🥀 ليلى ❤️🥀

الحلقة ٢٠

الحلقة ٢٠
#ليلى
#بوسى_مصطفى
____________

في النادي
نبيله / محدش بقى بيشوفك يعني يا رجاء
مختفيه فين بقالك فترة
رجاء / موجوده ياحبيبتي هروح فين
الف مبروك
نبيله / ع ايه
رجاء / على الجواز
نبيله / ههههههههه انتي لسه فاكره
رجاء / معلش بقى انشغلت الفترة اللي فاتت بين الشغل وناصر م انتي عارفه
نبيله / سمعت انه اتجوز ايه يااختي هو انتي ازاي بتستحملي ده
رجاء / عشان يجيب الولد اللي نفسه فيه
نبيله / ولما يجيبه ويركنك ع الرف ويقولك مبقتيش تلزميني هتعملي ايه وقتها
رجاء / هقطعه حتت ناصر عمره م يعمل كده لانه عارف اللي بينا مينتهيش بورقه م انتي عارفه كل حاجه
نبيله / عارفه ياحبيبتي انك بنت عمه وياما وقفتي جنبه وساعدتيه لحد م وقف ع رجله واخدتي ورثك من باباكي ومن المرحوم جوزك وادتهومله يشتغل ويكبر واهي دي آخرتها كل شويه جوازه جديدة
رجاء / ماهي لو متعدلتش هزحلقها زي غيرها
نبيله / هو لسه معرفش اللي عملتيه ههههههههههههههههههه
رجاء / وهيعرف منين
نبيله / بس البت الأخيرة دي صعبت عليه اوي
رجاء / ليه ياحبيبتي وبعدين هي اللي جبته لنفسها قال كانت شايفه نفسها عليه لحد م كسرت رقبتها وطردها ورماها بره
نبيله / بس مكانش لازم تجبيها من الناحية دي
رجاء / مفيش حاجه تضايق الراجل وتخليه يطلق الست اللي بيحبها اكتر من إنه يعرف إنها بتخونه وقتها مستحيل يتفاهم دا كويس انه مقتلهاش
نبيله / طب واللي قبلها عملتي معاها نفس الحركة برضو
رجاء / لازم يعرف إن مفيش ست ليها امان عشان يتمسك بيه اكتر وتبقى التانية دي مجرد واحده جايه تحمل وتخلف وبس
نبيله / والبت الجديدة دي أخبارها ايه
رجاء / اهي سايباها متلقحه ع السرير نايمه ع ضهرها
نبيله / ههههههههه هو حصل ولا ايه
رجاء / حصل وكلها سبع شهور واخلص من الكابوس ده
نبيله / واللي في بطنها
رجاء / ابني وهربيه في حضني
نبيله / وهي هتعملوا معاها ايه
رجاء / لو قبلت بالأمر الواقع وقعدت معانا يبقى تمام اهي تبقى الداده بتاعته وتربيه معايا موافقتش يبقى تغور في داهيه
نبيله / هو ناصر مش داخل في شغل جديد اليومين دول
رجاء / عندك بضاعه عايزة تبيعيها
نبيله / ها لأ فتحي قايم بكل حاجه
رجاء / مش دا الواد اللي شغال عندك في المصنع
نبيله / واد!
رجاء / اقصد يعني الشاب اللي شغال عندك في المصنع
نبيله / ايوه ماهو بقى جوزى وكل دنيتي

رجاء / فرحتلك اوي من قلبي يلا بقى شدي حيلك وهاتي نونو صغير بقى عشان اخواتك يبعدوا عنك
نبيله / دول بيقسموا الورث من دلوقت ياحبيبتي
رجاء / هما دول يبقوا اخوات
نبيله / هعمل ايه طمعانيين فيه وكل شويه هاتي هاتي لما زهقت
رجاء / هروح بقى زمان ناصر رجع
نبيله / هي مش التانيه هناك
رجاء / اسيبهولها يعني ولا ايه
مستحيل دا يحصل هو هيبات عندي الليله
_________________
-
في شقة خيري... في المساء
سامية / اطلعي يا ليلى قدمي الحاجه الساقعه دي ل سليم وباباه
شريف / هاتي يا ليلى الصنيه تقيله عليكي
ليلى / لا سيبها ملكش دعوة
شريف / يابنتي انا خايف عليكي
سامية / ههههههههه سيبها ياشريف وتعالى عايزاك في كلمتين
ليلى / وسع بقى
شريف / اتفضلي
وقرب شريف من مامته
شريف / نعم ياست الكل هاتي ما عندك هههههههه
سامية / هههههههههه انت اخبارك ايه مع غادة
شريف / زي الفل... الحمد لله
سامية / مفيش حاجه كده جايه في السكه
شريف / هههههههههههههههه يعني لو في هخبي عليكي
سامية / م انا قولت كده برضو
إن شاء ﷲ... يحصل قريب ونفرح كلنا
شريف / بإذن ﷲ
ليلى داخله اوضتها وغادة قاعدة ع السرير بتقلب في المجله
غادة / متأخرتيش يعني
ليلى / لاقيتهم بيتكلموا مع بعض قولت اسيبهم براحتهم
غادة / ههههههههه تلاقيهم بيتفقوا ياااه فكرتيني يا ليلى ب الذي مضى
ليلى / هههههههههههههه مضى ايه بس انتو مبقلكوش سبع شهور متجوزين
غادة / احلى سبع شهور في حياتي
ليلى / هو الحب بيفضل بعد الجواز ياغادة ولا بيروح
غادة / مع اخوكي محستش ابدا إنه راح بالعكس يمكن بقى اقوي من الاول
ليلى / طمنتيني
غادة / ههههههههه متقلقيش سليم بيحبك ومش ممكن حبكوا دا يقل ابدا
ليلى / بسمع كتير إن الحب بعد الجواز بيقل وممكن يختفي كمان
غادة / لا مستحيل إلا إذا كان في طرف حاول يجمل صورته في فترة الخطوبه وظهر بوش تاني بعدها فأكيد البنت ياعيني هتتصدم او العكس
لكن انتي وسليم متربيين مع بعض وعارفين اطباع بعض
ليلى / عندك حق ههههههههههه
شريف يخبط ع الباب
ليلى / ادخل ياشريف
يقرب ويقعد ع طرف السرير
شريف / ايه مستخبيين هنا ايه؟
غادة / ههههههههه بقولها تحرج تقعد معاهم مش راضيه
شريف / امال عدي اخوكي فين
ليلى / خرج مع أصحابه
شريف / شكلهم خرجوا
ليلى / هما مين
شريف / الدكتور مروان وسليم
جريت ليلى وقفت عند الباب
ليلى / شريف
شريف / نعم
ليلى / اخرج طمني
شريف / اطمنك ع ايه
ليلى / متبقاش رخم بقى اخرج يلا
شريف / ومالك قلقانه كده تكونيش عايزة تتجوزي
غادة / ههههههههه امال كانت بتتخطب ليه اخرج بقى وطمنا
شريف / م تروحي تسألي بابا
ليلى / شوفيلك حل في جوزك ده
غادة / م تخرج بقى ياشريف م انت عارف البنت في الموقف دا مينفعش يعني انتي فاهمني يلا بقى
شريف / هههههههههههههههه مكسوفين يعني
خلاص متتجوزوش
ليلى تخبطه في كتفه / انت هتخرج ولا ايه نظامك بالظبط
شريف / حاضر بس الحركة دي بلاش تعمليها قدام غادة
غادة / هههههههههههههههه
ليلى / لا غادة عارفه كل حاجه متقلقش
__________