🥀 ليلى ❤️🥀

الحلقة ١٧

الحلقة ١٧
#ليلى
#بوسي_مصطفي
_______________

ناصر / تعالى هنا بقى..... رايحه فين السعادي
رانيا / هو دا كل اللي فرق معاك
واللي انا شوفته دا ايه
عادي كده... اخ واخته ازاي مش فاهمه
خرجت
رجاء وهي بتلبس الروب
رجاء / اخرسي يابت انتي قطع لسانك
طلقها ياناصر وارميها للشارع اللي جات منه
رانيا / ماهو دا اللي هيحصل فعلاً بس مش هترمي في الشارع
رجاء / ايه هتروحي ل اخواتك اللي طمعانيين فيكي بعد لمناكي من الشوارع
رانيا / ع الاقل الشوارع دي هتبقى انضف منكو
رجاء / من مين يا زبالة انتي
وقربت رجاء عشان تضرب رانيا
وقف ناصر بينهم
ناصر / رجاء اسكتي دلوقت خليني اعرف اتكلم
رانيا / تتكلم تقول ايه بعد م كل حاجه اتعرفت خلاص كنت خايف من اخواتي
اه م انا فعلا مغلفه كان لازم اعرف من الاول إن وراك مصيبه ماهو ميفكرش في كده غير
قاطعتها رجاء بشد شعرها ووقعتها في الأرض عشان تضربها
رجاء / قطع لسانك انا مراته ياحبيبتي وليه فيه اكتر منك
رانيا بتحاول تبعد عنها وقامت
رانيا / صحيح الكلام اللي بتقوله اختك دا
ناصر / رجاء مراتي وعشرة عمري
رانيا وهي بتبكي / وانا ابقى ايه
ناصر / مراتي برضو
رانيا / بس انت مقولتيش كده
انت قولتلي انك طلقتها بعد م خانتك
رجاء / اخرسي... انا مراته الاولانيه ياحبيبتي اول فرحته وشريكته في كل حاجه
النعيم اللي انتي فيه دا انا شريكه فيه
رانيا / طب اتجوزتني ليه طالما مراتك كويسه اهيه
رجاء / اتجوز ياحبيبتي عشان يخلف حتة عيل يشيل اسمه بس خلاص مش عايزينك طلقها ياناصر
ناصر / اهدي بس يا رجاء واقعدي
رانيا عندها حق تضايق ماهو برضو كانت مفاجأة بالنسبالها بس خلاص طالما عرفت يبقى نعيش كلنا مع بعض
رانيا / مستحيل اعيش معاك لحظة بعد اللي عرفته
دا غش انت خدعتني وفهمتني انك مطلق وإن الهانم دي تبقي اختك يبقى اعيش معاك ازاي بعد النهاردة
انا ماشيه ومش هتشوف وشي دا تاني
ناصر / يبقى بتحلمي انسى يارانيا انك تخرجي من هنا
رانيا بتحاول تفتح الباب وتخرج
يمسكها ناصر من شعرها ويدخلها بالعافيه وتحاول تتمسك بالباب عشان تهرب يضربها كام قلم ع وشها يفقدها الوعي ويشيلها ويدخل بيها جوه
ناصر / برفان بسرعة يا رجاء

رجاء / مسبتهاش تغور في داهيه ليه
ناصر / هو دا وقته انتي كمان اخلصي هاتي حاجه افوقها بيها
رجاء / حاضر
ودخلت جوه واخدت ازازة برفان وخرجت
رجاء / اتفضل
فاقت رانيا لاقيت ناصر في وشها صرخت وهي بتبكي
ناصر اخدها في حضنه وطبطب عليها
ناصر / انا عملت كده عشان متهربيش مني
رانيا انتي عارفه انا بحبك قد ايه ومقدرش استغنى عنك
رجاء واقفه مضايقه من اللي بتسمعه
ناصر / لوقولتلك الحقيقه كنتي هترفضي انا عارف
وبصراحه انا حبيتك اوي وخوفت تضيعي من ايدي عشان كده مقولتش الحقيقه
رانيا / واخواتي عارفين الكلام دا
رجاء / اخواتك عارفين ياحبيبتي وقابضين تمن سكوتهم ياحلوة
يعني تهدي بقى وتقعدي كده لحد م تجيبلنا النونو اللي نفسنا فيه وبعد كده ابقى غوري في داهيه براحتك
رانيا / نعم!
انتي بتقولي ايه ياست انتي
يعني ايه اقعد هنا احمل وأخلف وتاخدوه ع الجاهز كده
انتو اكيد مجانين
رجاء / ناصر انا خلاص بقيت ع أخرى من البنت دي قولها تلم لسانها احسنلها.
ناصر بيقفل باب الشقة بالمفتاح واخد من ع السفرة النسخه اللي كانت مع رانيا
ورانيا قاعدة في الأرض بتبكي على حالها
رجاء وايدها في ايد ناصر / يلا ياحبيبي ندخل نريح جوه شويه
نظرت رانيا ليهم وهي منهارة وبتعيط
تركوها ودخلوا جوه جريت تاخد التليفون بتاعها من على السفرة تتصل ب أخواتها افتكرت كلام رجاء ليها بإن أخواتها فعلا باعوها لناصر
رجعت مكانها تبكي وافتكرت الحمل
رانيا لنفسها / لا مستحيل يعرف
اني حامل لو عرفوا هياخدوا مني ايوه الست اللي اسمها رجاء دي قالت كده
طب اعمل ايه دلوقت
انا خلاص حاسه اني في كابوس
____________