🥀 ليلى ❤️🥀

الحلقة ٥٧

الحلقة ٥٧
#ليلى
#بوسى_مصطفى
_______________

مروان بيدخل بسرعه / في ايه ياسليم
مين اللي بيصوت جوه ده
سليم بحزن / ليلى يابابا
مروان / انت قولت ليها ايه
سليم / قولت كل حاجه
مروان / هي عارفه اني صافي حامل
سليم / لأ
مروان / طب خليك هنا وانا هدخل اتفاهم معاها
مروان بيخبط ع الباب
كانت ليلى بتلبس هدومها
ليلى / مش هفتح قولتلك ومتحاولش تفتح الباب عشان هلم عليك العمارة كلها
مروان / افتحي ياليلي
ليلى بتبكي / عمي انا مش عايزة اتكلم مع حد
مروان / حاضر بس افتحي
ليلى فتحت الباب احتراماً ليه
مروان / ممكن تهدي وتسمعيني
ليلى / مفيش كلام ممكن يتقال بعد اللي قاله ابن حضرتك
سليم / ليلى انتي مش مدياني فرصه افهمك أي حاجه
ليلى وصرخت في وجهه / افهم ايه
هو لسه في حاجه تانيه عايز تقولها
مروان / اظن لما ابقى واقف وسطيكم يبقى ع الاقل تعملوا احترام ليه
وانت ياسليم تسكت خالص انا اللي هتكلم
سليم / حاضر يابابا
مروان / تعالى معايا ياليلي
واخد ايدها وخرجوا قعدوا بره
مروان / اقعدي ياليلي
ليلى / عمي ابنك عايز يتجوز
مروان / وماله يابنتي م يتجوز
ليلى وهي بتحاول تبقى اكبر من الموقف / اوكيه بس يطلقني
سليم / انتي عارفه إن دا مستحيل يحصل عارفه كده ولا لأ
ومسكها من ايدها جامد وليلى بتحاول تبعده عنها
مروان / ليلى اكيد سليم قالك هيتجوز مين
ليلى / اه صاحبتي
اللي كنت فاكره إنها صاحبتي
مروان / معرفتيش ليه
ليلى / عشان يصلح غلطته ملهاش تفسير تاني
هما الاتنين صنف واحد ولايقين ع بعض
سليم / لا انا مش شبه صاحبتك وانتي عارفه
ليلى / ليك عين تتكلم كمان
ايه بقيت وحشه دلوقت عشان بس هتتدبس وتتجوزها
مروان / بلاش تتكلمي بالاسلوب دا ياليلي
سليم غلط ولازم يصلح غلطته
ليلى / يصلحها ياعمي وانا مالي
مروان / ماهو انتي لازم توقفي جنبه
ليلى / أقف جنبه كمان
ايه اسلموا ب ايدي لعروسته؟؟
مروان / لأ تخليكي معاه لحد م المحنه دي تعدي
ليلى / كتير عليه اوي كل اللي بيحصل دا
مروان / ليلى ايه اللي يجيب صاحبتك تبات هنا
ليلى / اه يعني هطلع انا اللي غلطانه مش كده؟؟؟!
مروان / انا مقولتش انه مش غلطان
بس كمان الوضع غلط وانتي عارفه
ليلى / هي باتت عندي وحضرته مكانش موجود في الشقة
مروان / ولما رجع
ليلى / يعني هو لما يقعد مع أي واحده في مكان لوحدهم يعمل كده ياعمي
سليم / لا ياليلي ولو في وعي استحاله اعمل كده وانتي عارفه
ليلى / حلوه في وعيك دي
ليه ياحبيبي هو انت كنت شارب حاجه ولا ايه
وبعدين انت يومك كله مقضيه بره حد يعرف انت بتعمل ايه
مروان / لحد كده وكفايه
متتكلميش خالص
ليلى / ليه ياعمي
هو انا مليش حق إني اتكلم يعني اتوجع ويتغدر بيه ومنطقش
مروان / انتي عارفه ياليلي إننا معندناش النظام بتاعك انتي وصاحبتك ده
الصحاب بره في الشغل ع الكافيهات إنما في البيت لأ يابنتي
دا درس ليكي وهو هياخد عقابه اللي يستحقه
بكره هنروح نتقدم لباباها عشان يتكتب الكتاب بسرعه ونلحق نلم الموضوع
هتقبلي الوضع دا كان بها مش قابله يبقى براحتك
ليلى بتصرخ وسليم بيحاول يهديها
مروان / بلاش فضايح واسكتي بقى
ليلى / خلاص قولوا يطلقني
مروان / مش انا اللي هقوله ياليلي
سليم / وانا مقدرش اعمل كده
ليلى انتي لو بعدتي عني انا ممكن اموت
ابوس ايدك ياليلي بلاش تسيبني انا محتاجلك اوي
وكان ماسك ايدها وحضنها
ليلى / لا هتقدر ياسليم
اللي خلاك تخوني يخليك تعمل اي حاجه
سليم / بقولك مخونتكيش ع الاقل قلبي عمره م خانك ولا عيني شافت غيرك ياليلي
ليلى / بطل كدب بقى يااخي
سليم / بابا قولها متسبيش قولها اني روحت لحضرتك من ست سنين وكنت ببكي ويبوس ايدك عشان توافق اني اتقدملها
قولها اني استحملت حاجات كتير اوي عشانها وعشان نبقى مع بعض قولها اني هموت من غيرها
مروان / كفايه ياسليم متعملش في نفسك كده
سليم / انا عملت حاجات كتير اوي ياليلي عشان يجمعنا بيت واحد
انا اتمنيتك ودعيت إنك تبقى من نصيبي
ليلى / ضيعت كل حاجه حلوة كانت بينا
جرس الباب يرن
سليم بيفتح الباب وهو بيحاول يتمالك اعصابه من الموقف اللي اتحط فيه
سليم / عدي !
ليلى مقدرتش تحبس دموعها وانهارت وجريت ع عدي اللي حضنها جامد وهو مش فاهم في ايه
عدي / مالك ياليلي... قوليلي بتعيطي ليه
سليم / ادخل ياعدي
عدي / مش افهم الأول اختي مالها
مروان / ادخل ياابني مينفعش الكلام كده ع الباب
عدي / دكتور مروان
هو حضرتك هنا كمان
هو في ايه اتكلمي ياليلي قوليلي مالك متعيطيش عشان خاطري
مسحت ليلى دموعها ودخلت جوه
سليم شد عدي ودخله جوه
الجميع في صمت وعدي قاعد مش فاهم في ايه
بس الاكيد إن في كارثه دا اللي استنتجه من انهيار ليلى ودموعها اول م شافته
ليلى جوه بتلبس ولادها واخدت الشنطة بتاعتهم وخارجه
ليلى / عدي نزل الشنطه دي تحت وخد مريم معاك
وقف سليم لما لاقاها خارجه بالبنت
سليم / رايحه فين ياليلي
ليلى / رايحه بيت بابا
ايه فاكرني هعيش معاك بعد النهارده
سليم / ترجعي لبيت باباكي يعني ايه
ليلى / انزل ياعدي وانا هدخل اجيب آدم من جوه واحصلك
سليم لعدي وهو ماسك ايده / سيب البنت ياعدي
عدي / انا مش عارف اسيبها ولا انزل بيها
محد يفهمني في ايه
ليلى / انزل ياعدي
نزل عدي زي م قالتله ليلى
سليم بيدخل وراها جوه عشان يمنعها تاخد الولد وتنزل
يتخانقوا مع بعض وليلى مصره تنزل
مروان / سيبها ياسليم تنزل
سليم / ليلى عشان خاطري متسبيش البيت وتمشي
ليلى متسبنيش انتي عارفه اني مقدرش اعيش من غيرك
اسمعيني ياحبيبتي عشان خاطري
اقولك انا مش هتجوز صافي خلاص بس خلينا مع بعض انا متمسك بيكي والبيت ده
ارجوكي عشان خاطري
ليلى / انا مشكلتي مش إنك تتجوز صافي ولا لأ
انتي خونتي ياسليم
فاهم يعني ايه
انا ابقى معنديش كرامه لو عيشت معاك بعد اللي عرفته ده
اتجوزها ياسليم وابعد عني انا اللي غبيه ولازم ادفع تمن سذاجتي
كان عدي واقف ع باب الشقة
ليلى / يلا ياعدي
عدي مسك ايدها وخارج من الشقة وسليم مسك ايد ليلى التانيه وبيشدها يدخلها جوه وهو منهار وبيترجاها متنزلش
مروان بغضب / سيبها ياسليم
سليم / بابا حضرتك متعرفش انا ممكن يحصلي ايه لو ليلى بعدت عني
مروان / سيبها ياابني
خد اختك وانزل ياعدي
ليلى بتخرج من الشقة وهي منهاره وبتعيط وبتنظر ل سليم اللي كان في نفس الحالة
ودموعه بتترجاها ترجع ومتسيبش البيت
لكن ليلى داست على قلبها ونزلت مع عدي
________-