🥀 ليلى ❤️🥀

الحلقة الرابعة

الحلقة ٤
#ليلي
#بوسي_مصطفي
____________

ليلى خارجه من غرفة شريف
شريف / رايحه فين يا ليلى؟
ليلى / عايز حاجه يا شريف؟
شريف / كنت عايز اتكلم معاكي شويه.
ليلى / طب هطلع اغسل اسناني واجيلك.
شريف / تغسلي أسنانك!
ليلى / ايوه وفيها ايه؟
شريف / مش لما تاكلي الأول تعالي هنا قوليلي سليم كان بيقولك ايه؟
ليلى / هو انت لما بتتكلم أنت وغادة انا ب اسألكم بتتكلموا تقولوا ايه؟
شريف / لمضه وردك جاهز دايماً.
ليلى / شريف حل مشكلتك مش عندي
ماهو اما بابا غادة يلين دماغه دي ويمشي ع الاتفاق اللي كان بينكم ل اما بقى يوافق إن بنته تنام ع الارض.
شريف / بقولك ايه.
ليلى / نعم.
شريف / عايزك تروحي تطمني عليها وتقعدي معاها شوية وطمنيها اني مش هسيبها وكل اللي هي عايزاه هعمله
بس تفتح تليفونها.
ليلى / ليه هي موافقه باباها في قراراته دي؟
شريف / متكلمتش معاها اصلا في الموضوع دا
أخر مكالمة كانت م بينا قالتلي تعالي بابا عايزك ومن بعدها بقى قفلت الفون خالص.
ليلى / مش هي دا اكيد باباها.
شريف / خلاص يبقى مفيش قدامي غير اني ابعتك ليها عشان تطمني عليها عشان خاطري يا ليلى.
ليلى / حاضر يا شريف متقلقش كل حاجه هتبقى تمام وهتفرح وتتجوز وهرقص في فرحك كمان ايه رأيك.
ابتسم شريف وهو عينه مدمعه.
ليلى / فُكها بقى... هروح اشوف ماما عامله ايه ناكله عشان انا عصافير بطني بتصوصو.
خرجت ليلى من غرفة شريف ومقربه من باب الشقة تفتحه.
خيري / رايحه فين يا ليلى؟
ليلى وقفت مكانها وهي مش عارفه هترد تقول ايه.
ليلى / اصل يا بابا حد جايبلي ورق مهم هطلع اجيبه.
خيري / تطلعي فين... عدي ينزل ولا يطلع يجيب الورق ده (بينادي) يا عدي.
خرج عدي من الغرفة / نعم يا بابا.
خيري / انزل هات حاجة اختك من تحت
هو مين اللي تحت يابنتي؟
ليلى / تعالى يا عدي انا هفهَمك كل حاجه.
ودا طبعاً عشان تهرب من سؤال باباها لانها مش هتعرف تكدب عليه.
عدي / نعم.
تفتح ليلى باب الشقة وتكلم عدي قدام الباب عشان باباها ميسمعش.
ليلى / عدي انت هتطلع فوق السطوح تجيبلي الورق.
عدي / نعم!... فوق السطوح ازاي يعني؟
ليلى بهمس / سليم فوق اطلع قوله ليلى مش جايه عشان بابا.
عدي / اممم متقولي ان  الموضوع كده بقى.
ليلى / متتلمضش ويلا اطلع وانزل بسرعة.
عدي / حاضر.
خيري / اقفلي يابنتي الباب دا الجو برد.
ليلى / حاضر يا بابا.
ودخلت وقفلت الباب.
فوق السطوح.
سليم كان واقف ومستعد لطلوع ليلى ل عنده
لاقى خيال جاي ع السلم لحد عنده.
سليم / ايه دا هي دي ليلى؟
عدي / لا خيال اخوها... هات الورق.
سليم / ورق ايه
وايه اللي جايبك انت هنا؟
عدي / ليلى مش هتعرف تيجي علشان بابا وعلشان كمان ليها اخوات رجاله.
سيف / طب انزل يا عدي.
عدي / هات الورق عشان انزل.
سليم وهو مضايق / طيب يا ليلى
اتفضل الورق.
اخد عدي الورق ونزل جرى وسليم فضل واقف شوية وبعدها نزل  تحت وهو متغاظ من موقف ليلى معاه.
________
في شقة خيري.
خيري بينادي/ شريف.... انت فين ياابني؟
كان شريف نايم على السرير.
ليلى / شريف... شريف قوم بابا بينادي عليك.
يقوم شريف بفزع / ايه في ايه؟
ليلى ببتسامة / قوم الظاهر ماما لينت دماغ بابا... انا قلبي حاسس بكده.
شريف قام ونط من السرير.
ليلى / هههههههههه ع مهلك ياابني لتتجبس قبل الجواز ونضطر نأجله من تاني
هههههههههههههههههه.
يخرج شريف بسرعه.
شريف / نعم يابابا.
خيري / تعالى اقعد هنا ياابني.
شريف وقرب من والده وهو بينظر لوالده عشان يعرف هو عايزة في ايه.
خيري / انت بتبصلي كده ليه؟
شريف / بابا حضرتك وافقت تديني الفلوس عشان اشتري العفش صح؟
خيري / بس بشرط.
شريف وهو بيقبل ايد والده / اشرط زي م انت عايز يااعظم أب في الدنيا.
خيري / هههههههههه تاخد الفلوس دلوقت وتتصل بحماك وتنزلوا تشتروا العفش الليلة.
شريف / هههههههههه حاضر.
سامية / القهوة ياخيري...
شريف يقبل ايد والدته / انتي اجمل واحن أم في الدنيا يا أم شريف.
خيري / هههههههههه شوف الواد اللي كان من شويه بيعيط.
ساميه / هههههههههه يبقى بابا وافق... نزعرط بقى ولا ايه؟
شريف / زغرطي يا أم شريف.
سامية بتزغرط.
خيري / بس... بس الناس تقول ايه؟!
سامية / فرحانه بـ ابني فيها ايه دي.
______