الحلقة ٢٢
#ليلى
#بوسى_مصطفى
____________
بعد كام يوم... في شقة خيري
سامية / يلا بقى يا عدي عشان متتأخرش
عدي / حاضر ياماما جاي اهوه
خيري / لا لا ياسامية بلاش تحطي سكر ع اللبن
سامية / مالك ياخيري
خيري / السكر عندي مش متظبط وخايف اكل او اشرب حاجه فيها سكر
سامية / سلامتك ياحبيبي
عدي / ايه رأيكو بقى
سامية ببتسامة / ما شاء ﷲ
اهو انت كده مش ناقصك غير العروسة
عدي / ههههههههه عروسة ايه بس ياماما ادعيلي بس اموري تمشي في الكلية دي
خيري / ايه ياعدي مالك
عدي / مفيش يابابا
خيري / لازم تبقى واثق من نفسك كده الجامعة مش صعبه اوي كده
عدي / ربنا يسهل
سامية / طيب ياحبيبي افطر بقى كويس عشان تركز
خيري / ليلى متصلتش امبارح ياسامية
سامية / لأ من ساعة م قولتلها روحي اكشفي مكلمتنيش وانا كمان نمت محستش بنفسي شويه كده وهبقي اكلمها
خيري / طيب ياعدي انا هنزل اشغل العربية تكون خلصت
سامية / هي الرخصه لسه مطلعتش ياابني
عدي / هروح اجيبها النهاردة ياماما
كان نفسي اروح بالعربية النهاردة بس بابا مش موافق اسوقها غير لما يكون معايا رخصة السواقه
سامية / امان ليك ياحبيبي محدش عارف الظروف
عدي / سلام ياست الكل وادعيلي بقى
سامية / دعيالك يانور عيني مع السلامة
___________
في شقة شريف
غادة / شريف شريف قوم بقى هتتاخر ع الشغل
شريف / مش قادر ياغادة
غادة / معلش ياحبيبي تعالي ع نفسك وقوم بقى انا جهزت الفطار ع السفرة
شريف / انتي رايحه لمامتك النهاردة
غادة / اه عشان اساعد خالتي في عمايل الكحك م انت عارف هي لوحدها وبنت خالتي بقى مشغوله مع عريسها
شريف / هو الفرح امتى
غادة / التلات اللي بعد الجاي
شريف / الف مبروك وعقبالي
غادة / نعم!
شريف / قصدي عقبالي اما اسدد ديوني
غادة / بقى دا اللي كنت تقصده
شريف / ههههههههه م انت عارف ياجميل مفيش في القلب غيرك بس بحب اناغشك
غادة / طب يلا بقى عشان متتأخرش
شريف / م تجيبي حضن كده عشان اقدر اقوم من السرير
غادة / بتستهبل صح
شريف / ومستهبلش ليه
ويحضنها شريف
غادة / انت حبيبي ياشريف
شريف / وانتي كمان حياتي ياغادة
غادة / عارف مش مخليني مستعجله ع الحمل غير عشان اجيب ولد شبهك كده
شريف / وانا نفسي في بنوته شبهك كده جميله وقلبها ابيض
غادة / هههههههههه هتتاخر ع الشغل
شريف / متفصلنيش بقى
غادة / بفكرك بس عشان متنساش
شريف / هه اديني قايم
غادة / هههههههههه ايوه كده اتنشط وقوم وبطل كسل
شريف / كسل ايه بس دول كلهم ساعتين اللي بنامهم
____________
بعد الظهر في شقة سليم
صافي وهي بتاكل عنب من طبق الفاكهه / شوفتي الورد اللي جالك النهاردة
ليلى / شكلي هفتح محل ورد بيهم هههههههههههههه
صافي / بس كانوا فرحانين اوي بيكي النهارده... مبروك يا لولا
ليلى / هههههههههههههه انا بقالي شهر بيتقالي مبروك
صافي / عقبال م نقول مبروك لما يحصل اللي في بالي
ليلى / هههههههههههههه سليم مش عايز خالص دلوقت
صافي / ليه يابنتي دي الأطفال نعمه
دا انا نفسي اتجوز بس عشان يبقى عندي بيبي ألعب بيه كده
ليلى / يااختي متتجوزي بقى وخلصينا
صافي / بتعملي ايه يا ليلى
ليلى / بشغل الفرن
صافي / انتي عملتي المكرونه بجد
ليلى / اه شوفت طريقتها ع قناة ع اليوتيوب وعحبتني اوي وحسيت انها سهله يعني مش صعبه
صافي / طب انتي لسه ب تتعلمي ياحبيبتي اعملي حاجات سهله كده
شوية رز وجنبهم بطاطس وفرخه محمره
ولا باميه ومعاهم حتتين لحمه كده وشوية رز ابيض
حاجات من دي
ليلى / اصل سليم كان بيقول لمامته امبارح إنه نفسه في المكرونه بالبشاميل قولت لازم اتعلمها واعملها
بس تطلع كويسه بقى اصل انا قلقانه اوي عملت كل الخطوات اللي موجوده في الفيديو وحاسه انها مش هتطلع بنفس الشكل اللي شوفته
صافي / المهم الطعم يا لولا هدوق الأول واقولك
ليلى / هههههههههههههه ماهو انا بصراحه قعدتك عشان تدوقيها الأول قبل سليم م يرجع من بره
صافي / بتجربي فيه يعني هههههههههههه اوك يا ليلى خليكي في المطبخ بتاعك وانا هطلع اشم شوية هوا بره مطبخك اللي يوقف فيه يسيح يااختي
وخرجت صافي بره المطبخ باب اوضة ليلى مفتوح تدخل تلاقي هدوم ع السرير وفي هدوم واقعه في الأرض والأوضة مش مترتبه
صافي / ايه يابنتي دا هو كان في حرب هنا ولا ايه
ليلى / هههههههههههههه انتي فين
صافي داخله ل ليلى ب سبت الهدوم
صافي / كل الهدوم دي عايزة تتغسل
ليلى بحرج / اه م انا كنت هحطهم في الغساله الصبح بس كنت مستعجله قولت اما ارجع اعمل الغدا وبعدين اروق الشقة
صافي / انا روقت الاوضة جوه هروح اقفل الشباك
ليلى / متشكره اوي ياصافي
صافي / ع ايه بس
خلصي انتي عشان واقعه من الجوع
ليلى / هعمل بس شوية ملوخية جنب المكرونه سليم بيحبها
صافي / طب حمري الفراخ كويس انا بحبها مقرمشه
ليلى / حاضر
بتفتح ليلى التلاجه وبتخرج الخضار عشان تعمل السلطه وخرجت فاكهه غسلتها وازازة عصير
ليلى / في جوافة ومانجه ياصافي تشربي ايه
راحت فين دي مبتردش ليه
دخلت ليلى جوه لاقيت صافي نايمه ع سريرها
اتخنقت وقلبها وجعها وقربت من صافي
ليلى / صافي... صافي قومي انتي نمتي
صافي تقوم وهي عينها بتدور في الاوضه
صافي / ياخبر انا نمت هنا ازاي
ليلى / الظاهر منمتيش كويس امبارح
صافي / فعلاً
ليلى / طب تعالي عشان نتغدا
ع السفرة
صافي / ههههههههه يجي منك برضو
ليلى / حلوه صح
صافي / فعلاً جميله اوي والفراخ مقرمشه
شاطرة يا ليلى اتعلمتي بسرعة
ليلى / يااااه... الحمد لله
أخيراً عرفت اعمل حاجه وانجح فيها
صافي / ههههههههه بكره تتعلمي كل حاجه انا ماشيه بقى سلام
____________
أنت تقرأ
🥀 ليلى ❤️🥀
Chick-Litليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
