🥀 ليلى ❤️🥀

الحلقة السادسة

الحلقة ٦
#ليلي
#بوسي_مصطفي
_______________

قرب ريان من رانيا اللي كانت واقعه في الأرض وبتحاول تقوم اول م شافته ( هي طبعا لسه متعرفش مين ده)
الولد جرى بسرعه ناحية أصحابه واخدوا العربيه وفي لحظه كانوا بعيد عن المكان
ريان ملحقش يمسك الولد لكن نظر ل رانيا
ريان / ايه جايبك في المكان ده
رانيا / انا كنت
قاطعها ريان / تعالى اما اوصلك انتي رايحه فين
رانيا / انا كنت مروحه بيتنا
ريان / انتي كنتي مخظوفه
رانيا / لأ انا كنت ماشيه من هنا عادي
ريان / وهو في بنت تخرج بره بيتها في ساعة زي دي
رانيا قامت وهي مخنوقه ومضايقة (يعني مش كفاية اللي حصلها دا كمان جاي يكمل عليها)
رانيا وهي مدمعه / كتر خير لولاك مكونتش عارفه ممكن يحصلي ايه بعد اذنك
ريان / طب استني اما اوصلك
(هو عمال يفكر شافها فين وهي كمان بتفكر شافته فين قبل كده)
ريان / مش هتلاقي مواصلات في المنطقه دي والوقت كمان اتأخر هتركبي ولا ايه نظامك
رانيا مكانش قدامها حل تاني مع انها مضايقه منه بس اهو احسن من انها تفضل موجوده هنا لوحدها ويمكن الولاد دول يرجعوا يضايقوها تاني
رانيا / ماشي هركب
ريان بيركب وفتحلها باب العربيه
وركبت في الكرسي الخلفي وطول الطريق وهما الاتنين بيفكروا شافوا بعض فين
ريان / احنا ماشين كده وانتي مقولتيش رايحه فين
رانيا قالتله على العنوان واول م وصلوا هناك افتكر عم جمعه الراجل اللي عمله حشو عصب لضرسه ووصله لحد البيت
ريان / ايوه عم جمعه عايش هنا
وبعدها نظر ل رانيا في المرايا
وافتكر / ايوه هي دي بنته انا متأكد
رانيا بتفتح الباب وتنزل
ريان / استنى
رانيا ترجع ليه / في حاجه
اه نسيت اتفضل اجرتك
ريان وهو مضايق / أجرة ايه حضرتك؟!
انت مش بنت عم جمعه برضو؟
رانيا / وانت تعرف بابا منين
وبعد كده افتكرت ان الشبه دا مش غريب عليها
رانيا / ايوه هو انت
انت الدكتور اللي وصلت بابا لحد هنا صح
ريان / ايوه انا... انتي بنته صح
رانيا / ايوه انا بنته... كتر خيرك انك وصلتني لحد هنا
سلام
وطلعت رانيا شقتها
____________

في شقة والد غادة
والد غادة قاعد ع السفرة ومعاه اخوه عبدالحميد وابنه ممدوح
وحوريه رايحه جايه بالأكل
والد غادة / هاتي طبق ملوخية هنا قدام ممدوح ياام غادة
ممدوح / لا ياعمي انا هاكل من اللي قدام بابا
والد غادة / ودا اسمه كلام برضو قطع ديك الرومي ده
مش حاطه زينه انا
عبدالحميد / كفايه يااخويه م احنا قدامنا البط والحمام والفراخ
والد غادة / كل ياحاج عبدالحميد انت لازمك غذا
عبد الحميد / خلاص ياحاج كبرنا بقى كان زمان ايام الشباب
والد غادة / م انت لسه شباب ياحاج والف واحده تتمناك ولا ايه ياممدوح
ممدوح / قولت ل بابا الكلام دا زمان بعد م ماما... ﷲ يرحمها
توفيت... بس بابا حابب يعيش ع ذكراها
عبدالحميد / انا بس اجوز ممدوح ومش عايز حاجه من الدنيا بعد كده
والد غادة / إن شاء ﷲ
تجوزه وتفرح ب أولاده وولاد ولاده كمان ياحاج
عبدالحميد / في حياتك يااخويه
ممدوح / اومال فين غادة ياعمي
والد غادة / حوريه قولي لغادة تيجي تاكل معانا
حوريه في المطبخ بتعمل الشاي
حوريه بتكلم نفسها / مش عارفه انت ناوي على ايه
البنت جوه مموته نفسها من العياط وانت واخوك قاعدين بتاكلوا وبتضحكوا
ايه للدرجادي الفلوس بقت عندك كل حاجه مش مهم سعادة بنتك ولا هي عايزة ايه
والد غادة / هاتي الشاي ياام غادة
حوريه / حاضر... جايه اهوه
والد غادة / كمل اكلك ياممدوح
ملكش دعوة بيه انا وابوك... انت لسه شباب ومحتاج تتغذا
ممدوح / هههههههههه اكتر من كده ياعمي دا انا خلاص معدتي بقت ع آخرها... دايماً عامر ياعمي
والد غادة / يدوم عزك ياابني
عبد الحميد / هو فرح غادة امتى ياحاج
والد غادة / مش باين ياحاج
ممدوح بفرحه بيحاول يداريها / ليه بس كده ياعمي
والد غادة / الواد مقعد البنت جنبه تلات سنين وفي الاخر قال ايه معهوش فلوس افرش الشقة
عبد الحميد / م انا قولتلك من زمان الواد دا هيتعبها
والد غادة / قال بتقولي بحبه يابابا
حب ايه اللي يركن البنت جنبه تلات سنين ولسه كمان
ممدوح / وغادة رأيها ايه ياعمي
والد غادة / بتلوي دراعي عشان أوافق
الهانم عامله اضراب عن الأكل فاكره بكده اني هوافق بس هي لسه متعرفنيش لما بقلب مبعرفش حد قدامي
عبدالحميد / اهدي ياحاج الأمور متتاخدش كده
والد عادة / البنت كبرت ياعبدالحميد يااخويه وانا عايز اطمن عليها في بيت جوزها
حوريه جوه في غرفة غادة
حوريه / اطلعي ياغادة وبلاش نشيفة الدماغ بتاعت دي
غادة / مش طالعه ياماما... مش طالعه تحبي اخرج اقولهم السبب
حوريه تمسك ايد غادة / انتي عايزة تعملي مشكلة صح
غادة / عمي وابنه جايين ليه ياماما
حوريه / باباكي عازمهم ع العشا ايه اللي فيها يابنتي
غادة / عارفه لو كان اللي في دماغي يبقى انتو بقى هتشيلوا ذنب اللي هعمله في نفسي
حوريه / بصي أعمى اللي تعمليه انا خلاص جبت أخرى منك ومن ابوكي
______________