🥀 ليلى ❤️🥀

الحلقة ٤٨

الحلقة ٤٨
#ليلى
#بوسى_مصطفى
______________

بعد كام يوم من الأحداث

في شقة سليم
ليلى تدخل الشقة جري
كان سليم بيلبس
ليلى / في ايه ياسليم قلقتني
سليم / معلش ياحبيبتي كلمتك عشان اسلم عليكي قبل م سافر
ليلى / ايوه م انا عرفت منك انك مسافر بس مفهمتش اي حاجه
سليم / اتصلوا بيه من ساعة وقالولي كل حاجه هتمشي زي ماهي
واللي انا عايزة هيتنفذ ولازم انزل دلوقت عشان ميعاد الطيارة يالوله
ليلى / طب وانا
سليم / معلش ياحبيبتي مرة تانيه
قرب حضنها جامد / هتوحشيني يالوله.. بوسيلي الولاد كتير اوي
سلام
ليلى / سليم استنى
سليم عند باب الشقة
سليم / نعم ياحبيبتي
ليلى / هتوحشني اوي مع السلامة ياحبيبي
سليم / بتعيطي هههههههه
دي الاقصر ياحبيبتي
يعني لو اجزتي من الشغل ممكن تجيلي سلام ياحياتي
ليلى / مع السلامة ياحبيبي
يخرج سليم من الشقة
_______

تليفون ليلى يرن تفتح الشنطه اللي كانت ع السفرة
وتاخد التليفون
ليلى / وعليكم السلام... صباح النور ياماما
سامية / انتي في الجورنال ياليلي
ليلى / لا انا في البيت ياماما
سامية / طيب ياحبيبتي هاتي الولاد وتعالى اتغدى معانا
كلمي سليم وقوليلوا ولا هو عندك
ليلى / لا سليم سافر
سامية / سافر!
سافر فين يابنتي؟؟؟
ليلى / سافر الاقصر ياماما عنده شغل هناك
سامية / طيب ياحبيبتي يرجع بالسلامة
ليلى بتعيط
سامية / في ايه بس ياليلي
دول كلهم كام يوم يابنتي هو مسافر اخر الدنيا
ليلي / مش عارفه قلبي مقبوض اوي
حاسه إنه هيوقف
سامية / بعد الشر عليكي يابنتي
خلاص كلمي سليم وقوليله إنك رايحه عند بابا
اهو تفوكي عن نفسك شويه
ليلى / حاضر ياماما
بس هشوف حنين مجاتش ليه لغاية دلوقت
سامية / خلاص قوليلها متجيش
هتيجي تعمل ايه
هاتي الولاد بس وملكيش دعوة
انا خلصت شغل البيت ومفيش حاجه اعملها
ليلى / حاضر ياماما
هكلم سليم قبل م يطلع الطيارة
سامية / سلميلي عليه يا ليلى... مع السلامة يابنتي
____________

في شقة والد غادة
حوريه قاعدة قدام التليفزيون تعدي دلال من قدامها
حوريه / لو سمحتي وسعي كده عشان اعرف اشوف
دلال / بقولك ايه ياحوريه م تاخدي تقطعي الكرنبه دي وتسلوقيها اصل نفسي غامه عليه اوي ومش قادرة أقف
حوريه / انا هاكل منها؟؟؟
دلال / ليه مش عايشه معانا في البيت
حوريه / انا باكل لوحدي
انتي بقى عايزة تاكلي اعملي لنفسك انا مش خدامه هنا لحد
دلال / وجوزك هياكل منه
ايه مش عايزاه يرجع يلاقي اكل في البيت
حوريه / هو مش متجوز ست  برضو
يعني بتعرف تعمل كل حاجه
انا خلاص ياحبيبتي شيلت ايدي من خدمته
شيلي الشيله لوحدك ياحبيبتي
وبلاش تقولي جوزى عشان هو مبقاش خلاص
كفاية انتي ياحبيبتي
ولا الحب والدلع لناس وانا اللي عليه خدمته
دلال / ههههههههه دي غيره بقى
حوريه / هههههههههه اللي اخدته الهانم ياحبيبتي
هغير ع ايه... عيشيلك يومين
بس اوعي تزهقي ولا تملي انا قولتلك اهوه
انا داخله اوضتي ياحبيبتي هنام مسمعش بقى دوشه انا مصدعه
دلال / والشقه اللي تضرب تقلب دي مين هينضفها
حوريه / ليه وانا اللي كنت بهدتلها
ادي المخده اللي كنت نايمه عليها.. عدلتها والريموت اهو جنب التليفزيون والكوبايه اللي شربت فيها غسلتها
غير كده مليش فيه
اكنسي وامسحي انتي عشان البيه جوزك يرجع يلاقي الشقة نضيفه
ولما تعزمي اختك وولادها ابقى خليهم ينضفوا قبل م ينزلوا طالما صحتك ع قدك ياحبيبتي
دلال / نساعد بعض ياحوريه
حوريه / أولا انا اسمي ام غادة
عشان انا اكبر منك
تاني حاجه بقى انا مش هساعد حد
انا هنضف مكاني وبس
اه نسيت اقولك الراجل اللي انتي متجوزاه اشبعي بيه ياحبيبتي وياريت تقوليله لو عنده كرامة يطلقني عند المأذون بس قبل م يطلقني يرجعلي فلوسي ودهبي
تخبط دلال بالغوايش اللي في ايدها
دلال / منين ياحبيبتي م انتي عارفه الظروف
الست الاصيله اللي توقف جنب جوزها
حوريه / تمام يااصيله اقفى جنبه ياحبيبتي واخلعي اللي في ايدك
دلال / لو طلبهم مني مش هعزهم عليه
حوريه / بكره يخلعهم من ايدك عشان يتجوز التالته
دلال / دا يبقى اخر يوم في عمره وعمرها
حوريه / متخافيش ماهو كأس وداير ياحلوه
ودخلت حوريه وقفلت الباب
دلال / آآآه يااني الحمل دا متعب بشكل
بس كله يهون عشان جوزى حبيبي يفرح ويتبسط
حوريه اخدت التليفون تطمن على غادة
كانت غادة لسه قايمه من النوم
غادة / الو
حوريه / انتي كنتي نايمه ياغادة
غادة / ماما!
صباح الخير ياحبيبتي
حوريه / صباح النور يابنتي
عامله ايه
غادة / انا كويسه ياماما
قوليلي بس حضرتك اللي عامله ايه
حوريه / كويسه ياغادة متقلقيش عليه يابنتي
غادة / طب ناويه ع ايه
حوريه / ناويه اطفشها من البيت
غادة / بابا عمل معاكي حاجه
حوريه / لأ هيعمل ايه يعني
غادة / لسه بتحبيه ياماما
حوريه / هههههههههه احب ايه يابنتي
ولا فارق معايا اصلا
انا كده مستريحه
خليها هي تخدم وتدادي يابنتي
انا صحتي خلاص هوفرها لنفسي
غادة / طيب مش هتيجي عندي انا نفسي اشوفك اوي ياماما
حوريه / موضوع الخروج دا مش مضمون اكيد ابوكي مش هيوافق
غادة / طب وبعدين ياماما
حوريه / انا قاعدة هنا يابنتي لحد م اشوف هعمل ايه
غادة / طب ازاي بتاكلي مع الست دي
حوريه / لا باكل معاها ولا معاه
غادة / طب سؤال بس معلش هو محرج شويه
حوريه / اسألي يابنتي
غادة / هو بابا بينام فين
حوريه / بينام جوه في اوضة العروسة
غادة / وحضرتك
حوريه / مينفعش ياغادة اقولك ع حاجه
انا وباباكي اصلا منفصلين
يعني ملوش حاجه عندي
غادة / ازاي يعني ياماما منفصلين امال يعني عايشين مع بعض ازاي
حوريه / باباكي رمي عليه يمين الطلاق وكانت اخر طلقه لما حلف بالطلاق اني مروحش عندك وانا روحت لما طردني وع فكرة هو بيحلف بالطلاق كتير وانا قررت خلاص اني ابعد عنه لانه لما بيروح هناك عند الشيخ بيكدب ويقول محصلش واخر مرة قاله انت بقيلك طلقه واحده ع اعتبار إنه رمي يمين الطلاق مرتين بس
بس انا عارفه انه بيكدب ف اخدت جنب يابنتي عشان كده كنت بنام في اوضه لوحدي وهو دا اللي كان بيضايقه
ودا سبب مشاكلنا
غادة / ياخبر طب وبعدين
حوريه / مش عارفه اثبت الكلام ده
لانه بيكدب مش عايز يطلق
بس انا هخلعه خلاص مش قادرة يابنتي
غادة متعيطيش انا كويسه وبعدين حد قالك اني عيله صغيرة مش هعرف اخد حقي
غادة مبترديش ليه
غادة / معلش ياماما دوخت فجأة كده ومش قادرة خالص عايزة انام
حوريه / خلي بالك من نفسك يابنتي
هو شريف في الشغل دلوقت
غادة / اه ياماما زي كل يوم
حوريه / طيب يابنتي لو تعبانه خليكي نايمه واتصلي بيه يجيب اكل معاه وهو جاي بلاش توقفي في المطبخ وانتي تعبانه كده انا لو عندك كنت عملتك كل حاجه
غادة بتعيط / شوفتي بقى انتي اللي بتخليني اعيط اهوه
حوريه / ازمه هتعدي يابنتي... بإذن ﷲ
خدي بالك من نفسك بقى.. مع السلامة
غادة / مع السلامة ياماما
________________