الحلقة ٣٥
#ليلى
#بوسى_مصطفى
______________
في المساء.. في شقة عبودة
ليلى / ليه مش عايز تقولي على عنوان دعاء
عبودة / ارجوكي يااستاذة ابعدي عن دعاء
ليلى / ابعد عنها
يعني بعد م اتخليت عنها عايزني انا كمان ابعد واتخلي عنها
انت مش خايف ع اختك إن الراجل اللي متجوزاه دا يعمل فيها حاجه
والدة عبودة داخله بالقهوة / اسمعي يااستاذة انتي ولا اسمك ايه انا مش عارفه
دعاء دي تبقي بنتنا احنا ومصلحتها تهمنا احنا متهمكيش في حاجه
ليلى / جوزها كان بيضربها انا سمعتها بودني وهي بتصرخ وبتستغبث بحد ينجدها منه
ازاي حضرتك بتحطي دماغك ع المخده وتنامي وانتي عارفه إن بنتك تعبانه
دي حامل ضربه ليها ممكن تسبب لها نزيف ودي لسه صغيرة متتحملش كل الاذى النفسي والجسدي دا
والدة عبودة / ريحي نفسك وابعدي عننا انتي عايزة تطلقيها من جوزها دي الناس كانت تاكل وشنا
ليلى / الناس مش هتنفعك ولا هتنفع بنتك ولا هتروح تحوش عنها وهي بتضرب ياحاجه
خافي ع بنتك اكتر من كده حضرتك متأكده انك مامتها مش مرات باباها
والدة عبودة /شكلك متعقده من الرجاله وجايه تطلعي همك فينا
ارجعي لبيتك يابنت الناس ومتدخليش في اللي ميخصكيش
ليلى / عبودة انا هروح أبلغ البوليس وهما بقى يشوفوا شغلهم
والدة عبودة / لا ياشيخه خوفتينا والبوليس بقى هيعملنا ايه
محدش له عندنا حاجه
عبودة / أستاذة ليلى عشان خاطري سيبك من الموضوع دا
جوزها لو شم خبر هيأذيكي وكمان ممكن يعمل في دعاء حاجه
ليلى / ممكن يعمل!
وهو كده مبيعملش؟!
ازاي هانت عليك اختك بالشكل دا
دفعلكوا كام عشان تبيعوا بنتكو بالطريقة دي
والدة عبودة / الظاهر لما طردتك المرة اللي فاتت مكانش كفاية المرادي بقى هتصرف معاكي
وبتشمر والدة عبودة كم العبايه بتاعتها
عبودة وقف بينهم / ماما بتعملي ايه
الأستاذة ضيفه عندك ميصحش كده
والدة عبودة / تخرج من هنا قبل م اخلي اللي م يشتري يتفرج عليها
اوعي سيبني عليها
عبودة بيفتح باب الشقة / معلش يااستاذة ليلى متزعليش مني
ليلى وهي واقفه عند الباب قصاد عبودة / بالعكس ياعبودة وهقولهالك تاني انا مش زعلانه منك انا زعلانه عليك...
اما بالنسبه لعنوان دعاء فدا انا هعرفه متقلقش... سلام
والدة عبودة / مع السلامة يااختي والقلب دعيلك
ليلى نازله من فوق تتمشى شويه
عقبال م تلاقي تاكس
تسمع
صوت حد بيصفر ( قالت حد بيعاكس ومرضيتش تتلفت)
استمر صوت الصفير
ليلى وهي متنرفزة وبتتلفت / وبعدين بقى
عاطف / ازيك يااستاذة ليلى
ليلى / عاطف!
عاطف / عارف إن حضرتك زعلانه مني
ليلى / لأ انا كنت قلقانه عليك
كنت فين ياعاطف وهربت من الدار ليه
عاطف / اتخنقت منها يااستاذة
ليلى / مقولتليش ليه
عاطف / محبتش اشيلك همي كتر خيرك ع اللي انتي عملتيه معايا
ليلى / وانا يعني كده ارتحت لما عرفت إنك هربت من الدار
قولي عامل ايه وساكن فين وبتشتغل ايه
عاطف / بشتغل اي حاجه
اما عامل ايه ف.. الحمد لله
ساكن فين بقى في الشارع حضرتك اللي زي هيسكنوا فين
ليلى / معجبكش المكان هناك
عاطف / الدار هناك مش زي م حضرتك فاكرة
دول بيتعاملوا معانا بطريقه وحشه اوي يا أستاذة
واللي بيغلط بيتعاقب
ليلى / ماهو دا اللي مفروض يحصل ان اللي بيغلط بيتعاقب ياعاطف حتى اللي بره الدار كمان بيتعاقبوا عشان يتعلموا من الغلط بتاعهم
عاطف / بس دول بيضربونا يااستاذة
ليلى / ياخبر ازاي ده
عاطف / مش مهم... المهم دلوقت انا شوفت حضرتك نازله من عند عبودة
ليلى / دا انتي مراقبني بقى
عاطف / جتيله ليه يااستاذة بعد اللي حصل
دا ميستاهلش ان حضرتك تيجي لحد هنا تطمني عليه
ليلى / انا كنت جايه عشان دعاء
عاطف / مالها دعاء
ليلى / تعرف توصلني ليها
عاطف / حضرتك سألتيني قبل كده وقولتلك معرفش مكانها
ليلى / لأ ماهو انت هتعرف عنوانها من عبودة
عاطف / مستحيل يقولي
ليلى / ماهو انت مش هتسأله انت هتمشي وراه وهتعرف مكانها
عاطف / اه فهمت
ليلى / بس اوعي يشوفك
عاطف / حاضر يااستاذة
فتحت ليلى الشنطة واخدت فلوس تعطيها ل عاطف
عاطف / متشكر يااستاذة انا مش محتاج فلوس
ليلى / هاتلك بيهم اي حاجه
عاطف / كتر خيرك يااستاذة
بس اوعي تزعلي مني
ليلى / هزعل منك ليه ياعاطف
عاطف / هجيبلك عنوان دعاء بس اوعي بقى بعد م تاخدي العنوان تنسى عاطف
ليلى / مقدرش انساك ياعاطف وانت عارف دا كويس
شاب يعدي من جنبهم / يا بختك ياض ياعاطف
(بيعاكس ليلى)
عاطف لسه هيقرب يضربه
تمسك ليلى ايد عاطف / تعالى هنا رايح فين
عاطف / دا واد عايز يتربي
ليلى / سيبك منه وتعالى معايا
عاطف / على فين
ليلى / جعانه وعايزة اكل تعالي معايا يلا
___________
أنت تقرأ
🥀 ليلى ❤️🥀
ChickLitليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
