🥀 ليلى ❤️🥀

الحلقة ١٣

الحلقة ١٣
#ليلي
#بوسي_مصطفى
__________________

في قاعة الأفراح
فريال ل ليلى / عقبالك انتي وسليم يا لولا
ليلى ببتسامة / متشكره اوي يا طنط
فريال / عايزاكم بقى تشدوا حيلكم عشان تتخرجوا بقى ونفرح بيكم
ليلى / بإذن ﷲ
ياطنط
فريال / اومال سليم فين
ليلى / خرج يكلم واحد صاحبه في التليفون
فريال / طب لما يجي قوليلوا كلم ماما
ليلى / حاضر ياطنط
ع طربيزة تانيه
سامية / عدي قوم أقف جنب اخوك ياحبيبي
عدي / حاضر
خيري / سبيه قاعد ياسامية
سامية / بقول يعني يقوم يوقف جنب شريف بدل قعدته دي
عدي / انا اصلا مبحبش الدوشه دي
سامية / هههههههههه عقبال ليلتك ياحبيبي
عدي / ياااه ياماما لسه بدري اوي ادعيلي اجيب المجموع اللي نفسي فيه عشان ادخل هندسه واحقق حلم بابا
طبطب عليه خيري ببتسامة / بإذن ﷲ
ياحبيبي بس شد حيلك في المذاكرة شويه
عدي / حاضر يابابا
____________

في شقة عم جمعه
رانيا لسه داخله تنام سمعت باب الشقة بيتفتح
قامت بسرعه تشوف مين
كان سمير وحسن بره في الصاله
سمير / مساء الخير
رانيا مردتش
حسن / ازيك يا رانيا عامله ايه
رانيا / الحمد لله
سمير / اخوكي هيقعد هنا معاكي
رانيا / ينور البيت بيته
سمير / احنا قولنا ميصحش تقعدي لوحدك في الشقة
احنا رجاله برضو ونفهم في الأصول
نظرت ليه رانيا بضيق ومتكلمتش
حسن / انا داخل انام تصبحو على خير
سمير قعد على الكرسي / اعمليلي فنجان قهوة يا رانيا
رانيا / معندناش سكر
سمير / هشربها من غير سكر
رانيا / معندناش بن
سمير / طب هاتي كوباية مياة
رانيا / المياة قاطعه
سمير / لدرجادي مش طايقاني
رانيا / متروح للهانم مراتك تعملك اللي انت عايزة
انا بطلت خدمه من زمان ياحبيبي
صحتي خلاص مبقتش مستحمله
هوفرها بقى لنفسي
سمير / طب اقعدي عايز اتكلم معاكي
رانيا / مفيش غير الكرسي اللي انت قاعد عليه هقعد فين؟!
ع الارض!
سمير قام قعد على الطربيزة الصغيره وترك الكرسي ل رانيا
سمير / اقعدي يلا
رانيا / جاي ليه ياسمير
سمير / جاي وجايب الخير كله ليكي
رانيا / خير!
نكته دي ولا ايه؟
هو انت عمرك بيجي من وراك خير ابدا؟
سمير / لا بجد المرادي جاي وجايبلك
خبر هيخليكي تطيري من الفرحه
رانيا بسخريه / ينفع اضحك ههههههههههههههههههه
هم يبكي وهم يضحك
قول يااخويه قول يمكن هترجعلي فلوسي قبل م اسجنك
سمير / عارفه انك هتدعيلي كتير اوي
رانيا / اخلص وهات من الاخر معنديش مراره لبرودك ده
سمير / جايبلك عريس
رانيا / عريس!
سمير / متريش ومعاه فلوس تعيشك ملكه طول العمر
رانيا / سمير باباك لسه
قاطعها سمير / هو عارف كل الظروف هو اصلا مش هيعمل فرح ولا هيصه ولا الكلام ده
رانيا / فرح!
انت مالك داخل حامي كده
فرح ايه يا سمير وبعدين مين دا يعني وشافني فين
سمير / بصراحه شاف صورتك على تليفوني وهيتجنن من وقتها وكل يوم جاي عندي في الورشه ووجع دماغي عايز يجي يتقدم ويخلص ع طول
رانيا / بعيداً عن طريقتك اللي انا مش بلعاها دي
لكن اي حد يجي من طرفك اكيد اكيد وراه مصيبه وجاي انت بقى تلبسهالي
سمير / طب بصي كده
وفتح التليفون وبيقلب في الصور
سمير / اهوه شوفي عشان تتأكدي
رانيا / دا كبير في السن
سمير / مش كبير اوي دا خمسه وأربعين سنه بس
رانيا / نعم!
سمير / يابنتي الراجل صحته كويسه دا شباب اكتر مني العز يااختي واكل الوز يخلوا العجوز شباب ودا مش عجوز م انتي شايفه اهو مدلع نفسه ع الاخر
طب بصي العربيه بتاعته دي انا كنت بصلحها الاسبوع اللي فات
عارفه دي تعملها كام
رانيا / مش عايزة اعرف ولا عايزة اتجوز
سمير / تبقى اتجننتي يا حبيبتي
الراجل هيتجنن عليكي خصوصاً لما عرف انك لسه صغيرة وهو دا طلبه
رانيا / طلب ايه؟!
انت مجنون ياابني ولا ايه؟!
دا ضعف سني انت بتتكلم في ايه؟
سمير / دا تاجر كبير عنده مصنع وعزبه في الفلاحين وفيلا هنا في مصر وعمارة في اسكندريه غير المشاريع اللي مشارك فيها
متضيعيش الفرصه دي من ايدينا يارانيا عاجبك يعني عيشتك دي
رانيا / الحمد لله... فضل ونعمه
طالما بالحلال
سمير / وانتي هتتجوزي بالحلال برضو هو انا يعني هرميكي
دا انتي اختي يا بت اللي مليش غيرها
رانيا / كبير يا سمير
سمير / ع ايدك هيبقى صغير
هتدلعيه وتهننيه هيرجع شباب من تاني
اللي شايفاه دا بيروح الجيم ومحافظ ع صحته واكله وكل حاجه
هو قالي توافق بس واللي تطلبه انا عنيه ليها تشاور بس في لحظه كل هيبقى تحت رجلها
رانيا / اشوفه الأول
سمير بفرحه / ماهو طبعاً هتشوفيه اومال يعني هتتجوزي من غير ما تشوفيه وتعرفيه
رانيا / خلاص ماشي
سمير بيطبطب عليها / انا عارف انك زعلانه مني عشان كده انا عايز افرحك واعملك اي حاجه عشان تنسى الايام الصعبه اللي عيشتيها في الفقر والضنك اللي كنتي فيه دا
انا همشي بقى وبكره تيجي عندي عشان هو هيجيلي ع هناك
انتي عارفه الشقة هنا يعني متنفعش ل استقبال الضيوف
رانيا / م تخليها بعد أربعين بابا اكون حتى نفسياً بقيت كويسه
سمير / الفرح بعد الأربعين متقلقيش بس دي هتكون فترة تعارف كده يعني
رانيا / ماشي
سمير / بس تحطي حاجه في وشك كده وتلبسي طقم حلو
الصورة اللي شافك فيها كنتي مورده غير كده خالص
اخلعي الأسود دا واضحكي كده محدش واخد منها حاجه
تصبحي على خير
رانيا / وانت من اهل الخير
وفتح سمير الباب وخرج
سمير بيتكلم في التليفون
مدحت / ها عملت ايه
سمير / لسه نازل من عندها حالا
مدحت / اه وايه الأخبار
سمير / هتوافق متقلقش انا متأكد من كده شوفت الفرحه في عيونها وانا نازل
مدحت / هي شافته
سمير / اه طبعاً شافت صورته هي في الأول كده قالت كبير بس لما ضغطت عليها وكلتها بالكلام لاقيتها بدأت تلين شويه
انت بقى من ناحيتك تبدأ تلين دماغها اكتر بكلمتين كده تخليها توافق
مدحت / دي خبطة العمر ياله ياسمير
لو حصلت فعلاً هنقب ع وش الدنيا وهتبقي الدنيا اخر منجهه
سمير / متقاطعش بس
وادعي انها توافق اصل انا قولتلها إن عنده خمسه وأربعين
مدحت / خمسه وأربعين من خمسين مش فارقه ياسمير
بس عرفتها انه كان متجوز قبل كده ومحصلش نصيب
سمير / لأ التفاصيل دي تعرفها بعدين المهم تقتنع بيه انت عارف اختك مبيعجبهاش العجب
______