رهف / انا هنام ياتيته
تفتح وصال الباب وبحده / قومي بابا عايزك
رهف / بابا على التليفون
وصال بسخريه / لا على الباب
رهف / تيته ابوس ايدك انا مش ناقصه
وصال / اتفضلي التليفون اهو كلمي بابا وابقى هاتيه لما تخلصي انا داخله اوضتي
اخدت رهف التليفون / الو
فريد / رهف حبيبة قلبي عامله ايه يابنتي
رهف / انا كويسه... الحمد لله
فريد / مزعله تيته ليه يارهف
رهف بتبكي
فريد / خلاص متزعليش هغيرلك العربيه لما انزل اجازة انا وماما
رهف / مش عايزة اغير العربية
فريد / طب قوليلي عايزة ايه
وبعدين مزعله تيته ليه
بتقولي إنك مبتذاكريش وكمان مبتسمعيش كلامها
رهف / تيته قالت لحضرتك كده؟؟
فريد / رهف لازم تسمعي كلام تيته ياحبيبتي
رهف / حاضر يابابا
فين ماما عايزة اكلمها
فريد / ماما نايمه ياحبيبتي
هتكلمك الصبح... تصبحي على خير
رهف / وحضرتك من اهل الخير
قفلت رهف مع باباها وخرجت تعطي التليفون لجدتها اللي كانت قاعدة قدام التليفزيون
رهف / اتفضلي ياتيته
وصال / سبيه عندك ع الطربيزة
رهف وضعت التليفون وقعدت جنب جدتها
رهف / تيته حضرتك قولتي لبابا إني مبذاكرش ومبسمعش كلامك
وصال / اومال كنتي عايزانى اقوله ايه
اقوله بنتك اللي طلعت بيها من الدنيا مدمنة مخدرات
رهف نظرت لجدتها وعينها دمعت / انا قولت لحضرتك أني هتعالج وهتساعديني كمان عشان أخف
وصال / مين قالك كده
رهف / يعني هتتخلي عني
وصال / زي م وقعتي نفسك في المصيبه دي اخرجي منها لوحدك
رهف / اوكيه هخرج منها لوحدي
تصبحي على خير
مردتش وصال ودخلت رهف اوضتها قامت جدتها كمان دخلت اوضتها وقعدت ع السرير تبكي
بسبب احساسها بالذنب إنها ممكن تكون قصرت في تربيتها لرهف او عطتها حرية اكتر من اللازم
_________