🥀 ليلى ❤️🥀

الحلقة ٣١

الحلقة ٣١
#ليلى
#بوسى_مصطفى
________________

سليم بيتكلم مع وداد في التليفون
وداد / اوعي تكون نسيتني احسن ازعل منك
سليم / لا منستكيش... اخبارك
وداد / كويسه... ايه مالك دمك تقيل كده ليه
سليم / نعم!
وداد / هو انت بقى من النوع الحمقى اللي بيزعل بسرعه
سليم / هو في حاجه محتاجاها مني
وداد / مالك متسربع ع ايه الدنيا هتطير
سليم / لا اصل دا ميعاد العشا بتاعي والمدام مستنياني
وداد / مدام مين
سليم / مراتي حبيبتي
وداد / انت متجوز
سليم / ايه دا... ومالك اندهشتي ليه
هو مش من حقي اتجوز ولا ايه
حاضر يا ليلى جاي اهوه ياحبيبتي
معلش يافنانه هبقي اكلم حضرتك بعدين
وداد / اوكيه... مع السلامة
وقفل سليم التليفون وهو بيضحك
ليلى / بتعمل ايه عندك ياسليم
سليم / ولا حاجه ياروحي
ليلى / طب يلا ياحبيبي عشان ناكل
_____________________

قدام العمارة اللي ساكن فيها ربيع يوقف بالعربيه
ويقرب عبودة يفتح باب العربيه
وينزل ربيع ويشيلها يطلعها فوق وهي شبه متخدره مش حاسه بأي حاجه
نيمها في سريرها وقفل الباب وخرج
والدة عبودة / احنا عايزين نعرف بنتنا حصلها ايه احنا وصلناها لهنا كانت كويسه
عبودة / مخلتهاش في المستشفى ليه ياباشا
ربيع / كنت عايزني اسيبها في المستشفى عشان ندخل في سين وجيم
عبودة / يبقى اختي حصلها حاجه وانت مش عايز تقولنا
ربيع / هيحصلها ايه يعني اختك اللي اعصابها خفيفه وبعدين انت ناسي انها لسه صغيرة ولو عرفوا بقى هناك انها متجوزه والكلام دا هندخل في مشاكل احنا في غنى عنها
عبودة / امال دخلت المستشفى وخرجت منها ازاي
ربيع / الفلوس ياحبيبي تعمل كل حاجه
والدة عبودة / طب ياابني قولنا بس دعاء مالها يعني احنا منعرفش حصلها ايه
ربيع / بنتك كويسه ياحاجه
هتاخد العلاج دا وهتبقي زي الحصان
دعاء بتعيط وتنادي/ عبودة... ماما
عبودة بيجري يدخل جوه
عبودة / ايوه يا دعاء انتي عامله ايه ياحبيبتي
دعاء نظرت ليه وسكتت
والدة عبودة فهمت إن بنتها خايفه بس متعرفش اللي حصل ل دعاء من ربيع
والدة عبودة / عبودة اطلع دلوقت وسيبني مع اختك شويه
عبودة ونظر لدعاء / حاضر ياماما
والدة عبودة قربت من دعاء / ايه يا دعاء عامله ايه يابنتي
دعاء بتعيط / ماما انا تعبانه اوي انا عايزه اخرج من هنا
والدة عبودة / يلهوي تخرجي من هنا يعني ايه... دي الناس كانت اكلت وشنا يابنتي
انتي لسه عروسة ياحبيبتي
دعاء / ماما انا كرهت الجواز وكرهت الراجل اللي بره ده
والدة عبودة تقفل بؤ دعاء ب ايدها / اششش اسكتي يسمعك
بكره تاخدوا على بعض انتي بس اهدي كده والأمور هتبقى تمام
دعاء / لا ياماما انا خايفه اقعد هنا انا مش بحبه ولا عايزاه
والدة دعاء / بطلي دلع بقى هو كان لعب عيال ولا ايه
الناس كلها عرفت انك اتجوزتي
والراجل قاعد بره خايف عليكي
انتي بس اللي دماغك ناشفه
دعاء / لا ياماما انا مش عايزة اقعد هنا انا همشي
وتقوم دعاء من السرير
والدة عبودة تقعدها بالعافيه / اسمعي لو خرجتي من هنا متجيش عندي انتي فاهمه
دعاء / هروح اي مكان حتى لو نمت في الشارع هيكون احسن مية مرة من هنا
والدة عبودة / بقولك ايه اعقلي كده وعيشي
عبودة يلا ياابني عشان نمشي اختك بقيت كويسه خلاص
دعاء / ماما... ماما متسبنيش
في الريسبشن
عبودة / يعني هي بقيت كويسه بجد ياماما
والدة عبودة / ايوه ياابني
ونظرت ل ربيع / خلي بالك منها ياابني بينا ياعبودة
وخرجوا من الشقة
دخل ربيع ل دعاء اللي كانت خايفه وبتترعش
ربيع / عاجبك اللي حصل دا
دعاء قامت ووقفت ع السرير بخوف
ربيع / متخافيش مش هعملك حاجه
انا هنام في الاوضة التانية وانتي نامي هنا
تصبحي على خير
وخرج ربيع من الغرفه وقعدت دعاء على السرير تعيط
___________